Rm 15:16 - Meta’

¹⁶ ni mə yeʼ wə̀d ə̀fàʼì Kristo Yeso əmbɨ ə bə̂d mbe nɨ kaʼi mɨ̀Jû. Mə wɨə fàʼ ɨghabɨ ə wə̀d mbàn Ŋwìə̀ ɨchî nɨ mɨə ghà ɨkə̂n chɔ̀m ɨmbə̀ʼ ə Ŋwiə̀. Əne yɨ ɨmbə̀ʼ bə̂d mbe nɨ kaʼi mɨ̀Jû yeʼ ɨghɨ ə̀fà nɨ Ŋwìə̀ benɨ, nɨ Əzwî ə Zeŋɨ fə bə̀ ghɨ̀ ni mbɨ zeŋ.

Ikan feg

¹⁶ Ane ya ni ghì gha, mə̀ yaʼ wə̀d àfàʼì chɔ̀m abə Yeso Kristo, ne məd tɔmi amə abə bəd mbe ne kayi mə̀Ju. Mə ya chètè ikən chɔm gho̰ icheg wə̀d mbàn Ŋwiye ni ghì gha bəd mbe ne kayi mə̀Ju si yaʼ kwàʼ aghi àfàtì chɔm abə Ŋwiye, bə̀ yaʼ bəd ne Azwighi Ŋwiye ghi awɔb mbi təm zen imbìghè abə Ŋwiye.

Rm 15:16 Marejeleo ya Msalaba

Ɨ̀fàʼì 13:2

Ənɨ mbɨ nyaʼə wumnɨ ə Ə̀nùŋɨ̀sɨg bə̀ chubə rɨ jɨg, Əzwî ə Zeŋɨ ə nyaʼa ghà əmbɨ mɨ̀mə̌d ni, “Mbə̀ sweŋ ə Banabàs mbɨ Sɔ̂l ɨ num ɨmbə̀ʼ mbɨ faʼ ə̀fàʼì ze nɨ mə chɔʼ mɨ̀mə̌d ni mbɨ faʼa.”

Ɨ̀fàʼì 20:24

Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

Ɨ̀fàʼì 20:32

“Tɨ̀nîn mə fə zɨ̀ əwən ɨŋga rɨkyerɨ-ɨbɔ Ŋwiə̀ bə̀ zɨ̀ ɨŋga ɨŋgam məd we nɨə ghɨ̀ə̀ ni wɨ̀ ghɨ̀ ɨ̀chɔ̀m ənɨ nən. Ɨkə̂n chɔ̀m we tɨ̀ wɨ ghɨ̀ mbə kwi kàànɨ̀ bə̀ ghɨ̀ mbə jɨg ɨghɨ mbe nɨ Ŋwiə̀ nuŋ əmbɨ ə bə̂d mɨ̀jìm mbe nɨ wɨ̀ zeŋnɨ.

Ɨ̀fàʼì 22:21

Ə̀nùŋɨ̀sɨg nyaʼa ghà ɨ num ni, 'Ndə̀, ɨmbə̀ʼ ɨghəm nɨ mə bɨrɨ cha əwe əsa əgha əsɨ ə bə̂d mbe nɨ kaʼi mɨ̀Jû.'”

Ɨ̀fàʼì 9:15

Àyɨə Ə̀nùŋɨ̀sɨg nyaʼa ghà ɨ bɔ ni, “Ndə̀, ɨmbə̀ʼ ɨghəm nɨ mə fə chɔʼ əməd ni wɨ̀ faʼ ɨ num. Wɨ̀ bɨrɨ jaŋ ənû ɨmbə̀ʼ əmɨ əmbɨ bə̂d mbe nɨ kaʼi mɨ̀Jû, əmbɨ mɨfɔ̀n bə̀ fɔrɨ əmbɨ mɨ̀Izre.

Rm 1:1

À yɨə mɔ̌ Pɔ̂l, nɨ mə yeʼ wə̀d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Ŋwìə̀ nyaʼa tɔŋ əmɨ ni mə̀ yeʼ wə̀d tom Kristo. Wɨ̀ nyaʼa bə̀ chɔʼ əmɨ ni mə̀ gha ɨkə̂n chɔ̀m.

