Rm 5:2 - Meta’

² Ənjìm ɨchî nɨ tɨ̀ ben əməd, tɨ̀ fə bə̀ nyɨ ɨŋga ɨ̀chɔ̀m we nɨ tɨ̀ yeʼ ɨŋga tɨ̀nîn. Əne tɨ̀ goŋ ɨgɔ̂ nùŋ ta rɨkɔndɨ wòm ni tɨ̀ bɨrɨ chubɨ mbɨ ə Ŋwiə̀ ɨŋga ɨwumnɨ məd.

Ikan feg

² À ya anjìm Yeso Kristo ne tì nyi inga ìchɔ̀mì gho̰ ne tì yaʼi inga tèchɔ̀ŋ. Ane, tì we kɔ̀mɔ̀ igo nɔ̀ŋɔ̀ ikɔndi ghɔ̀mɔ̀ ni chughi tì Ŋwiye inga kə̀tə̀d məd.

Rm 5:2 Marejeleo ya Msalaba

Matìyò 25:21

Mbǎʼ ə̀fàʼì məd we nyaʼa ghà ɨ bɔ ni, 'À fə ghɨ̀ ɨchî chɔ̀m, kyɨə wə̀d ə̀fàʼì chɔ̀m nɨə fàʼ ənɨ i fîŋ jìm. Ɨchî nɨ à fàʼ ənɨ e fîŋ jìm mbɨ ɨghɨ rɨpiî, mə bɨrɨ nuŋ əwe ɨgwɨ ɨghɨ nɔnɔʼ. Nyɨ ə nəb tɨ̀ ghɨ ɨghaʼi!'

Jn 10:7

Yeso nyaʼa yì ghà ni, “Mə ghà rəsìʼ ɨ nən ni, mɔ̌ yɨ ɨchû ɨkam əmbɨ ə njɨ̀g.

Jn 10:9

Mɔ̌ yɨ ɨchû ɨkam. Əne wə̀d mɔʼɔ we nɨ che ənɨ ə num nyɨ ɨŋga ɨkam bɨrɨ jwɨ rəŋgəʼ. Wɨ̀ bɨrɨ nyɨ ɨŋga ɨkam bə̀ jwɨ̀ wò zə ɨfu chɔ̀m nɨ kud.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Ɨ̀fàʼì 14:27

Ənɨ mbɨ nyaʼa pe ə Antiɔ̀k, mbɨ nyaʼa fetɨ bə̂d Kristo mɨjìm, əne ghà ɨnû jìm mbe nɨ Ŋwìə̀ nyaʼa ghɨ ənɨ ə nən bə̀ ghà ɨchî nɨ wɨ̀ nyaʼa fiʼ ɨnə̂njɨ̀ əmbɨ ə bə̂d mbe nɨ kaʼi mɨ̀Jû ni mbɨ ben ə Kristo.

Rm 11:20

Əze yɨ rəsìʼ. Mbɨ nyaʼa sopɨ rɨtəb te, əne yɨ mɨ̀Jû, ɨmbə̀ʼ ɨghəm nɨ chəi mbɨ nyaʼa benɨ, àyɨə mbən ə təm kàànɨ̀ àmei ɨmbə̀ʼ ɨchî nɨ mbə̀ benɨ. Əne tɨ mbə̀ nɔ ə ɨnyod, àyɨə mbə̀ we əwən ɨmbə̀ʼ ənû ze nɨ tɨ̀ zɨə ghɨ̀.

Rm 12:12

Mbə̀ ghaʼrɨ əwən ɨmbə̀ʼ ɨghɨ mbe nɨ mbə̀ nuŋ rɨkɔndɨ ɨ wòm, yim fîŋ ənɨ mɨ̀nyùmə̀ jìm mbe nɨ mbə̀ə zəə ŋgəʼ bə̀ kɔŋgɨ ə Ŋwiə̀ ənɨ mɨ̀nyùmə̀ jìm.

