Rm 2:25 - Meta’

²⁵ Ənû nɨ ne mbaŋə̀ yɨ ənû ə chɔ̀m əwù ze nɨ à nùŋ rɨkə. À mɨ yeʼə gùə̀ rɨkə, əne à fə sɨ ɨghabɨ ni chəi mbɨ kɨrɨ ne əwe.

Ikan feg

²⁵ Ze chwi gha, anug ne ŋwed wə̀d bèrì ighumni anyumə̀ ne mbə̰ mbe nɔ̀ŋɔ̀ mə̀nɔ̀ʼɔ̀ Muse. Àmə yaʼ ne mbə̰ mbe gùghə̀ mə̀nɔ̀ʼɔ̀ Muse, ane ya gha, anug ne ŋwed wə̀d ya ati ako.

Rm 2:25 Marejeleo ya Msalaba

Ɨ̀fàʼì 7:51

“Mbə yɨə mɨ̀-ə̀kà ɨtu! Tə fîŋ mbɨ mbə ɨ̀tǒŋ yɨ ɨghabɨ tɨ bə̂d mbe nɨ kaʼi mɨ̀Jû! Chəi mbə̀ə zuunɨ Əzwî ə Zeŋɨ! Mbə yɨ ɨghabɨ mbə mɨ̀mbǎʼ rəŋwe. Mbə mbɨə ghɨ̀ àmei ɨnû mbe nɨ mɨ̀mə̌d nyaʼə ghɨ̀ə̀.

Rm 2:13

ɨmbə̀ʼ ɨghəm nɨ kaʼi bə̂d mbe nɨə zu rɨkə mbe ə ghɨ̀ ɨnû nɨ kuʼnɨ. À yɨ mbe nɨə ghɨ̀ ɨnû mbe nɨ tɨkə ə ghàə̀ nɨ Ŋwìə̀ bɨrɨ ben ni ɨnû mɨ̀mə̌d ə kùʼnɨ̀.

Rm 2:23

Àwɔ̀ we nɨə goŋ ɨgɔ̂ ni tə kyerɨ tɨkə, à wɨə wa tìbrɨ̀ə̀ Ŋwiə̀ ɨchî nɨ àwɔ̀ ə gù rɨkə te ə?

Rm 2:26

Mbaŋə̀ ze nɨ chəi mbɨ kɨrɨ ne əməd mɨ yeʼə ghɨ̀ ɨnû mbe nɨ yeʼ ɨŋga rɨ̀kə̌, njɨ chəi mbɨ wa bɨrɨ nɨŋ ni mbɨ fə nè əməd ə?

Rm 2:27

Mbaŋə̀ ze nɨ chəi mbɨ kɨrɨ ne məd, àyɨə ɨ wɨə nùŋ rɨkə, bɨrɨ zɨ ɨsaʼi ɨgwɨ ne, àwɔ̀ we nɨ kyerɨ rɨkə mbɨ bə̀ nè əwe, àyɨə chəi àwɔ̀ ə nùŋ rɨkə te.

Rm 2:28

Ka wə̀d yɨ i Jû rəsìʼ àmei ɨmbə̀ʼ ɨchî nɨ à yɨə Jû gywɨ əməd. Chəi ənû nɨ mbɨ ne mbaŋə̀ ə chwi ni məd yɨə sɨə Jû.

1 Kɔrèn 7:19

Mbɨ mɨ fə nè wə̀d kɨ̀ chəi mbɨ kɨrɨ ne əməd, ka əze yɨ i ənû ə mɔʼɔ. Ənû nɨ kuʼnɨ yɨ ni mbɨ nuŋ tɨkə rɨ Ŋwiə̀.

Gàlesìyà 6:13

Ka àbei bə̂d mbe nɨə ghàə̀ ni mbɨ ne bə̂d, chəi mɨ̀mə̌d ə nùŋ rɨ̀kə. Àyɨə ɨ mbɨə kə̀bə̀ ni mbɨ ne əwən ɨmbə̀ʼ mbɨ goŋ ɨgɔ̂ ni mbə fə ghɨ̀ mbɨ nè əwən.

Gàlesìyà 6:15

Kɨ̀ mbɨ nè wə̀d, kɨ̀ chəi mbɨ ne wə̀d, chəi əze ə berɨ ənû ə mɔʼɔ nɨ ghɨ̀. Ənû ə kyeŋ nɨ yeʼ əŋgu yɨ ni tɨ̀ yɨə sɨə bə̂d fi.