Rm 13:12 - Meta’

¹² Ɨzimɨ fə kà chè, ɨtuʼ fə sɨə wo chɨg. Əne tɨ̀ waʼ ɨnû mbe nɨ bə̂d ə ghɨ̀ ɨŋga ɨsɨ firɨ, əne tìŋ ɨghɨ bid ɨmbə̀ʼ zɔŋ ənɨ ɨsɨ ə zeŋə.

Ikan feg

¹² Ituʼ fə se chə̀ghə. Aneg feg fə se pè. Ane, tì waʼ inug tibɔ̀ŋ mbe ne bəd ne yaʼi inga afub mbe ghìyə̀ si niŋ ighi ibid. Ighi ibid mbe ya inug chɔm mbe ne bəd mbe ghìyə̀ inga ìzḛzḛ.

Rm 13:12 Marejeleo ya Msalaba

Rm 13:14

Àyɨə mbə̀ ghɨ ni Ə̀nùŋɨ̀sɨg Yeso Kristo kubrɨ əwən ɨchî nɨ ngywɨ̌ ə kubrə bə̂d. Əne tɨ mbə̀ naʼ ə əpan əmbɨ tə nyamnyod ni tɨ ghɨ ɨnû rɨbɔ̀ŋ mbe nɨ nyamnyod ə feenɨə.

1 Kɔrèn 10:11

Ɨnû mbɔ̂ nyaʼa ghɨ̀ ənɨ mɨ̀mə̌d ɨghabɨ ənweenɨ əmbɨ ə bə̂d cherə. Mbɨ nyaʼa bə̀ ŋwàʼnɨ̀ ɨmbə̀ʼ mbà mbe nɨ yeʼ ɨkǎ ənɨ ə nyùmə̀ wɔ̂ nɨ ɨsɨg ə sɨə wo nwìə̀.

1 Kɔrèn 7:29

Mbɨ bɔŋgɔb, ənû nɨ mɨə ghàə̀ yɨ ni nyùmə̀ nɨ ɨsɨg wɔ̂ bɨrɨ nwìə̀ fə tiinɨ. Əne ɨ kɔ rɨ̀nîn, mbaŋə̀ te nɨ berɨ məyi chub ɨghabɨ ni chəi mbɨ kɨrɨ nam.

2 Kɔrèn 10:4

Ka ɨghɨ bid mbe nɨ tɨə zɔ̀ŋə̀ mbɨ rɨwən yɨ i ɨghɨ bid bə̂d mɨ̀sɔŋɨchù. Mbɨ yɨ ɨghɨ bid Ŋwiə̀ nɨ berɨ ɨka nɨ chəkɨ ɨsɨ mbe nɨ bə̂d pə̀n məd ka əŋgu.

2 Kɔrèn 6:7

Tɨ̀ wɨə ghà ɨŋgam rəsìʼ. Tɨ̀ wɨə ghɨ̀ ɨnû ənɨ ɨka we nɨ Ŋwìə̀ naʼ ɨ na. Mba ɨnû mbe nɨ təm kùʼnɨ̀ yɨ ɨghɨ bid nɨ tɨ̀ yim əbɔ ə jɨgɨ, ɨ zɔ̀ŋ, bə̀ yim əbɔ ə tweŋ, ɨ kən ɨnyod.

Efesùs 4:22

Mbɨ nyaʼa chwi ɨ nən ni mbə̀ waʼ nyamnyod ənun, əne yɨ ɨnû ənun mbe nɨ mbə̀ nyaʼə ghɨ̀ə̀. Ɨnû ənun mbe yɨ tɨfeenɨ rɨbɔ̀ŋ te nɨ nyaʼə tambɨ əwən bə̀ chəkɨ əwən.

Efesùs 5:11

Tɨ mbə zɨ ə ɨbɔ ɨŋga ɨnû əko mɔʼɔ mbe nɨ bə̂d ə ghɨ̀ ɨŋga ɨsɨ firɨ, àyɨə mbə̀ du ɨnû mbe əsaŋ ni bə̂d zə.

Efesùs 5:8

À nyaʼa ənɨ ə nyùmə̀ mɔʼɔ, mbə mbɨə nyaʼa ɨŋga ɨsɨ firɨ, àyɨə tɨ̀nîn nɨ mbə̀ sɨ bə̂d Ə̀nùŋɨ̀sɨg, mbə mbɨ ɨŋga ɨzeŋɨ zeŋɨ. Əne mbə̀ chub ɨghabɨ ə bə̂d nɨ yeʼ ɨŋga ɨzeŋɨ zeŋɨ,

Mə̀Hibrù 10:25

Tɨ rɨ̀ waʼ a ənû nɨ kɨə fetɨ, ɨchî nɨ bə̂d mɔʼɔ ə ghɨ̀ə̀, àyɨə tɨ̀ timbɨ a ɨnyod mbǎ mbǎ. Mbə jeŋgɨ ghɨ̀ əne ɨchî nɨ mbə̀ zə ni əni ze nɨ Ə̀nùŋɨ̀sɨg bɨrɨ wɨrɨ yeʼe fə tiinɨ.

