Rm 5:8 - Meta’

⁸ Ŋwìə̀ nyaʼa chwi ni tə ghaʼ əwa əni: Ənɨ tɨ̀ nyaʼa kɨrɨ ghɨ̀ ɨnû rɨbɔ̀ŋ, Kristo nyaʼa kwɨ ɨgwɨ mba ɨtu.

Ikan feg

⁸ Àsi Ŋwiye, wì chwi gha zìye kɔ̀ŋ awa icheg ne Yeso Kristo ya ku ina atog ne tì yaya kiri ghiyə inug tibɔ̀ŋ.

Rm 5:8 Marejeleo ya Msalaba

Jn 15:13

Chəi ɨghaʼi mɔʼɔ əŋgu nɨ tɨ̀ wɨ chè wɔ̂ ni: wə̀d nyaʼa kwɨ ɨgwɨ ətu mbi mɨ̀sə̀ʼ.

Jn 3:16

“Ŋwìə̀ nyaʼa kàŋ ghaʼ ɨsɨg, əne wɨ̀ nyaʼa chà i Wan we mɔʼ, ɨmbə̀ʼ tɨ wə̀d mɔʼɔ we nɨ ben əməd nim i, àyɨə wɨ̀ jɨg ɨ̀tènɨ̀ rɨ mì.

Rm 3:5

Mba ɨnû rɨbɔ̀ŋ mɨ yeʼə chwiə ni Ŋwìə̀ wɨə ghɨ̀ ɨnû nɨ kuʼnɨ, njɨ tɨ̀ kɨə wò ghà ni ye ə? Ni chəi Ŋwìə̀ ə ghɨ̀ ɨnû nɨ kuʼnɨ əwù ze nɨ wɨ̀ sə ɨtəm chə əwa ə? (Mə wɨə ghàm ɨchî nɨ bə̂d mɨ̀sɔŋɨchù ə ghàmə̀.)

Rm 4:25

Ŋwiə̀ nyaʼa nàʼ əməd ni mbɨ zwiirɨ ɨmbə̀ʼ mba ɨnû rɨbɔ̀ŋ. Wɨ̀ nyaʼa bə̀ zwemnɨ əməd ɨmbə̀ʼ tɨ̀ təm kùʼnɨ̀.

Rm 5:20

Tɨkə nyaʼa yeʼe ɨ ghɨ ni ɨnû rɨbɔ̀ŋ nɔʼ. Àyɨə əsɨ ze nɨ ɨnû rɨbɔ̀ŋ nɔʼɔ, ɨ̀chɔ̀m Ŋwiə̀ bɨrɨ nɔʼ chè,

Rm 5:6

Ənɨ tɨ̀ nyaʼa kɨrɨ bɔd, nyùmə̀ nyaʼa kùʼ əne Kristo nyaʼa kwɨ ɨgwɨ ɨtu bə̂d mbe nɨ chəi mbɨ nyaʼə wumnɨ ə Ŋwiə̀.

Rm 5:7

Təsìʼ yɨ ni zɨə kàŋ se əmbɨ ə wə̀d ni wɨ̀ kwɨ ɨgwɨ ətu wə̀d nɨ təm kùʼnɨ̀, ka à be yeʼi ni wə̀d mɔʼɔ we tɨ̀ wɨ̀ yim fîŋ kwɨ ɨgwɨ ətu ə wə̀d chɔ̀m.

Rm 8:32

Məd we nɨ chəi wɨ̀ nyaʼa yim i Wan rəbɔʼɔ, àyɨə wɨ̀ nyaʼa nàʼ əməd ənɨ əghɨ ə̀fà ɨgwɨ mba ɨtu mbà mɨjìm, ka məd mbɨ i Wan wa bɨrɨ naʼ i ɨghɨjìm ɨ na ə?

Rm 8:39

kɨ̀ ɨghɨ mbe nɨ yeʼ ɨkaŋ, kɨ̀ mbe nɨ yeʼ ɨŋga si, kɨ̀ əghɨ ə mɔʼɔ ə cherə rəbɔʼ ɨghɨ mbe nɨ Ŋwiə̀ tekɨ, mbe tɨ̀ mbɨ ghabrɨ əwa tɨ ənɨ ɨchî nɨ Ŋwìə̀ ghaʼ əwa ɨchî nɨ tɨ̀ yeʼ ənɨ ɨfɔtɨ mbɨ Kristo Yeso, a Ə̀nùŋɨ̀sɨg.

Gàlesìyà 2:20

əne kaʼi mɔ̌ yeʼ ɨkǎ. Wə̀d we nɨ yeʼ ɨkǎ yɨə Kristo we nɨ yeʼ ɨŋga num. Ɨ̀tènɨ̀ we nɨ mə berɨ tɨ̀nîn yɨ ɨmbə̀ʼ ɨchî nɨ mə̀ nuŋ fîŋ ɨgun ə Wan Ŋwìə̀ we nɨ nyaʼa ghaʼ əmɨ əne nàʼ i ɨnyod ənɨ əghɨ ə̀fà ɨmbə̀ʼ əmɨ.

Efesùs 2:7

Wɨ̀ nyaʼa ghɨ̀ əne, ɨmbə̀ʼ ənɨ nyùmə̀ we nɨə yeʼe, məd we tɨ wɨ̀ chwiə ni chəi ənɨ tɨ mbɨ mɨg ɨ̀chɔ̀m məd we nɨ kaŋ nɔʼ, ɨchî nɨ wɨə ghɨ̀ ɨ̀chɔ̀m we ənɨ ə na ənjìm ə Kristo Yeso.

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

1 Timotì 1:16

Àyɨə Ŋwìə̀ nyaʼa dììrɨ̀ əmɨ ɨmbə̀ʼ Kristo Yeso chwi ɨchî nɨ wɨ̀ kaŋ jeŋgɨ yim fîŋ ɨmbə̀ʼ əmɨ, mɔ̌ we nɨ yeʼ wə̀d ɨnû rɨbɔ̀ŋ nɨ bə̌ chè mbɨ mɨjìm. Wɨ̀ nyaʼa ghɨ̀ əne ɨmbə̀ʼ mə yeʼ ənweenɨ əmbɨ ə bə̂d mɨjìm mbe nɨ bɨrɨ nɨ ben əməd əne jɨg ɨ̀tènɨ̀ rɨ mì.

Mə̀Hibrù 8:3

Ɨ mbɨə chɔʼ ətu ɨgwɨ ə bə̂d mbàn Ŋwìə̀ jìm ni mbɨ naʼ ɨchəmnɨ bə̀ nàʼ ɨghɨ ə̀fà əmbɨ ə Ŋwiə̀. Əne zɨə kuʼ ni wə̀d mbàn wɔ̂ bə berɨ əghɨ nɨ nàʼ.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.

1 Jɔn 3:16

Ɨchî nɨ tɨ̀ rɨ̀ kyerɨ ənû ze nɨ ɨghaʼi kaŋ yeʼ wɨwən yɨ ni: Kristo nyaʼa kwɨ ɨgwɨ mba ɨtu. Əne mbà bə, tɨ̀ berɨ bɨ kwɨ ɨgwɨ ɨtu mba bɔŋgɔb.