Rm 14:14 - Meta’

¹⁴ Ɨchî nɨ mə̀ yeʼ ənɨ ɨfɔtɨ mbɨ Ə̀nùŋɨ̀sɨg Yeso, mə kyerɨ ni chəi əghɨjɨg ə mɔʼɔ nɨ zɨ̀ rɨka zeŋ i ɨfě Ŋwiə̀. Əghɨjɨg ə mɔʼɔ ze tɨ̀ zɨə chubɨ zɨ rɨ zeŋ əmbɨ wə̀d we nɨ kɔndɨ ni zɨ rɨka zeŋ i.

Ikan feg

¹⁴ Icheg ne mə̀ yaʼi ane ifɔti tì Anɔŋisəg Yeso fə ghì mə kyeri gha chəyi iku tijəg mɔ̀ʼɔ angu ne chəyi ti zḛ imbìghè abə Ŋwiye. Si ya gha, wə̀d mɔ̀ʼɔ mə̀ kɔ̀ndi gha iku tijəg mɔ̀ʼɔ te angu ne chəyi ti zḛ imbìghè abə Ŋwiye imbə̀ʼ wì jə̀ghə yi ìtiwən.

Rm 14:14 Marejeleo ya Msalaba

Mk 7:2

Mbɨ nyaʼa zə ni mə̀mə̀ə̀nɨ̀-ɨnû ɨməd mɔʼɔ mbɨə nyaʼə jɨgə nɨ chəi mbɨ so ɨbɔ, əne yɨ nɨ sò ɨchî nɨ zɨə yeʼ ɨŋga rɨkə tɨ mɨ̀Jû.

Ɨ̀fàʼì 10:28

Wɨ̀ nyaʼa ghà əmbɨ mɨ̀mə̌d ni, “Mbə kàŋ kyerɨ ə ni chəi ta rɨkə chwi ni Jû jɨgnɨ kɨ̀ bè mò wə̀d əbeŋ ə cherə. Àyɨə Ŋwiə̀ fə chwi ɨ num ni tɨ mə tɔŋ əmɨ wə̀d mɔʼɔ ənɨ wə̀d nɨ rɨka zeŋ i, kɨ̀ ənɨ ə wə̀d nɨ chəi ənɨ tɨ̀ mbɨ jɨgnɨ mbɨ məd.

Rm 14:2

Wə̀d mɔʼɔ ə ben ni tə we tɨ̀ rə jɨg ɨghɨjìm, àyɨə we nɨ ɨbenɨ məd bɔrɨ we tɨ̀ wɨ̀ jɨg àmei mbòb.

Rm 14:20

Tɨ mbə̀ chəkɨ ə ə̀fàʼì ə Ŋwiə̀ ɨmbə̀ʼ əghɨjɨg. Ɨghɨjɨg jìm ə zeŋ, àyɨə zɨ rɨka bɔ̀ŋ i ni mbə̀ jɨg əghɨ ze nɨ bɨrɨ ghɨ ni ɨbenɨ wə̀d cherə bɔd.

Rm 14:23

Ŋwiə̀ bɨrɨ zɨ ɨsaʼi ɨgun ə bə̂d mbe nɨə bid ɨkwɨ əghɨjɨg ə mɔʼɔ bɔŋ wɨrɨ jɨg, ɨmbə̀ʼ ɨghəm nɨ chəi mbɨə jɨg ənjìm ɨbenɨ. Ənû ə mɔʼɔ ze nɨ wə̀d ə ghɨ̀ə̀ nɨ chəi zɨə yeʼe rɨ ənɨ ɨbenɨ yɨ ənû rɨbɔ̀ŋ.

1 Kɔrèn 10:25

Mbə̀ kud əghɨ ze nɨ mbɨə fèn ɨwin nyam, zɨ rɨ biirɨ ənû ə mɔʼɔ ze nɨ bɨrɨ ghɨ̀ ni tə fîŋ saʼ əwən.

1 Kɔrèn 8:10

Wə̀d mɔʼɔ we nɨ fîŋ məd bɔrɨ mɨ zə əwe, àwɔ̀ nɨ berɨ ɨwe, nɨ àwɔ̀ ə jɨg ɨŋga mbàn anèŋ, ka wɨ̀ wa bɨrɨ ghaʼi nɨ bɨ jɨg ɨghɨ mbe nɨ mbɨ naʼ ənɨ ɨghɨ ə̀fà əmbɨ mbɨ̀anèŋ ə?

1 Kɔrèn 8:7

Àyɨə kaʼi wə̀d jìm kyerɨ ənû zɔ̂. Bə̂d mɔʼɔ mbe nɨ fə jeŋgɨ mə̀d mbɨ mbɨ̀anèŋ mɨ yeʼə jɨgə tɨkwɨ rɨjɨg tɔ̂, ɨ mbɨə kɨrɨ kɔndɨə ni à yɨ rɨjɨg nɨ mbɨ naʼ ənɨ əghɨ ə̀fà əmbɨ mbɨ̀anèŋ. Əne fîŋ tɨ mɨ̀mə̌d te nɨ bɔrɨ tɨə saʼə mɨ̀mə̌d, mbɨ sɨə kɔndɨə ni mbə mbɨ rɨzeŋ.

1 Timotì 4:4

Ɨghɨjìm mbe nɨ Ŋwìə̀ nyaʼa tekɨ ə bɔŋ. Chəi əghɨ ə mɔʼɔ nɨ tɨ bə̂d ton. Àyɨə bə̂d berɨ naʼ məben-əwe ɨ bɔ ɨmbə̀ʼ ɨghɨjìm mbe nɨ wɨ̀ naʼ əmbɨ mɨ̀mə̌d,

Tayitùs 1:15

Ɨnû jìm ə zeŋ əmbɨ ə bə̂d mbe nɨ fîŋ tɨ mɨ̀mə̌d zeŋɨ, àyɨə chəi mbɨ zeŋɨ əmbɨ ə bə̂d mbe nɨ chəi fîŋ tɨ mɨ̀mə̌d bə zeŋ. Chəi mbɨ bə zeŋ əmbɨ mbe nɨ chəi mbɨ nuŋ fîŋ ɨgun ə Kristo, ɨmbə̀ʼ ɨghəm nɨ ɨbə fə nyɨ ɨŋga tɨkɔndɨ tɨ mɨ̀mə̌d bə̀ nyɨ ɨŋga fîŋ tɨ mɨ̀mə̌d.