Rm 15:26 - Meta’

²⁶ Ɨfetɨ bə̂d Kristo we rɨ ə Màsèdonià mbɨ we rɨ ə Àkàiyà nyaʼa zə ni zɨə bɔ̀ŋ ni mbɨ chob ɨkab ənɨ ə ɨghəm nàʼ əmbɨ ə bə̂d ɨkwaŋ mbe nɨ yeʼ əkaʼ bə̂d Ŋwiə̀ mbe nɨ yeʼ ə Jèrusalèm.

Ikan feg

²⁶ Aton ya gha, bəd inga tifeti bəd Kristo te inga aba aben ze a Màsèdonìyà fɔrɔ Akìyà ya gyen ni chɔ̀pì ighi nàʼ abə bəd ne chəyi àzɔb inga ifeti bəd Ŋwiye we a Jèrusalèm.

Rm 15:26 Marejeleo ya Msalaba

Matìyò 25:40

Ɨfɔ̂n we bɨrɨ wììrɨ̀ əmbɨ mɨ̀mə̌d ni, 'Mə ghà rəsìʼ ɨ nən ni, ɨchî nɨ mbə̀ nyaʼə ghɨ̀ ɨnû mbɔ̂ ənɨ wɨ kwa mɔʼɔ rəbɔʼ bɔŋgɔb mbɔ̂ num, əne mbə̀ nyaʼa ghɨ yeʼ ənɨ ə num.'

Matìyò 26:11

Bə̂d ɨkwaŋ mbɨ əkaʼ nən ɨghəm jìm, àyɨə chəi əmɨ mbɨ nən ɨghəm jìm.

Lk 14:13

Àyɨə ənɨ à kaʼ əchwɨ̂, won bə̂d ɨkwaŋ, won mbe nɨ ɨbɔ nəŋɨ, won mbe nɨə tèʼ ɨwu, bə̀ won mɨfɨgɨ̀.

Lk 6:20

Yeso nyaʼa nɔ̀ɔ̀rɨ̀ əghə nèŋ mbi mə̀mə̀ə̀nɨ̀-ɨnû ghà ni, “Ŋwìə̀ zɨ əbɔrəbɔd ɨgwɨ nən, mbə̀n bə̂d ɨkwaŋ, ɨmbə̀ʼ ɨghəm nɨ à yɨə mbə̀nə bɨrɨ jɨg ənû ɨfɔ̀n ə Ŋwiə̀.

Ɨ̀fàʼì 16:12

Tɨ̀ nyaʼa nɔ̀ʼ rəŋgu wò ə Filipì, nɨ nyaʼa əsɨ ə kyeŋ əbà əbeŋ ze rɨ ə Màsèdonià. À yɨ məRom nyaʼə tùmbɨ̀ əsɨ ze. Tɨ̀ nyaʼa chub ɨni mɔʼɔ ɨŋga əsɨ ze.

Ɨ̀fàʼì 16:9

À nyaʼa ɨzimɨ we, tɨ̀taanɨ njə̀m nyaʼa chè ə Pɔ̂l, wɨ̀ zə mbaŋə̀ mɔʼɔ rɨ ə Màsèdonià nɨ nyaʼa təm buʼ ɨbɔ ɨ bɔ ghà ni, “Baanɨ yeʼe weerɨ əwa ə Màsèdonià.”

Ɨ̀fàʼì 18:12

Ənɨ Galiò nyaʼə gɔmnà əbà əbeŋ ze rɨ ə Àkàiyà, mɨ̀Jû mɔʼɔ rɨ əsɨ ze nyaʼa fɔtɨ wò gywɨ̀ ə Pɔ̂l nɨŋ wò ə nəb ɨsaʼi.

Ɨ̀fàʼì 19:21

Ənɨ ɨnû mbɔ̂ nyaʼa fə che i, Əzwî ə Ŋwìə̀ ə nyaʼa ghɨ̀ Pɔ̂l nùŋ ɨŋga i fîŋ ni tə bɨrɨ chè ə Màsèdonià bə̀ chè ə Àkàiyà bɔŋ wò ə Jèrusalèm. Wɨ̀ nyaʼa ghà ni, “Mə mɨ fə wò pè əŋgu, mə berɨ bɨ wo ə Rom.”

