Rm 16:10 - Meta’

¹⁰ Mbə̀ chaʼrɨ ə Apelès. Məd fə chwi ni tə yɨə kàŋ ə wə̀d Kristo. Mbə̀ chaʼrɨ bə̂d mbe nɨ yeʼ ɨŋga nəb Àrìstobulùs.

Ikan feg

¹⁰ Mbə̀ chaʼra Apelès. Məd fə chwi gha zìye ya kwàʼ wə̀d Kristo. Mbə̀ chaʼra bəd mbe ne yaʼi inga nəb Àristobulùs.

Rm 16:10 Marejeleo ya Msalaba

Rm 14:18

Ənɨ wə̀d ə fàʼ əmbɨ Kristo ɨkwɨ ɨchî wɔ̂, Ŋwìə̀ wɨə ghaʼə, bə̂d bə̀ ben ni ɨ wɨə ghɨ̀ ənû nɨ kuʼnɨ.

Rm 16:3

Mbə̀ chaʼrɨ ə Priskà mbɨ Àkwilà. Mɔ̌ mbɨ mɨ̀mə̌d mbɨə fàʼ əmbɨ Kristo Yeso.

Rm 16:7

Mbə̀ chaʼrɨ ə Àndronikùs mbɨ Juniàs. Mbɨ yɨ mbɨ ɨfurɨ nɨ tɨ̀ nyaʼa ə nəb ndəŋ ɨnɔ̂n. Bə̂d tom Kristo jeŋgɨ kyerɨ mɨ̀mə̌d kwàʼ ɨchî chɔ̀m. Mbɨ nyaʼa bè ben ə Kristo rəbɔʼ num.

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

1 Kɔrèn 11:19

Mə kyerɨ ni ə̀ghàbrɨ̀ ə berɨ jwɨ̀ əkaʼ nən ɨmbə̀ʼ mbɨ kyerɨ bə̂d Kristo rəsìʼ.

2 Kɔrèn 12:2

Mə kyerɨ mbaŋə̀ Kristo mɔʼɔ, nɨ ɨghəm ɨwu fə che wum chɔ̀b rɨkwè, nɨ Ŋwìə̀ nyaʼa ghɨ̌ wɨ̀ wò ɨkaŋ we nɨ che rɨkaŋ jìm. Kɨ̀ wɨ̀ nyaʼa wo ənɨ i nyamnyod kɨ̀ ənɨ əzwî, chəi mə kyerɨ, à yɨə Ŋwìə̀ kyerɨ.

2 Kɔrèn 2:9

Mə nyaʼa ŋwaʼnɨ ə̀ŋwàʼnɨ̀ ze ɨmbə̀ʼ zweʼrɨ əwən ɨ zə ni mbə mbɨə zuunɨ əmɨ ənɨ ɨnû jìm ə.

2 Kɔrèn 5:17

Əze ə chwiə ni wə̀d mɔʼɔ mɨ yeʼ ənɨ ɨfɔtɨ mbɨ Kristo, məd yɨə sɨə wə̀d fi. Ɨnû ənun fə chè, mbɨ fi fə yeʼe.

2 Kɔrèn 8:22

Əne tɨ̀ wɨə bə̀ chà wa aŋgɔb mbɨ mɨ̀mə̌d. Aŋgɔb wɔ̂ yɨ we nɨ tɨ̀ fə zweʼrɨ əməd ɨghəm nɔnɔʼ zə ni wɨə kaŋ ghaʼ ənû nɨ weerɨ ənɨ ɨnû nɔnɔʼ. Wɨ̀ ghaʼ ənû nɨ wèèrɨ̀ tɨ̀nîn chè ɨchî nɨ wɨ̀ nyaʼə bèə̀ ghɨ̀ə̀. Ɨ wɨə ghɨ̀ əne ɨmbə̀ʼ ɨghəm nɨ wɨ̀ fə nuŋ i fîŋ ɨgwɨ nən.

Gàlesìyà 1:22

Chəi bə̂d rɨŋga rɨfetɨ bə̂d Kristo te rɨ ə Jùdeyà nyaʼa be kɨrɨ zə əmɨ.

Fìlipì 2:22

Mbə kyerɨ ə ni Timotì nyaʼa chwi nɨ tə yɨə wə̀d ə̀fàʼì chɔ̀m. Ɨghabɨ ə wan mbɨ i mbǎʼ, wɨ̀ fə fàʼ mbɨ num nɨ gha ɨkə̂n chɔ̀m.

1 Timotì 3:10

Bə̂d mbe nɨ fə ben ə Kristo berɨ be zweʼrɨ mɨ̀mə̌d. Mbɨ mɨ zweʼrɨ zə ni chəi ɨgu ənû mɔʼɔ ɨgwɨ mɨ̀mə̌d, mbɨ sàŋ ni mbɨ fàʼ ɨghabɨ ə bə̂d nɨə weerɨ ɨŋga ɨfetɨ bə̂d Kristo.

2 Timotì 4:19

Chaʼrɨ ə Priskà mbɨ Àkwilà, bə̀ chàʼrɨ̀ bə̂d mbe nɨ yeʼ ɨŋga nəb Ònèsiforùs.

1 Pità 1:7

Ɨnû mbɔ̂ yɨ nɨ zweʼrɨ əwən ɨ zə ni ə ɨbenɨ ə bə̀ kàŋ kàànɨ̀ ə. Ka àbei ə gôl nɨ tɨ mbɨ chə̀kɨ̀, ɨ mbɨə zweʼrɨ ənɨ mbɨ tɔn ɨŋga ɨsweŋ ɨwid ənam. Əne mbɨ berɨ bɨ zweʼrɨ ə ɨbenɨ we nɨ yeʼ əghɨ əka ɨnun chè ə gôl. Ɨbenɨ we mɨ kàànɨ̀, Ŋwìə̀ ziə bɨrɨ yiirɨ əwən, mbə bə̀ berɨ ɨzeŋɨ zeŋɨ mbɨ ɨwumnɨ ənɨ ə nyùmə̀ we nɨ Yeso Kristo bɨrɨ wɨrɨ yeʼe.