Rm 11:13

Mə yɨ əni ghàm ɨ nən, mbə̀n mbe nɨ kaʼi mɨ̀Jû. Ɨchî nɨ mə̀ yeʼ wə̀d tom əmbɨ ə bə̂d mbe nɨ kaʼi mɨ̀Jû, mə wɨə zɨ̀ ətu ənɨ ə̀fàʼì ze nɨ Ŋwìə̀ chɔʼ əmɨ ni mə̀ faʼ ə

Rm 15:18

Chəi mə̀ bɨrɨ tɔ gha ənû ə mɔʼɔ, kɨrɨ ənɨ mə̀ gha àmei əze nɨ Kristo che ənjìm num bɔŋ ghɨ̀. Wɨ̀ nyaʼa ghɨ̀ ni bə̂d mbe nɨ kaʼi mɨ̀Jû zuunɨ ə Ŋwiə̀ ənjìm ɨnû mbe nɨ mɨə ghàə̀, ənjìm ɨnû mbe nɨ mɨə ghɨ̀ə̀,

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

Rm 15:20

Ənû nɨ mɨə kə̀bə̀ yɨ ni mə gha ɨkə̂n chɔ̀m yeʼ ɨŋga ɨsɨ mbe nɨ chəi bə̂d kɨrɨ zu ənû ɨmbə̀ʼ ə Kristo əŋgu, ɨmbə̀ʼ tɨ mə̀ kod əmɨ ɨgun əchɨ ə nəb wə̀d cherə.

Rm 15:29

Mə kyerɨ ni ənɨ mə yeʼe əsɨ nən, əbɔrəbɔd ze nɨ Kristo ə nàʼ əbu əbu ə bɨrɨ swi ɨgwɨ nən.

Rm 5:5

Ka ɨchî nɨ tɨ̀ nuŋ ɨkɔndɨ wɨə tam i əwa, ɨmbə̀ʼ ɨghəm nɨ Ŋwìə̀ fə chwi ni tə ghaʼ əwa, əne wɨ̀ fə zɨ̀ ɨghaʼi ɨŋga ta fîŋ ənjìm Əzwî ə Zeŋɨ ze nɨ wɨ̀ naʼ ɨ na.

1 Kɔrèn 3:5

Àpolòs kɨə we? Pɔ̂l bə̀ ə we? Tɨ̀ yɨə àmei bə̂d ə̀fàʼì mbe nɨ mbə̀ nyaʼa che ənjìm mɨ̀mə̌d ben ə Yeso Kristo. Wə̀d mɔʼ mɔʼ rəbɔʼ na wɨə fàʼ ə̀fàʼì ze nɨ Ə̀nùŋɨ̀sɨg nyaʼa naʼ ɨ bɔ.

1 Kɔrèn 4:1

Bə̂d berɨ neŋ əwa ni tɨ̀ yɨə bə̂d ə̀fàʼì Kristo fɔrɨ bə̂d nɨ Ŋwìə̀ ghɨ ni mbɨ gha ɨnû mbe nɨ yeʼ ənə̀mə ɨmbə̀ʼ əməd.

1 Kɔrèn 6:19

Chəi mbə̀ kyerɨ ni tə nyamnyod yɨə mbàn əmbɨ Əzwî ə Zeŋɨ ze nɨ yeʼ ɨŋga nən, nɨ Ŋwìə̀ nyaʼa naʼ ɨ nən ə? Ka tə nyamnyod yɨ i tən.

2 Kɔrèn 11:23

Mbɨ wa kɨə bə̂d ə̀fàʼì Kristo ə? Mə wɨə ghàm ɨghabɨ ətəd. Mə chè mɨ̀mə̌d. Mə fə fàʼ rɨ̀kǎ chè mɨ̀mə̌d, mə fə nyɨ ndəŋ ɨghəm nɔnɔʼ, mbɨ fə som əmɨ ɨghəm nɨ chəi ənɨ tɨ̀ mbɨ taŋ, mə fə jwɨ̀ rɨ ɨchû ɨvɨ ɨghəm nɔnɔʼ.

2 Kɔrèn 5:20

Tɨ̀ yɨə bə̂d nɨ təm ənɨ ɨkum Kristo. Ŋwiə̀ wɨə che ənjìm na buʼ ɨbɔ əmbɨ ə bə̂d. Əne tɨ̀ wɨə buʼ ɨbɔ ɨ nən ənɨ ɨkum Kristo ni mbə maanɨ taŋ mbɨ ə Ŋwiə̀.

