Rm 15:31 - Meta’

³¹ Mbə̀ kɔŋgɨ ə Ŋwiə̀ ni wɨ̀ chɨ əmɨ rɨŋga tɨkyerɨ-ɨbɔ bə̂d mbe nɨ chəi mbɨ ben ə Kristo ə Jùdeyà, bə̀ kɔ̀ŋgɨ̀ ni bə̂d Ŋwiə̀ mbe rɨ ə Jèrusalèm nɨŋ ɨkab we nɨ mɨə wò nàʼ əmbɨ mɨ̀mə̌d.

Ikan feg

³¹ Mbə̀ chaʼra Ŋwiye gha wì pumnə mə chì abə bəd mbe ne yaʼi a Jùdeyà ne chəyi mbi bḛ Kristo. Mbə̀ bə chàʼra Ŋwiye gha bəd Ŋwiye mbe ne yaʼi a Jèrusalèm mbe niŋ ighi mbe ne mə̀ biri nàʼ inɔb.

Rm 15:31 Marejeleo ya Msalaba

Ɨ̀fàʼì 22:24

ətu ə kyeŋ ɨgwɨ mɨ̀sɔgyɨ̀ nyaʼa ghà ni mɨ̀sɔgyɨ̀ nɨŋ əməd wò ɨŋga ɨkam mɨ̀mə̌d, pè te əməd ənɨ ə ŋgwad ɨmbə̀ʼ jeŋgɨ nwèndɨ̀ əton nɨ bə̂d mbe nyaʼə kyeŋ ɨgwɨ ətu əməd.

Ɨ̀fàʼì 25:2

Bə̂d kyeŋ mbe rɨ ə mbàn Ŋwìə̀ mbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa wò ghà ɨnû ɨ bɔ ɨmbə̀ʼ ə Pɔ̂l. Mbɨ nyaʼa ghà əne, buʼ ɨbɔ ɨ bɔ ni,

Ɨ̀fàʼì 25:24

Festùs nyaʼa ghà ni, “Ɨfɔ̂n Agripà mbɨ ə bə̂d mɨjìm mbe nɨ yeʼ əgha mbɨ na, mbə zə mbaŋə̀ zɔ̂ nɨ mɨ̀Jû mɨ̀jìm mbe rɨ ə Jèrusalèm mbɨ mbe rɨ əgha nyaʼa zɨ ɨsaʼi ɨgwɨ məd, kyeŋə ghàə̀ ni wɨ̀ rɨka kùʼ i nɨ wɨrɨ chub ɨkǎ.

Ɨ̀fàʼì 9:13

Ànàniàs nyaʼa wììrɨ̀ ni, “Ə̀nùŋɨ̀sɨg, bə̂d mɨ̀nɔnɔʼ fə ghà ɨ num ɨmbə̀ʼ mbaŋə̀ zɔ̂. Mbɨ fə ghà ɨmbə̀ʼ ɨchî nɨ wɨ̀ fə zɨ ŋgəʼ nɔnɔʼ ɨgwɨ mbe bə̂d ə Jèrusalèm.

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Rm 15:25

Tɨ̀nîn, mə wɨ ɨnə̂njɨ̀ wò ə Jèrusalèm ɨ wo naʼ ɨghɨ əmbɨ ə bə̂d Ŋwiə̀ mbe nɨ yeʼ əŋgu.

1 Kɔrèn 16:15

Mbɨ bɔŋgɔb, mbə̀ nyaʼa fə kyerɨ ə ni ɨnəbɨ Stefanàs yɨə nyaʼə ɨnəbɨ rɨtu nɨ nyaʼa ben ə Kristo ə Àkàiyà. Mɨ̀mə̌d nyaʼa fə sweŋ ə ɨnyod nɨ faʼ əmbɨ ə bə̂d Ŋwiə̀. Əne mə wɨə buʼ ɨ bɔ ɨ nən ni,

2 Kɔrèn 1:10

Məd we nɨ nyaʼa chɨ əwa rɨŋga ŋgəʼ rɨbɔ̀ŋ ze nɨ nyaʼa nɨrə zwiirɨ əwa, bɨrɨ kɨrɨ wo ɨmbì chɨ əwa. Tɨ̀ fə nuŋ ta rɨkɔndɨ ɨgwɨ məd ni wɨ̀ bɨrɨ kɨrɨ yi chɨ əwa rəŋgəʼ

2 Kɔrèn 8:4

Mbɨ nyaʼa buʼ ɨbɔ ɨ na ənɨ tə fîŋ rɨ̀jìm ni tɨ̀ naʼ əpan mbə̀ weerɨ bə̂d Ŋwiə̀ mbe nɨ yeʼ bə̂d kwaŋ ə Jèrusalèm.

