Rm 12:6 - Meta’

⁶ Tɨ̀ berɨ mɨneʼe nɨ kwepə beenɨ əbɔʼ ɨchî nɨ Ŋwìə̀ ghɨ ɨ̀chɔ̀m ənɨ ə na. Ɨneʼe wə̀d mɔʼɔ mɨ yeʼ ni wɨ̀ zu ɨkə̂n Ŋwiə̀ ghà, wɨ̀ gha ɨchî nɨ ɨbenɨ məd chwiə.

Ikan feg

⁶ Ìta tineʼi ya icha icha icheg ne Ŋwiye ghi ìchɔ̀mì ina. Ineʼi wə̀d mə̀ yaʼ ni ghà ikən Ŋwiye, tengàŋ ya fàʼà icheg ne ibḛfiŋ məd chwi.

Rm 12:6 Marejeleo ya Msalaba

Matìyò 23:34

Mə bɨrɨ tom bə̂d ɨ̀kə̀n, tom bə̂d ɨwe bə̀ tom məchwiə̀ rɨ̀kə̌ əsɨ nən. Mbə bɨrɨ zwiirɨ mbɨ mɔʼɔ, kòmbɨ̀ mbɨ mɔʼɔ əzed ə baʼnɨ, te mbɨ mɔʼɔ ənɨ ə ŋgwad ɨŋga tə nəb ə̀kàtɨ̀, bə̀ nwèndɨ̀ tɨkyerɨ-ɨwu mbɨ mɔʼɔ, kɔ rɨŋga əsɨ ə fibɨ̀ wò pè ɨŋga əzɨ ə cherə,

Matìyò 25:22

“Wə̀d ə̀fàʼì we nɨ nyaʼa nɨŋ ɨ̀bàm ɨkab gôl mbe be nyaʼa wò nyɨ ghà ɨ bɔ ni, 'Masà, à nyaʼa nàʼ ɨ̀bàm ɨkab gôl ɨ num ɨbe. Zə, mə fə jɨg njìm ɨ̀bàm cherə be.'

Lk 11:49

Ŋwìə̀ nyaʼa fə we i əne ghà ɨmbə̀ʼ ənû zɔ̂ ni, 'Mə bɨrɨ cha bə̂d ɨ̀kə̀n bə̀ chà bə̂d tom əsɨ mɨ̀mə̌d. Mbɨ bɨrɨ zwiirɨ mbɨ mɔʼɔ bə̀ nwèndɨ̀ tɨkyerɨ-ɨwu mbɨ cherə.'

Ɨ̀fàʼì 13:1

Bə̂d ɨ̀kə̀n Ŋwiə̀ mbɨ məchwiə̀-ɨnû nyaʼa ɨŋga ɨfetɨ bə̂d Kristo we rɨ ə Antiɔ̀k. Mbɨ yɨə nyaʼə Banabàs, mbɨ Simiòn nɨ mbɨ nyaʼə bə̀ tɔŋ ənɨ Naijà, mbɨ Lusiùs nɨ nyaʼa rɨ ə Sìrin, mbɨ Maniàn nɨ nyaʼa kwi mbɨ Herɔ̀d nɨ nyaʼə gɔmnà, mbɨ Sɔ̂l.

Ɨ̀fàʼì 15:32

Əne Judàs mbɨ Sailàs nɨ nyaʼə bə̂d ɨ̀kə̀n Ŋwiə̀ mbənə mbənə nyaʼa ghà ɨnû nɔnɔʼ tìmbɨ̀ bɔŋgɔb mbe bə̀ ghɨ̀ ni ɨbenɨ mɨ̀mə̌d kaanə.

Ɨ̀fàʼì 2:17

Ŋwìə̀ ə ghà ni, ɨŋga ɨni mbe nɨ sɨ nwìə̀, mə bɨrɨ cha mɨ Əzwî ɨgun ə bə̂d mɨjìm. Mbə bɔn mbaŋə̀ mbɨ mbə bɔn məyi bɨrɨ gha mɨ ɨkə̂n. Mbə ɨjɔŋ bɨrɨ zə tɨ̀taanɨ njə̀m. Njə̀m bɨrɨ chè tə mbaŋə̀ te nɨ fə nunə.

Ɨ̀fàʼì 21:9

Wɨ̀ nyaʼa berɨ bɔn məyi mɨkwè nɨ chəi mbɨ nyaʼa kɨrɨ nam. Bɔn məyi mbe mbɨə nyaʼə ghà ɨkə̂n Ŋwiə̀.

Rm 1:11

Mə wɨə kàŋə̀ kə̀b zə əwən, ɨmbə̀ʼ mə ghɨ̀ Əzwî ə naʼ ɨneʼe ɨ nən. Ɨneʼe we bɨrɨ ghɨ ni mbə̀ kaanə.

Rm 12:3

Ɨchî nɨ Ŋwìə̀ fə ghɨ ɨ̀chɔ̀m ənɨ ə num, mə wɨə ghà əmbɨ wə̀d jìm əkaʼ nən ni tɨ wɨ̀ kɔndɨ i ni tə chè ɨchî nɨ tə yeʼ ə, àyɨə wə̀d jìm kɔndɨ ənû ɨmbə̀ʼ i ɨnyod ɨchî nɨ kuʼnɨ. Wə̀d mɔʼ mɔʼ kɔndɨ beenɨ əbɔʼ ɨchî nɨ Ŋwìə̀ naʼ ɨbenɨ ɨ bɔ.

