Rm 5:15 - Meta’

¹⁵ Àyɨə ka ɨneʼe we nɨ Ŋwìə̀ ə nàʼə̀ yɨ i əndəŋ əndəŋ mbɨ ɨchî nɨ Abràham nyaʼa ɨgu-ənû. À mɨ yeʼ nɨ bə̂d mɨ̀nɔnɔʼ nyaʼa kwɨ ənjìm ɨgu-ənû wə̀d mɔʼ, əne yɨə Adàm, njɨ à yɨə kaŋ rəsìʼ ni ɨ̀chɔ̀m Ŋwiə̀ mbɨ ɨneʼe we nɨ Ŋwìə̀ ə nàʼə̀ bɨrɨ kaŋ nɔʼ əku əmbɨ ə bə̂d mɨ̀nɔnɔʼ ənjìm ɨ̀chɔ̀m wə̀d mɔʼ, əne yɨə Yeso Kristo.

Ikan feg

¹⁵ Si ya gha, chəyi bəd mbo̰ məbe yaʼi andəŋ andəŋ imbə̀ʼ icheg ne chəyi ineʼi Ŋwiye yaʼi icheg inug tibɔ̀ŋ ìmbi Adàm. À ya tesiʼ gha bəd nɔʼ nɔʼ ya ku anjìm anug tibɔ̀ŋ wə̀d we imɔʼ. Si ya gha, ìchɔ̀mì Ŋwiye faŋ. Ineʼi məd we ne wì nàʼi abə wə̀d ijìm anjìm ìchɔ̀mì wə̀d imɔʼ ne ya Yeso Kristo, we faŋ chè àfàʼì inug tibɔ̀ŋ.

Rm 5:15 Marejeleo ya Msalaba

Matìyò 20:28

Chəi Wan Wə̀d nyaʼa yeʼe ni bə̂d faʼ ɨ bɔ. Wɨ̀ nyaʼa yeʼe ɨmbə̀ʼ faʼ əmbɨ ə bə̂d. Wɨ̀ nyaʼa bə̀ kwɨ ɨmbə̀ʼ choʼ ɨtu bə̂d mɨ̀nɔnɔʼ.”

Matìyò 26:28

Əzɔ̂ yɨ mɨ ənəm nɨ Ŋwìə̀ fə nɨŋ san fɨso fi mbɨ nən. Ənəm zɔ̂ yɨ əze nɨ mbɨ chəmnɨ ɨmbə̀ʼ ɨtu bə̂d mɨ̀nɔnɔʼ, ɨmbə̀ʼ Ŋwìə̀ waʼ ɨnû rɨbɔ̀ŋ mɨ̀mə̌d.

Jn 3:16

“Ŋwìə̀ nyaʼa kàŋ ghaʼ ɨsɨg, əne wɨ̀ nyaʼa chà i Wan we mɔʼ, ɨmbə̀ʼ tɨ wə̀d mɔʼɔ we nɨ ben əməd nim i, àyɨə wɨ̀ jɨg ɨ̀tènɨ̀ rɨ mì.

Jn 4:10

Yeso nyaʼa wììrɨ̀ ɨ bɔ ni, “À mɨ kəʼ kyerɨ əghɨ ze nɨ Ŋwìə̀ ə nàʼə̀, bə̀ kyerɨ wə̀d we nɨə biirɨ mɨnib rɨ ne, njɨ à kəʼ ghà ni wɨ̀ naʼ mɨnib mbe nɨə nàʼ ɨ̀tènɨ̀ ɨ ne.”

Ɨ̀fàʼì 15:11

Àyɨə tɨ̀ benɨ ni tɨ̀ bɨrɨ jwɨ rəŋgəʼ ənjìm ɨ̀chɔ̀m Ə̀nùŋɨ̀sɨg Yeso, àmei ɨchî nɨ mɨ̀mə̌d bɨrɨ bɨ jwɨ̀.”

Rm 5:12

Ɨchî nɨ ɨnû rɨbɔ̀ŋ nyaʼa yeʼe ɨŋga ɨsɨg ənjìm wə̀d mɔʼ, ɨvɨ bə̀ yeʼe ənjìm ɨnû rɨbɔ̀ŋ, əne ɨvɨ nyaʼa yeʼe əmbɨ ə bə̂d mɨjìm ɨmbə̀ʼ ɨghəm nɨ bə̂d mɨjìm nyaʼa ghɨ ɨnû rɨbɔ̀ŋ.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

2 Kɔrèn 5:14

Əghɨ ze nɨə tin əwa yɨ ɨghaʼi we nɨ Kristo ghaʼ əwa. Tɨ̀ kyerɨ əne ɨmbə̀ʼ ɨghəm nɨ wə̀d mɔʼ nyaʼa kwɨ ɨgwɨ ətu ə bə̂d mɨjìm, əne bə̂d mɨjìm fə bə̀ kwɨ.

2 Kɔrèn 9:15

Tɨ̀ nàʼ məben-əwe əmbɨ ə Ŋwiə̀ ɨmbə̀ʼ ɨneʼe məd we nɨ wɨ̀ nyaʼa naʼ ɨ na, nɨ yeʼ ɨneʼe we nɨ chəi ənɨ tɨ̀ bə̂d mə̀!

Efesùs 2:8

Ɨchî nɨ mbə̀ benɨ, Ŋwìə̀ fə ghɨ̀ ɨ̀chɔ̀m ənɨ nən chɨ̀ əwən rəŋgəʼ. Kaʼi mbə̀nə ghɨ ənû zɔ̂. À yɨ ɨneʼe nɨ nɔʼ rɨ əmbɨ ə Ŋwiə̀.

Mə̀Hibrù 2:9

Àyɨə tɨ̀ wɨə zə ə Yeso nɨ Ŋwìə̀ nyaʼa ghɨ ni wɨ̀ tɔ swiʼ əton mbɨ̀aŋgɨrə̀ ənɨ ɨkə nyumə̀. Wɨ̀ fə ghɨ̀ ni wɨ̀ berɨ ɨzeŋɨ zeŋɨ bə̀ berɨ ɨwumnɨ. Wɨ̀ nyaʼa zə ŋgəʼ kwɨ, ɨmbə̀ʼ ənjìm ɨ̀chɔ̀m Ŋwìə̀, ɨ we tɨ̀ wɨ̀ kwɨ ɨgwɨ ətu ə bə̂d mɨ̀jìm.

1 Jɔn 2:2

Məd yɨ əghɨ ə̀fà ze nɨ Ŋwìə̀ che ənjìm məd waʼ mba ɨnû rɨbɔ̀ŋ. Ka wɨ̀ bɨrɨ waʼ i àmei mba ɨnû rɨbɔ̀ŋ, wɨ̀ bɨrɨ bɨ waʼ mbɨ bə̂d mɨ̀jìm rɨŋga ɨsɨg.

1 Jɔn 5:11

Ənû ze nɨ wɨ̀ ghǎ ɨmbə̀ʼ i Wan yɨ ni: Ŋwìə̀ nyaʼa ghɨ̀ ni tɨ̀ jɨg ɨ̀tènɨ̀ rɨ mì, əne à yɨə Wan məd ə nàʼ ɨ̀tènɨ̀ rɨ mì we ɨ na.