Mə̀Hibrù 12:1

Ɨchî nɨ mɨ̀zərɨmbin mbɔ̂ ɨnɔ̂n kyeŋ kaŋ kad əwa, əne tɨ̀ waʼ ɨnû jìm mbe nɨə kən ɨnə̂njɨ̀ ɨ na bə̀ waʼ ɨnû rɨbɔ̀ŋ mbe nɨ kod əwa. Tɨ̀ notɨ ə̀nòtɨ̀ ze nɨ yeʼ ɨmbì ɨ na mbɨ ɨnyiʼ fîŋ.

Jems 1:21

Əne mbə̀ waʼ ɨzwɨ̂ ɨnû jìm bə̀ waʼ ɨnû ɨzɨg jìm mbe nɨ mbɨə ghɨ̀ə̀. Mbə swi ə ɨnyod, ben ɨŋgam Ŋwiə̀ we nɨ wɨ̀ zɨ ɨŋga tə fîŋ. Ɨŋgam we bɨrɨ ghɨ̀ ni mbə̀ jwɨ rəŋgəʼ.

Jems 5:8

Mbə̀n bə̂, mbə̀ yim fîŋ ghɨ̀ ə ɨbenɨ kaanə ɨmbə̀ʼ ɨghəm nɨ Ə̀nùŋɨ̀sɨg bɨrɨ zambɨ yeʼe.

1 Pità 2:1

Mbə waʼ ɨnû rɨbɔ̀ŋ jìm, waʼ ɨnû nɨ fɨg bə̂d, waʼ ɨbekɨ ɨnû, waʼ ɨnû nɨ ghɨ ə̀dìì bə̀ waʼ ɨnû nɨ ghɨ mɨniə.

1 Pità 4:7

Ɨnwǐ ɨghɨjìm fə tiinɨ, əne mbə nuŋ mbə ɨtu mbɨ zeŋ bə̀ yimbɨ ə ɨnyod ɨmbə̀ʼ kyerɨ ɨchî nɨ kɔŋgɨ ə Ŋwiə̀.

2 Pità 3:11

Ɨchî nɨ Ŋwìə̀ bɨrɨ nimnɨ ɨghɨ mbɔ̂ jìm ɨchî wɔ̂, mbə̀ kɨə wo yeʼ ɨkwɨ bə̂d mbi ə? Mbə berɨ chub ɨzeŋɨ zeŋɨ bə̀ sweŋ ə ɨnyod əmbɨ ə Ŋwiə̀

2 Pità 3:9

Chəi Ə̀nùŋɨ̀sɨg ə kɨə chəkɨə nyumə̀ bɔŋ ghɨ ɨnû mbe nɨ wɨ̀ kaʼi, ɨchî nɨ bə̂d mɔʼɔ ə kɔndɨə ni ɨ wɨə chə̀kɨ̀ə̀. Àyɨə məd wɨə yimə fîŋ mbɨ nən ɨmbə̀ʼ ɨghəm nɨ chəi wɨ̀ kəb ni wə̀d mɔʼɔ nim. Wɨ̀ kə̀b yeʼ ni wə̀d jìm beŋ i fîŋ, waʼ mbi ɨnû rɨbɔ̀ŋ.

1 Jɔn 2:18

Mbɨ bɔn, nyùmə̀ we nɨ ɨsɨg ə wò nwìə̀ fə tiinɨ. Mbə nyaʼa fə zu ni wə̀d pə̀n Kristo wɨə yeʼe. Tɨ̀nîn bə̂d pə̀n Kristo nɔnɔʼ fə yeʼe. Əzɔ̂ ə fə ghɨ̀ tɨ̀ kyerɨ ni nyùmə̀ we nɨ ɨsɨg ə wò nwìə̀ fə tiinɨ.

Ɨnû 1:3

Ŋwìə̀ zɨ əbɔrəbɔd ɨgun ə wə̀d we nɨ foŋ mɨŋgam mbɔ̂ ɨmbə̀ʼ ɨnû mbe nɨ bɨrɨ ghɨ̀. Ŋwìə̀ zɨ əbɔrəbɔd ɨgun ə bə̂d mbe nɨ zu mɨŋgam mbɔ̂ bə̀ ghɨ̀ ɨnû mbe nɨ mbɨ ŋwàʼnɨ̀, ɨmbə̀ʼ ɨghəm nɨ nyùmə̀ we nɨ ɨnû mbɔ̂ bɨrɨ ghɨ̀ fə tiinə.

Ɨnû 22:10

Wɨ̀ nyaʼa ghà ɨ num ni, “Tɨrə̀ tɔ nə̀m e mɨŋgam mbɔ̂ nɨ mbɨ ŋwaʼnɨ ɨmbə̀ʼ ɨnû mbe nɨ bɨrɨ ghɨ̀, ɨmbə̀ʼ ɨghəm nɨ nyùmə̀ we nɨ ɨnû mbɔ̂ bɨrɨ zambɨ ghɨ̀ fə tiinə.