2 Kɔrèn 8:5

Mbɨ nyaʼa ghɨ̀ ənû zɔ̂ chè ɨchî nɨ tɨ̀ nyaʼa kɔndɨ. Mbɨ nyaʼa bè nàʼ ə ɨnyod əmbɨ Ə̀nùŋɨ̀sɨg. Mbɨ nyaʼa beenɨ nàʼ ə ɨnyod ɨ na ɨchî nɨ Ŋwìə̀ nyaʼa kəb ni mbɨ ghɨ əne.

Gàlesìyà 3:5

Ŋwìə̀ we nɨ naʼ Əzwî ɨ nən bə̀ faʼ ɨnû yiirɨ əkaʼ nən wa nyaʼa ghɨ əne ɨmbə̀ʼ ɨchî nɨ mbə̀ nyaʼa ghɨ ɨnû mbe nɨ yeʼ ɨŋga rɨ̀kə̌, kɨ̀ ɨmbə̀ʼ ɨchî nɨ mbə̀ nyaʼa ben ənû ze nɨ mbə̀ nyaʼa zu ə?

Efesùs 2:18

À yɨə Kristo ghɨ ni mba mɨjìm, əne yɨ mɨ̀Jû mbɨ ə bə̂d nɨ kaʼi mɨ̀Jû, tɨ̀ berɨ ɨnə̂njɨ̀ nɨ wò əmbɨ ə Mbǎʼ ənjìm Əzwî ə Zeŋɨ.

Efesùs 2:22

Ənɨ ɨfɔtɨ mbɨ məd, ɨ mbɨə bə̀ bɔmə mbə̀n mbe nɨ kaʼi mɨ̀Jû ənɨ əsɨ ze nɨ Ŋwiə̀ nɨ yeʼ əzwî ə chub əŋgu.

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

Fìlipì 2:17

Kɨ̀ mə be kwɨ, mɨ ənəm ə bɨrɨ yeʼ ɨghabɨ ɨchəmnɨ nɨ mbɨ zɨ ɨgun ɨghɨ ə̀fà. Ɨghɨ ə̀fà mbe yɨ ɨbenɨ we nɨ mbə̀ nuŋ ɨgun ə Ŋwiə̀. Əne mɨ ɨnyod wɨə bɔ̀ŋə̀, mə bə̀ ghaʼrɨ ɨchî nɨ mbə̀n ə bə̀ ghaʼrɨə.

Fìlipì 4:18

Mə fə berɨ ɨghɨjìm mbe nɨ mə nyaʼa kwaŋɨ mbɨ nɔʼ chè. Mə fə berɨ ɨghɨjìm mbe nɨ mə̀ kwaŋɨ tɨ̀nîn nɨ Èpàfroditùs fə naʼ ɨkab we nɨ mbə̀ tom ɨ num. Ɨkab we yɨ ɨghabɨ ɨghɨ ə̀fà nɨə nyùʼrɨ ɨfɔ chɔ̀m əne ghɨ̀ə̀ ni fîŋ Ŋwìə̀ bɔŋ ə.

1 Tèsàlonikà 2:2

Bə̂d mbe rɨ ə Filipì nyaʼa ghɨ̀ tɨ̀ zə ŋgəʼ. Mbɨ nyaʼa bə̀ naʼ tɨ̀nìd ətu na ɨchî nɨ mbə̀ kyerɨ. Àyɨə Ŋwìə̀ nyaʼa nàʼ ɨka ɨ na ni tɨ̀ gha ɨkə̂n chɔ̀m ɨ nən, ka à bè yeʼi ni chəi bə̂d mɨ̀nɔnɔʼ nyaʼa kəb ni tɨ̀ gha ɨkə̂n we.

1 Tèsàlonikà 2:9

Mba bɔŋgɔb, mbə̀ kyerɨ ə ɨchî nɨ tɨ̀ nyaʼə fàʼ əkaʼ nən kwàʼ rɨ̀kǎ. Tɨ̀ wɨə nyaʼə fàʼ əziə mbɨ ɨzimɨ ɨmbə̀ʼ tɨ rɨ̀ chə a wə̀d mɔʼɔ rəbɔʼ nən ɨmbə̀ʼ ənû rɨjɨg ənɨ tɨ̀ nyaʼə ghà ɨkə̂n chɔ̀m ɨmbə̀ʼ ə Ŋwiə̀ ɨ nən.

