Rm 6:14 - Meta’

¹⁴ Chəi ɨnû rɨbɔ̀ŋ wɨrɨ berɨ ɨka ɨgwɨ nən, ɨmbə̀ʼ ɨghəm nɨ chəi əwən əton rɨkə. Mbə mbɨ əton ɨ̀chɔ̀m Ŋwiə̀.

Ikan feg

¹⁴ Chəyi inug tibɔ̀ŋ beri ika igun inən imbə̀ʼ icheg ne chəyi mbə̰ mbe ywìrè ghìyə̀ inug icheg ne mə̀nɔ̀ʼɔ̀ kəbi. Mbə̰ ya ghìyə̀ inug yaʼ icheg bəd ne Ŋwiye fə ghi ìchɔ̀mì inən.

Rm 6:14 Marejeleo ya Msalaba

Matìyò 1:21

Wɨ̀ bɨrɨ gywɨ wan mbaŋə̀, à chu əməd ni Yeso, ɨmbə̀ʼ ɨghəm nɨ à yɨə məd bɨrɨ chɨ mbi bə̂d tɨ əton ɨka we nɨ ɨnû rɨbɔ̀ŋ berɨ ɨgwɨ mɨ̀mə̌d.”

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 1:17

Ŋwìə̀ nyaʼa naʼ tɨkə ənjìm ə Mose, àyɨə ɨ̀chɔ̀m mbɨ rəsìʼ nyaʼa yeʼe ənjìm ə Yeso Kristo.

Jn 8:36

Wan Ŋwìə̀ mɨ fə chɨ̀ əwən tɨ ənɨ ə̀bòʼò, əne wɨ̀ fə chɨ̀ əwən koŋ.

Rm 11:6

Wɨ̀ nyaʼa chɔʼ bə̂d mbe ənjìm ɨ̀chɔ̀m məd, kaʼi ɨmbə̀ʼ ɨnû mbe nɨ mbɨ nyaʼa ghɨ̌. À kɨ nɨ wɨ̀ nyaʼa chɔʼ mɨ̀mə̌d ənjìm ɨnû mbe nɨ mbɨ nyaʼa ghɨ̌, njɨ ka ɨ̀chɔ̀m Ŋwiə̀ yɨə wɨrɨ i ɨ̀chɔ̀m Ŋwiə̀.

Rm 4:16

Ŋwìə̀ nyaʼa kàʼ ɨghɨ ənjìm ɨbenɨ, ɨmbə̀ʼ ənjìm ɨ̀chɔ̀m məd, bɔn mɨjìm tɨ ənɨ əghaŋ ə Abràham mbe tɨ̀ mbɨ jɨg ɨghɨ mbe nɨ wɨ̀ nyaʼa kàʼi. Ka ɨghɨ mbe nɨ wɨ̀ nyaʼa kàʼi nyaʼa àmei əmbɨ ə bə̂d mbe nɨə nùŋə̀ rɨkə, ɨ mbɨə nyaʼa bə̂ əmbɨ mbe nɨ nyaʼa benɨ ɨchî nɨ Abràham nyaʼa bə benɨ. Abràham yɨə mbǎʼ ɨgwɨ mbà mɨjìm.

Rm 5:17

À mɨ yeʼ nɨ ɨvɨ wɨə nyaʼə tùmbɨ̀ ɨsɨg ənjìm ɨgu-ənû wə̀d mɔʼ, njɨ à yɨə bə̀ rəsìʼ ni bə̂d mbe nɨ jɨg ɨ̀chɔ̀m nɔnɔʼ bə̀ jɨg ɨneʼe we nɨ ghɨ ni mbɨ təm kùʼnɨ̀ bɨrɨ chub ɨkǎ tùmbɨ̀ ɨsɨg ənjìm ə wə̀d mɔʼ, əne yɨə Yeso Kristo.

Rm 5:18

Əne ɨchî nɨ ɨgu-ənû wə̀d mɔʼ nyaʼa zɨ ɨsaʼi ɨgwɨ ə bə̂d mɨjìm, əne tɨ̀ghɨrɨ-ɨnû wə̀d mɔʼ we nɨ təm kùʼnɨ̀ fə ghɨ̀ bə̂d mɨjìm təm kùʼnɨ̀ bə̀ ghɨ̀ ni bə̂d mɨ̀jìm jɨg ɨ̀tènɨ̀.

Rm 6:12

Əne tɨ mbə̀ ben ə ni ɨnû rɨbɔ̀ŋ tumbɨ tə nyamnyod te nɨə kwɨə, əne ghɨ̀ mbə̀ zuunɨ ɨnû rɨbɔ̀ŋ mbe nɨ tə nyamnyod ə feenɨə.

Rm 6:15

À kɨ ənû ə ye ə? Tɨ̀ wa ghɨ ɨnû rɨbɔ̀ŋ ɨmbə̀ʼ ɨghəm nɨ tɨ̀ yeʼ əton ɨ̀chɔ̀m Ŋwiə̀, kaʼi əton rɨkə ə? Chə̂!

Rm 8:12

Əne, kyɨə bɔŋgɔb, tɨ̀ yɨə bə̂d njɔ, àyɨə kaʼi əmbɨ ə nyamnyod, ɨmbə̀ʼ chub ɨchî nɨ nyamnyod kəbɨ.

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

Gàlesìyà 3:23

Bɔŋ ənû nɨ nuŋ fîŋ ɨgun ə Kristo nyaʼa sɨə yeʼe, tɨkə nyaʼa wùb əwa ɨghabɨ ni tɨ̀ yɨə bə̂d ndəŋ. Tɨ̀ nyaʼa wùb əne pè ənɨ Ŋwìə̀ nyaʼa chwi ənû nɨ nuŋ fîŋ ɨgun ə Kristo.

Gàlesìyà 4:21

Mbə̀n mbe nɨə kə̀b chub əton rɨkə, mbə̀ gha ɨ num: chəi mbə̀ kyerɨ ənû ze nɨ yeʼ ɨŋga rɨkə ə?

Gàlesìyà 5:18

Àyɨə mbə mɨ yeʼə ghɨ̀ àmei ɨnû mbe nɨ Əzwî ə kəbɨ, njɨ chəi rɨkə wɨrɨ berɨ ɨka ɨgwɨ nən.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 8:10

Ə̀nùŋɨ̀sɨg ə ghà ni, fɨso fe nɨ mə̀ bɨrɨ san mbɨ mɨ̀Izre yɨ ni: ənɨ ɨni mbe fə che i, mə bɨrɨ zɨ tum rɨkə ɨŋga ɨtu mɨ̀mə̌d, bə̀ ŋwàʼnɨ̀ ɨŋga fîŋ tɨ mɨ̀mə̌d. Mə bɨrɨ yeʼ Ŋwìə̀ mɨ̀mə̌d, mɨ̀mə̌d bə̀ yeʼ mbɨ bə̂d.