Rm 14:4

Àwɔ̀ kɨə we nɨə sob ɨsaʼi ɨgwɨ ə wə̀d ə̀fàʼì wə̀d cherə ə? À yɨ mbǎʼ ə̀fàʼì məd bɨrɨ gha ni wɨ̀ fə fàʼ ɨchî chɔ̀m kɨ̀ ni wɨ̀ fə faʼ ɨchî rɨbɔ̀ŋ. Wɨ̀ bɨrɨ faʼ ɨchî chɔ̀m ɨmbə̀ʼ ɨghəm nɨ Ə̀nùŋɨ̀sɨg ə berɨ ɨka nɨ ghɨ ni wɨ̀ ghɨ əne.

Rm 15:13

Ŋwìə̀ we nɨə ghɨ̀ ni mbə̀ berɨ ɨghɨ mbe nɨ mbə̀ə wòmə̀, ghɨ ni ɨghaʼi swi ɨŋga tə fîŋ, mbə̀ bə chub ənɨ əbɔrəbɔd ɨchî nɨ mbə̀ ben əməd, ɨmbə̀ʼ Əzwî ə Zeŋɨ ə ghɨ̀ ni mbə̀ wo ɨmbì wòm ɨnû mbe nɨ Ŋwiə̀ nyaʼa kaʼi.

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

Rm 3:23

ɨmbə̀ʼ ɨghəm nɨ bə̂d mɨ̀jìm fə ghɨ̀ ɨnû rɨbɔ̀ŋ əne chəi wɨrɨ i ɨzeŋɨ zeŋɨ Ŋwiə̀ ɨŋga mɨ̀mə̌d.

Rm 5:5

Ka ɨchî nɨ tɨ̀ nuŋ ɨkɔndɨ wɨə tam i əwa, ɨmbə̀ʼ ɨghəm nɨ Ŋwìə̀ fə chwi ni tə ghaʼ əwa, əne wɨ̀ fə zɨ̀ ɨghaʼi ɨŋga ta fîŋ ənjìm Əzwî ə Zeŋɨ ze nɨ wɨ̀ naʼ ɨ na.

Rm 8:1

Tɨ̀nîn chəi wə̀d mɔʼɔ nɨ tɨ̀ wɨ̀ zɨ̀ ɨsaʼi ɨgwɨ ə bə̂d mbe nɨ yeʼ ənɨ ɨfɔtɨ mbɨ Kristo Yeso,

Rm 8:24

Ɨchî nɨ tɨ̀ nuŋ rɨkɔndɨ ɨchî wɔ̂, Ŋwìə̀ fə chɨ əwa rəŋgəʼ. Ɨghɨ ze nɨ tɨə zəə əne nùŋ rɨkɔndɨ wòm, kaʼi ɨnû nɨ tɨ̀ rɨ̀ nùŋ ɨkɔndɨ wòm. À kɨə we nɨə nùŋ ɨkɔndɨ wòm əghɨ ze nɨ wɨə zə ə?

1 Kɔrèn 15:1

Mbɨ bɔŋgɔb, mə wɨə kə̀b nɔɔrɨ mbə ɨtu ɨmbə̀ʼ ɨkə̂n chɔ̀m we nɨ mə̀ nyaʼa gha ɨ nən, mbə zu benɨ, əne fə təm ɨgun kàànɨ̀.

2 Kɔrèn 3:18

Mba mɨjìm mbe nɨ chəi ngywɨ̌ kən ta rɨfě, nɨ tɨə zə ɨzeŋɨ zeŋɨ Ə̀nùŋɨ̀sɨg ɨchî nɨ wɨə mèŋnɨ̀ ɨghabɨ ni à yɨ ɨŋga əneŋ ɨfě, fə bèŋ ɨghabɨ əməd ɨchî nɨ tɨə teə wò ɨmbì ɨmbì. Ɨzeŋɨ zeŋɨ we yɨ rɨ əmbɨ Ə̀nùŋɨ̀sɨg we nɨ yeʼ Əzwî.

2 Kɔrèn 4:17

Ka ŋgəʼ kwa kwa zɔ̂ nɨ tɨə zəə bɨrɨ tandɨ i. Ɨ zɨə tekɨ əwa ni mbɨ naʼ ɨwumnɨ we nɨ ten i koŋ ɨ na. Ɨwumnɨ we ə chè ŋgəʼ zɔ̂ jìm.