Ɨ̀fàʼì 9:13

Ànàniàs nyaʼa wììrɨ̀ ni, “Ə̀nùŋɨ̀sɨg, bə̂d mɨ̀nɔnɔʼ fə ghà ɨ num ɨmbə̀ʼ mbaŋə̀ zɔ̂. Mbɨ fə ghà ɨmbə̀ʼ ɨchî nɨ wɨ̀ fə zɨ ŋgəʼ nɔnɔʼ ɨgwɨ mbe bə̂d ə Jèrusalèm.

1 Kɔrèn 16:15

Mbɨ bɔŋgɔb, mbə̀ nyaʼa fə kyerɨ ə ni ɨnəbɨ Stefanàs yɨə nyaʼə ɨnəbɨ rɨtu nɨ nyaʼa ben ə Kristo ə Àkàiyà. Mɨ̀mə̌d nyaʼa fə sweŋ ə ɨnyod nɨ faʼ əmbɨ ə bə̂d Ŋwiə̀. Əne mə wɨə buʼ ɨ bɔ ɨ nən ni,

1 Kɔrèn 16:5

Mə bɨrɨ yeʼe əsɨ nən ənɨ mə̀ fə che ə Màsèdonià, ɨmbə̀ʼ ɨghəm nɨ mə fə tekɨ ni mə bɨrɨ chè ə Màsèdonià.

2 Kɔrèn 1:16

Mə wɨə nyaʼə kə̀bə̀ ni mə bɨrɨ chè mo əwən ənɨ mɨə wò ə Màsèdonià bə̀ fɔrɨ ənɨ mɨə wɨ̀rə̀ bə̀ndɨ̀ə̀, ɨmbə̀ʼ mbə̀ weerɨ chà əmɨ ənɨ mɨə wò ə Jùdeyà.

2 Kɔrèn 11:9

Ənɨ mə̀ nyaʼa mbɨ nən kwaŋ əghɨ ə mɔʼɔ, chəi mə̀ nyaʼa chə wə̀d mɔʼɔ rəbɔʼ nən, ɨmbə̀ʼ ɨghəm nɨ mbɨ bɔŋgɔb mbe rɨ ə Màsèdonià nyaʼa naʼ ɨghɨ mbe nɨ mə̀ nyaʼa kwaŋɨ. Mə nyaʼa ton, əne mə wɨə bə̀ kɨrɨ ton nɨ chə əwən.

2 Kɔrèn 2:13

Chəi mɨ fîŋ nyaʼa zurɨ ɨmbə̀ʼ ɨghəm nɨ chəi mə̀ nyaʼa zə wum aŋgɔb Taitùs əŋgu. Əne mə nyaʼa ndàʼnɨ̀ mbɨ ə bə̂d mbe nɔ̀ʼ wò ə Màsèdonià.

2 Kɔrèn 7:5

Ka àbei ənɨ tɨ̀ nyaʼa pe ə Màsèdonià, chəi nyaʼa i ə̀zwììrɨ̀ ɨ na, àyɨə tɨ̀ wɨə nyaʼə zə ŋgəʼ ənɨ ɨkwɨ ɨnə̂njɨ̀ jìm. Tɨ̀ wɨə nyaʼə tàŋə̀ mbɨ ə bə̂d. Ɨbɔɔ nyaʼa bə̀ swi ɨŋga ta fîŋ.

2 Kɔrèn 9:12

Əne ka ənû zɔ̂ nɨ mbə̀ ghɨ bɨrɨ naʼ àmei ɨghɨ mbe nɨ bə̂d Ŋwiə̀ kəbɨ, zɨə bɨrɨ bɨ ghɨ ni bə̂d mɨ̀nɔnɔʼ naʼ məben-əwe əmbɨ ə Ŋwiə̀.