1 Kɔrèn 12:18

Ɨchî nɨ zɨə yeʼ əne, Ŋwìə̀ nyaʼa tekɨ nyamnyod mbɨ ɨsɨ ɨnyod nɔnɔʼ. Əne wɨ̀ nyaʼa zɨ̀ ɨsɨ ɨnyod ɨ mɔʼ mɔʼ ɨgun ə nyamnyod ze àmei ɨchî nɨ wɨ̀ nyaʼa kə̀bɨ.

1 Kɔrèn 13:2

Mə mɨ berɨ ɨneʼe nɨ gha ɨkə̂n Ŋwiə̀, bə̀ kyerɨ ɨnû jìm mbe nɨ yeʼ ənə̀mə bə̀ berɨ ɨwe jìm, mə mɨ berɨ ɨbenɨ nɨ tɨ̀ mə ghàm tɨwum mə̀nə̀, àyɨə chəi mə ghaʼ bə̂d, mə yɨ əghɨ əko.

1 Kɔrèn 14:1

Mbə̀ kywɨ ənywɨ zə ni ɨghaʼi yeʼ əghɨ ze nɨə tin əwən wò ɨmbì. Mbə̀ jeŋgɨ kə̀b yeʼ mɨneʼe mbe nɨ Əzwî ə Zeŋɨ ə nàʼə̀, màànɨ̀ ɨneʼe nɨ gha ɨkə̂n Ŋwiə̀.

1 Kɔrèn 14:24

Àyɨə bə̂d mɨjìm mɨ yeʼə ghà ɨkə̂n Ŋwiə̀, əne we nɨ chəi wɨ̀ ben ə Kristo, kɨ̀ we nɨ chəi əməd əbɔʼ ɨfetɨ bə̂d Kristo yeʼe nyɨ, wə̀d jìm bɨrɨ ghɨ wɨ̀ kyerɨ ni tə wɨə ghɨ̀ ɨnû rɨbɔ̀ŋ, əne ɨnû jìm mbe nɨ mbə̀ə ghàə̀ bɨrɨ saʼ əməd.

1 Kɔrèn 14:29

Bə̂d ɨkə̂n mɨbe kɨ̀ mɨtad ghamə. Ə̀bùʼ ə bə̂d ə jeŋgɨ kɔndɨ mbə ɨtu ɨmbə̀ʼ ɨnû mbe nɨ mbɨə ghàə̀.

1 Kɔrèn 3:5

Àpolòs kɨə we? Pɔ̂l bə̀ ə we? Tɨ̀ yɨə àmei bə̂d ə̀fàʼì mbe nɨ mbə̀ nyaʼa che ənjìm mɨ̀mə̌d ben ə Yeso Kristo. Wə̀d mɔʼ mɔʼ rəbɔʼ na wɨə fàʼ ə̀fàʼì ze nɨ Ə̀nùŋɨ̀sɨg nyaʼa naʼ ɨ bɔ.

1 Kɔrèn 7:7

Mə kə̀b ni wə̀d jìm yeʼ ɨghabɨ ə mɔ̌. Àyɨə wə̀d mɔʼ mɔʼ ə berɨ i ɨneʼe nɨ Ŋwìə̀ naʼi. Wə̀d mɔʼ ə berɨ i ɨkwɨ ɨneʼe, wɨ cherə bə̀ berɨ wi.

2 Kɔrèn 8:12

ɨmbə̀ʼ ɨghəm nɨ wə̀d mɨ berɨ fîŋ chɔ̀m nɨ wèèrɨ̀, Ŋwìə̀ bɨrɨ nɨŋ əghɨ ze nɨ wɨ̀ naʼa ɨchî nɨ wɨ̀ berɨ ɨghɨ, kaʼi ɨchî nɨ chəi wɨ̀ berɨ ɨghɨ.

Efesùs 3:5

Chəi Ŋwìə̀ nyaʼa ghɨ ni tɨ̀ghə̀m rɨ bə̂d te nɨ nyaʼa fə che kyerɨ ənû zɔ̂ ɨchî nɨ wɨ̀ fə che ənjìm Əzwî tɨ̀nîn chwi əmbɨ mbi bə̂d tom zeŋɨ bə̀ chwi əmbɨ mbi bə̂d ɨ̀kə̀n.

Efesùs 4:11

À yɨə məd nyaʼa naʼ mɨneʼe əmbɨ ə bə̂d; wɨ̀ nyaʼa ghɨ̀ mbɨ mɔʼɔ ənɨ ə bə̂d tom, ghɨ̀ mbɨ mɔʼɔ ənɨ ə bə̂d ɨ̀kə̀n, ghɨ̀ mbɨ mɔʼɔ ənɨ ə bə̂d mbe nɨə jàŋ ɨkə̂n chɔ̀m, ghɨ̀ mbɨ mɔʼɔ ənɨ ə bə̂d nɨə nəŋgɨə bə̀ chwi ɨnû əmbɨ ə bə̂d Ŋwiə̀.

Fìlipì 3:15

Mba mɨjìm mbe nɨ yeʼ bə̂d Kristo nɨ fə kaanɨ berɨ nuŋ ta rɨkɔndɨ ənɨ wɨ mɔʼ ɨmbə̀ʼ ɨnû mbɔ̂. Àyɨə mbə mɨ berɨ tɨkɔndɨ cherə, Ŋwìə̀ bɨrɨ ghɨ ni zɨə zeŋ ɨ nən.

1 Tèsàlonikà 5:20

Tɨ mbə̀ təənɨ ə mɨkə̂n mbe nɨ bə̂d ə ghàə̀,

2 Pità 1:20

Ənû rɨtu nɨ mbə̀ berɨ nɨ kyerɨ yɨ ni chəi wə̀d mɔʼɔ nɨ tɨ̀ wɨ̀ tòʼrɨ̀ ənû ze nɨ bə̂d ɨ̀kə̀n Ŋwiə̀ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ənɨ i ɨghəm,