2 Kɔrèn 9:1

Chəi əton ɨ num nɨ ŋwaʼnɨ ɨ nən ɨmbə̀ʼ ə̀wèèrɨ̀ ze nɨ mbə̀ə kəb cha əmbɨ ə bə̂d Ŋwiə̀ mbe nɨ yeʼ ə Jèrusalèm.

2 Kɔrèn 9:13

Mbə mɨ yeʼə ghɨ̀ ɨnû ɨghabɨ mbɔ̂, njɨ mbə fə chwi ɨkwɨ bə̂d mbe nɨ mbə̀ yeʼ mbɨwən. Əne bə̂d mɨ̀nɔnɔʼ bɨrɨ yiirɨ ə Ŋwiə̀ ɨmbə̀ʼ ɨchî nɨ mbə̀ beenɨ əbɔʼ ɨkə̂n chɔ̀m we nɨ mbə̀ nyaʼa ben ɨmbə̀ʼ ə Kristo. Mbɨ bɨrɨ bɨ naʼ məben-əwe əmbɨ ə Ŋwiə̀ ɨmbə̀ʼ ɨghɨ mbe nɨ mbə̀ naʼ əmbɨ mɨ̀mə̌d fɔrɨ ɨmbə̀ʼ mbe nɨ mbə̀ naʼ əmbɨ ə bə̂d cherə.

1 Tèsàlonikà 2:15

Mbɨ mɔʼɔ nyaʼa zwiirɨ ə Yeso, mbɨ mɔʼɔ nyaʼa zwiirɨ bə̂d ɨ̀kə̀n Ŋwiə̀, mbɨ mɔʼɔ nyaʼa fid əwa tɨ ɨŋga ɨbeŋ mɨ̀mə̌d. Ɨ mbɨə nyaʼə ghɨ̀ ɨnû nɨ chəi fîŋ Ŋwìə̀ nyaʼa bɔŋ əbɔʼ mɨ̀mə̌d. Mbɨ yɨə bə̂d pə̀n əmbɨ wə̀d jìm,

2 Tès 3:2

Mbə̀ kɔŋgɨ ə Ŋwiə̀ ni wɨ̀ chɨ əwa rɨŋga rɨkyerɨ-ɨbɔ bə̂d nɨə ghɨ̀ ɨzɨg bə̀ chɨ̀ rɨŋga rɨkyerɨ-ɨbɔ bə̂d ɨnû rɨbɔ̀ŋ, ɨmbə̀ʼ ɨghəm nɨ kaʼi bə̂d mɨjìm ben ə Yeso Kristo.

2 Timotì 3:11

À fə kyerɨ e ɨchî nɨ mbɨ nyaʼə nwèndɨ̀ tum rɨkyerɨ-ɨwu bə̀ kyerɨ ɨchî nɨ mə̀ nyaʼə zəə ŋgəʼ. À fə kyerɨ e ənû ze nɨ nyaʼa ghɨ ənɨ ə num ə Antiɔ̀k, ə Ikoniùm fɔrɨ ə Listrà, ɨchî nɨ mə nyaʼa nyiʼ ənɨ mbɨ nyaʼə nwèndɨ̀ tum rɨkyerɨ-ɨwu kwàʼ rɨkǎ. À yɨ Ə̀nùŋɨ̀sɨg nyaʼa chɨ əmɨ rɨŋga ŋgəʼ tɔ̂ rɨ̀jìm.

2 Timotì 4:17

Mbɨ nyaʼa ghɨ̀ əne, àyɨə Ə̀nùŋɨ̀sɨg nyaʼa təm ɨban num, naʼ ɨka ɨ num ni mə gha ɨŋgam Ŋwiə̀ jìm, ɨmbə̀ʼ ə bə̂d mɨ̀jìm mbe nɨ kaʼi mɨ̀Jû zu. Ənɨ mə̀ nyaʼa gha əne, Ə̀nùŋɨ̀sɨg nyaʼa chɨ̀ əmɨ rɨ ɨchû ɨvɨ, ɨchî nɨ mbɨ nyaʼa nɨrə sobə ni mbɨ zwiirɨ əmɨ.