2 Kɔrèn 9:2

Mə kyerɨ ni mbə kàŋ ghaʼ nɨ wèèrɨ̀, əne mə wɨə goŋ ɨgɔ̂ ɨmbə̀ʼ əwən əmbɨ ə bə̂d Kristo mbe nɨ yeʼ ə Màsèdonià. Mə wɨə ghà əmbɨ mɨ̀mə̌d ni bə̂d Kristo mbe nɨ yeʼ ə Àkàiyà nyaʼa fə tekɨ ə ɨnyod nɨ naʼ ə̀wèèrɨ̀ ze nɔʼ tɨ rɨ əghəm əwu. Ɨchî nɨ mbə̀ ghaʼ nɨ naʼ ə̀wèèrɨ̀ ze ə fə ŋwè bə̂d mɨ̀nɔnɔʼ əkaʼ mɨ̀mə̌d ni mbɨ bə wèèrɨ̀.

2 Kɔrèn 9:4

À mɨ yeʼ nɨ chəi mbə̀ kɨrɨ tekɨ ɨnyod, njɨ bə̂d mɔʼɔ rɨ ə Màsèdonià mɨ yeʼe mbɨ num pè zə ni chəi mbə̀ kɨrɨ tekɨ ɨnyod, mba ɨtu bɨrɨ nìd. Mba ɨtu mɨ nìd, njɨ zɨə kɨə wo yeʼ rɨ ye mbɨ mbə̀n mbe nɨ tɨ̀ nuŋ ta fîŋ ɨgwɨ nən ə?

Fìlipì 4:15

Mbə̀n məFilipì kàŋ kyerɨ ə kwàʼ ɨchî chɔ̀m ni ənɨ mə̀ nyaʼa nɔʼ rɨ ə Màsèdonià kɔ gha ɨkə̂n chɔ̀m, chəi ɨfetɨ cherə nyaʼa weerɨ əmɨ. Àmei mbənə nyaʼa weerɨ əmɨ.

1 Tèsàlonikà 1:7

Əze ə nyaʼa ghɨ̀ ni bə̂d mɨjìm mbe nɨ nyaʼa ben ə Kristo ə Màsèdonià fɔrɨ ə Àkàiyà mbɨ beenɨ əbɔʼ tə rɨkyerɨ-ɨwu.

1 Tèsàlonikà 1:8

Kaʼ àmei ni ɨŋgam Ŋwiə̀ fə jàŋ rɨ nən wò ɨŋga ɨbeŋ mbe rɨ ə Màsèdonià fɔrɨ ə Àkàiyà, ənû ɨmbə̀ʼ ɨbenɨ we nɨ mbə̀ nuŋ ɨgun ə Ŋwiə̀ fə bə̀ jàŋ ɨsɨ jìm. Chəi ənû ə mɔʼɔ nɨ tɨ rɨ wɨrɨ ghà ɨmbə̀ʼ əzɨ əwən,

1 Tèsàlonikà 4:10

À yɨ rəsìʼ ni mbə kàŋ ghaʼ mbə bɔŋgɔb mɨ̀jìm mbe nɨ yeʼ ɨŋga ɨsɨ jìm mbe rɨ ə Màsèdonià. Àyɨə tɨ̀ wɨə buʼ ɨbɔ ɨ nən, kyɨə bɔŋgɔb, ni mbə̀ wo ɨmbì ghɨ əne tɨ̀nîn chè ɨchî nɨ mbə̀ nyaʼə bèə̀ ghɨ̀ə̀.

1 Timotì 1:3

Mə yì ghà ɨ ne àmei ɨchî nɨ mə nyaʼa be ghà bɔŋ sɨə wò ə Màsèdonià ni à chub ə Efesùs. Bə̂d mɔʼɔ mbɨ əŋgu nɨə chwi ɨnû cherə, əne mə kə̀b ni à təmnɨ mɨ̀mə̌d.

Filemɔ̀n 1:5

Mə wɨə ghɨ̀ əne ɨmbə̀ʼ ɨghəm nɨ mə zu ɨchî nɨ à ghaʼ bə̂d Ŋwiə̀ mɨ̀jìm, bə̀ zu ɨchî nɨ à ben Ə̀nùŋɨ̀sɨg Yeso.