1 Tèsàlonikà 5:23

Ŋwìə̀ ziə we nɨə nàʼ əbɔrəbɔd ghɨ ni mbə̀ zeŋ màànɨ̀. Ŋwìə̀ ghɨ ni Əzwî mbɨ tə fîŋ fɔrɨ tə nyamnyod ghɨ ɨnû nɨ kuʼnɨ ɨmbə̀ʼ tɨ wə̀d mɔʼɔ zə i ənû rɨbɔ̀ŋ ɨgwɨ nən ənɨ ə nyùmə̀ we nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

1 Timotì 1:11

Tɨ̀ we tɨ̀ rɨ̀ zə ɨnû mbɔ̂ ɨŋga ɨkə̂n chɔ̀m we nɨ Ŋwiə̀ zɨ ɨŋga tum rɨkyerɨ-ɨbɔ. Məd yɨə Ŋwìə̀ we nɨ bə̂d ə yiirɨə bə̀ wumnɨə.

1 Timotì 2:7

À yɨ ɨmbə̀ʼ ənû zɔ̂ nɨ Kristo nyaʼa chɔʼ əmɨ ni mə̀ gha ɨŋgam Ŋwiə̀, bə̀ yeʼ wə̀d tom, bə̀ yeʼ wə̀d nɨə chwi ɨnû ɨmbə̀ʼ ɨbenɨ mbɨ we nɨə chwi rəsìʼ ɨmbə̀ʼ Kristo əmbɨ bə̂d mbe nɨ kaʼi mɨ̀Jû. Chəi mɨə ghàə̀ mɨghab. Mə wɨə ghàə̀ yeʼ rəsìʼ.

2 Timotì 1:11

À yɨ ɨmbə̀ʼ ɨkə̂n chɔ̀m wɔ̂ nɨ Kristo nyaʼa chɔʼ əmɨ ni mə̀ gha ɨŋgam Ŋwiə̀, ni mə̀ yeʼ wə̀d tom məd, mbɨ ni mə̀ chwi ɨnû ɨmbə̀ʼ əməd.

Mə̀Hibrù 13:16

Tɨ̀ mbə̀ waʼ ə ənû nɨ ghɨ ɨ̀chɔ̀m. Tɨ mbə̀ bɨ waʼ ə ənû nɨ ghapɨ ɨghɨ mbe nɨ mbə̀ berɨ, ɨmbə̀ʼ ɨghəm nɨ tɨkwɨrɨ ɨghɨ ə̀fà tɔ̂ ə bɔ̀ŋ əmbɨ ə Ŋwiə̀.

1 Pità 1:12

Ŋwìə̀ nyaʼa chwi əmbɨ mɨ̀mə̌d ni chəi mbɨ nyaʼə faʼə yeʼ ɨmbə̀ʼ ə ɨghəm. Ɨ mbɨə nyaʼə faʼə yeʼ ɨmbə̀ʼ weerɨ əwən. Ɨ mbɨə nyaʼə ghà ɨnû mbe nɨ mbə̀ nyaʼa fə zu rɨ əmbɨ ə bə̂d mbe nɨ nyaʼa chè ənjìm Əzwî ə Zeŋɨ ze nɨ Ŋwìə̀ cha rɨkaŋ gha ɨkə̂n chɔ̀m. Mbɨ̀aŋgɨrə̀ mbɨə nyaʼə bə̀ kə̀b kyerɨ ənû rəŋgu.

1 Pità 2:5

Mbə yeʼe ɨghabɨ əti nɨ yeʼ ɨka ɨmbə̀ʼ mbɨ nɨŋ əwən bɔm nəb əzwî əŋgu. Mbə mɨ ghɨ̀ əne, mbə bɨrɨ yeʼ bə̂d mbàn Ŋwìə̀ zeŋɨ, əne chè ənjìm ə Yeso Kristo naʼ ɨghɨ ə̀fà əzwî mbe nɨ Ŋwiə̀ benɨ.