Rm 5:21 - Meta’

²¹ ɨmbə̀ʼ ɨchî nɨ ɨnû rɨbɔ̀ŋ nyaʼə tùmbɨ̀ ɨsɨg ənjìm ɨvɨ, əne bə̂ ɨ̀chɔ̀m bɨrɨ bɨ tumbɨ ɨsɨg ənjìm ɨchî nɨ bə̂d təm kùʼnɨ̀. Əze ə bɨrɨ ghɨ ni bə̂d jɨg ɨ̀tènɨ̀ rɨ mì ənjìm ə Yeso Kristo a Ə̀nùŋɨ̀sɨg.

Ikan feg

²¹ Icheg ne inug tibɔ̀ŋ ya beri ika igun isəg anjìm iwu, à ya bə̀ ane ne ìchɔ̀mì Ŋwiye biri bèrì ika igun isəg anjìm icheg ne bəd mbe ghìyə̀ inug ne təmi kòʼ, ane, se nàʼà ìtḛ̀ ighə̀m imɔʼ anjìm ìwa Anɔŋisəg Yeso Kristo.

Rm 5:21 Marejeleo ya Msalaba

Matìyò 25:46

Əne mbɨ bɨrɨ wò nyɨ ɨŋga ɨchə rɨ nɔ mì, àyɨə bə̂d mbe nɨə ghɨ̀ ɨnû nɨ kuʼnɨ bɨrɨ jɨg ɨ̀tènɨ̀ rɨ mì.”

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 10:28

Mə wɨə nàʼ ɨ̀tènɨ̀ rɨ mì əmbɨ tɨ njɨ̀g. Chəi tɨ bɨrɨ nɔ kwɨ. Chəi wə̀d nɨ tɨ wɨ̀ fe mɨ̀mə̌d rɨ num.

Rm 4:13

Chəi ənû ze nɨ Ŋwìə̀ nyaʼa kàʼi əmbɨ Abràham fɔrɨ əmbɨ ə bə̂d tɨ ənɨ əghaŋ əməd ni mbɨ bɨrɨ nɨ jɨg ɨsɨg nyaʼa yeʼe ənjìm rɨkə. Zɨə nyaʼa yeʼe ənjìm ɨbenɨ we nɨ nyaʼa ghɨ ni wɨ̀ təm kùʼnɨ̀.

Rm 5:12

Ɨchî nɨ ɨnû rɨbɔ̀ŋ nyaʼa yeʼe ɨŋga ɨsɨg ənjìm wə̀d mɔʼ, ɨvɨ bə̀ yeʼe ənjìm ɨnû rɨbɔ̀ŋ, əne ɨvɨ nyaʼa yeʼe əmbɨ ə bə̂d mɨjìm ɨmbə̀ʼ ɨghəm nɨ bə̂d mɨjìm nyaʼa ghɨ ɨnû rɨbɔ̀ŋ.

Rm 5:14

Àyɨə ɨvɨ wɨə nyaʼə tùmbɨ̀ ɨsɨg kɔ rɨ ənɨ ə nyùmə̀ Adàm wò pè ənɨ ə nyùmə̀ Mose. Ɨ wɨə nyaʼə tùmbɨ̀ əne wò pè ɨgwɨ ə bə̂d mbe nɨ chəi mbɨ nyaʼa ghɨ ɨnû rɨbɔ̀ŋ ɨghabɨ ə Adàm. Adàm yɨə nyaʼə əmɨgɨ tɨ ənɨ ə wə̀d we nɨ nyaʼa wo yeʼe.

Rm 5:17

À mɨ yeʼ nɨ ɨvɨ wɨə nyaʼə tùmbɨ̀ ɨsɨg ənjìm ɨgu-ənû wə̀d mɔʼ, njɨ à yɨə bə̀ rəsìʼ ni bə̂d mbe nɨ jɨg ɨ̀chɔ̀m nɔnɔʼ bə̀ jɨg ɨneʼe we nɨ ghɨ ni mbɨ təm kùʼnɨ̀ bɨrɨ chub ɨkǎ tùmbɨ̀ ɨsɨg ənjìm ə wə̀d mɔʼ, əne yɨə Yeso Kristo.

Rm 6:12

Əne tɨ mbə̀ ben ə ni ɨnû rɨbɔ̀ŋ tumbɨ tə nyamnyod te nɨə kwɨə, əne ghɨ̀ mbə̀ zuunɨ ɨnû rɨbɔ̀ŋ mbe nɨ tə nyamnyod ə feenɨə.

Rm 6:14

Chəi ɨnû rɨbɔ̀ŋ wɨrɨ berɨ ɨka ɨgwɨ nən, ɨmbə̀ʼ ɨghəm nɨ chəi əwən əton rɨkə. Mbə mbɨ əton ɨ̀chɔ̀m Ŋwiə̀.

Rm 6:16

Chəi mbə̀ kyerɨ ni mbə mɨ nàʼ ə ɨnyod əmbɨ ə wə̀d mɔʼɔ ɨghabɨ ɨ̀bòʼò nɨə zuunɨə, əne mbə yɨ sɨ ɨ̀bòʼò əmbɨ ə wə̀d we nɨ mbə̀ə zuunɨ əməd ə? Əne yɨ ɨ̀bòʼò əmbɨ ɨnû rɨbɔ̀ŋ mbe nɨə ghɨ̀ ni bə̂d kwɨ, kɨ̀ ɨ̀bòʼò əmbɨ ɨzuunɨ we nɨə ghɨ̀ ni bə̂d təm kùʼnɨ̀ ɨfě Ŋwiə̀.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

Rm 8:10

Kristo mɨ yeʼ ənɨ ɨfɔtɨ mbɨ nən, ka à bè yeʼi ni tə nyamnyod fə kwɨ ɨmbə̀ʼ ɨnû rɨbɔ̀ŋ, ə əzwî ə zɨ ɨkǎ ɨmbə̀ʼ ɨghəm nɨ mbə̀ fə təm kùʼnɨ̀.

Tayitùs 2:11

Ŋwìə̀ nyaʼa ghɨ̀ ni bə̂d kyerɨ ɨ̀chɔ̀m məd, ɨmbə̀ʼ wɨ̀ chɨ mɨ̀mə̌d mɨjìm rəŋgəʼ.

Mə̀Hibrù 4:16

Əne tɨ̀ nɨŋ fîŋ nɨ kǎ tindɨ ɨban ətən ɨfɔ̀n ə Ŋwiə̀ we nɨə ghɨ̀ ɨ̀chɔ̀m, ɨmbə̀ʼ məd we tɨ̀ wɨ̀ dììrɨ̀ əwa bə̀ ghɨ̀ ɨ̀chɔ̀m ənɨ ə na ənɨ ə nyùmə̀ we nɨ tɨ̀ kəb ə̀wèèrɨ̀.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

2 Pità 1:1

À yɨə mɔ̌ Saimon Pità, nɨ mə yeʼ wə̀d ə̀fàʼì fɔrɨ wə̀d tom Yeso Kristo, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ mbə̀n mbe nɨ ə ɨbenɨ yeʼ əndəŋ əndəŋ mbɨ wa ənjìm a Ŋwìə̀ Yeso Kristo nɨə chɨ̀ə̀ bə̂d rəŋgəʼ. Məd wɨə ghɨ̀ ɨnû nɨ kùʼnɨ̀.

1 Jɔn 2:25

Ənû ze nɨ Wan fə kaʼ ni tə bɨrɨ naʼ ɨ na yɨ ɨ̀tènɨ̀ rɨ mì.