Efesùs 2:18

À yɨə Kristo ghɨ ni mba mɨjìm, əne yɨ mɨ̀Jû mbɨ ə bə̂d nɨ kaʼi mɨ̀Jû, tɨ̀ berɨ ɨnə̂njɨ̀ nɨ wò əmbɨ ə Mbǎʼ ənjìm Əzwî ə Zeŋɨ.

Efesùs 3:12

Ənɨ ɨfɔtɨ mbɨ Kristo bə̀ fɔrɨ ənjìm ɨbenɨ we nɨ tɨ̀ nuŋ ɨgwɨ məd, tɨ̀ fə berɨ ɨka nɨ wò əsɨ ə Ŋwiə̀ nɨ chəi ɨbɔɔ.

Efesùs 6:13

Əne mbə̀ zɨ ɨghɨ bid Ŋwiə̀ jìm ɨmbə̀ʼ əni rɨbɔ̀ŋ ze ə mɨ yeʼe, mbə təm kàànɨ̀. Mbə̀ nɨə fə ghɨ ɨnû jìm, mbə kɨrɨ təm kàànɨ̀.

2 Tès 2:16

A Ə̀nùŋɨ̀sɨg Yeso Kristo ziə mbɨ Ŋwìə̀ a Mbǎʼ, nɨ ghaʼ əwa ənjìm ɨ̀chɔ̀m məd, nəərɨ əwa koŋ bə̀ ghɨ ni tɨ̀ nuŋ ɨkɔndɨ wòm ɨnû chɔ̀m mbe nɨ wɨ̀ kaʼ ɨ na.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Mə̀Hibrù 6:18

Ɨnû nɨ chəi ənɨ tɨ mbɨ kwepɨ mbɨ ɨbe nɨ chəi Ŋwìə̀ bɨrɨ nɔ gha mɨghab ɨmbə̀ʼ mbɨwən. Əne mbà mbe nɨ fə norɨ wo nə̀mbɨ̀ əton məd mbe tɨ rɨ̀ yim fîŋ ɨmbə̀ʼ berɨ ənû ze nɨ tɨə nùŋ rɨkɔndɨ wòmə̀.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.

Ɨnû 21:11

Ɨwumnɨ Ŋwiə̀ wɨə nyaʼə te əsɨ ze. Ə zɨə nyaʼə mèŋnɨ̀ ɨghabɨ ndəŋ əka ɨnun bə̀ mèŋnɨ̀ ɨghabɨ ə jaspà. Ə zɨə nyaʼə bə̀ zeŋ ɨghabɨ ə kristal.

Ɨnû 21:23

Chəi əsɨ ze ə kəb ə nyùmə̀ kɨ̀ ɨmɨg nɨ te ɨgun, ɨmbə̀ʼ ɨghəm nɨ ɨzeŋɨ zeŋɨ Ŋwìə̀ wɨə te ɨgwɨ əsɨ ze. Wan njɨ̀g yɨə bə̀ ənam əməd.

Ɨnû 21:3

Mə nyaʼa zu gɨ̂ rɨ ənɨ ətən ɨfɔ̀n ze. Gɨ̂ ze zɨə nyaʼə ghàə̀ ni, “Mbə̀ zə, tɨ̀nîn əsɨ nɨ Ŋwìə̀ ə chubə ə zɨ əkaʼ ə bə̂d. Wɨ̀ bɨrɨ chubɨ mbɨ mɨ̀mə̌d əne mbɨ bɨrɨ yeʼ bə̂d ɨməd. Ŋwìə̀ ziə, nɨ yeʼ Ŋwìə̀ mɨ̀mə̌d, bɨrɨ chubɨ mbɨ mɨ̀mə̌d.

Ɨnû 3:21

Mə bɨrɨ ben ni wə̀d we nɨ baŋ ɨnû rɨbɔ̀ŋ chub ɨgun ətən ɨfɔ̀n ɨban num, àmei ɨchî nɨ mə̀ nyaʼa bə baŋ mbɨ bə̂d pə̀n əne chub ɨban mɨ Mbǎʼ ɨgun ətən ɨfɔ̀n əməd.