Rm 10:9 - Meta’

⁹ À mɨ ghà ənɨ e ɨchû ni Yeso yɨ Ə̀nùŋɨ̀sɨg bə̀ ben ɨŋga e fîŋ ni Ŋwìə̀ nyaʼa zwemnɨ əməd, à bɨrɨ jwɨ rəŋgəʼ.

Ikan feg

⁹ Àmə yaʼ ane àghò fìʼì ìwe ichug ghà gha, Yeso ya Anɔŋisəg bə̀ bḛ inga ìze fìŋ gha Ŋwiye ya zwemni aməd ane iwu, àghò biri pum.

Rm 10:9 Marejeleo ya Msalaba

Lk 12:8

“Mə ghà ɨ nən ni, wə̀d jìm we nɨ ben ɨfě bə̂d ni tə kyerɨ əmɨ, Wan Wə̀d bɨrɨ bɨ ben ɨfě mbɨ̀aŋgɨrə̀ Ŋwiə̀ ni tə kyerɨ əməd.

Jn 9:22

Mbǎʼ mbɨ ɨŋgɔb mbaŋə̀ ze nyaʼa ghà əne ɨmbə̀ʼ ɨghəm nɨ mbɨ nyaʼə bɔə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû, ɨmbə̀ʼ ɨghəm nɨ mbɨ nyaʼa fə nùŋ ni mbə bɨrɨ fid wə̀d mɔʼɔ we nɨ ben ni Yeso yɨə Wə̀d we nɨ Ŋwìə̀ zɔʼɔ rɨŋga nəb ə̀kàtɨ̀.

Ɨ̀fàʼì 16:31

Mbɨ nyaʼa wììrɨ̀ ni, “Nuŋ e fîŋ ɨgun ə Ə̀nùŋɨ̀sɨg Yeso, əne à bɨrɨ jwɨ rəŋgəʼ, əne yɨ àwɔ̀ mbɨ ə bə̂d mɨjìm mbe nɨ yeʼ ɨŋga e nəb.”

Ɨ̀fàʼì 2:24

Àyɨə Ŋwìə̀ nyaʼa zwemnɨ əməd ɨchî nɨ wɨ̀ nyaʼa ghɨ ni tɨ ɨvɨ berɨ i ɨka ɨgwɨ məd, ɨmbə̀ʼ ɨghəm nɨ chəi ɨvɨ nyaʼa berɨ ɨka nɨ yim əməd.

Ɨ̀fàʼì 2:32

Ŋwìə̀ nyaʼa zwemnɨ ə Yeso wɔ̂. Mba mɨjìm yɨ mɨ̀zərɨmbin ənɨ ənû rəŋgu.

Ɨ̀fàʼì 8:36

Ənɨ mbɨ nyaʼə yènə̀ wò ɨgwɨ ɨnə̂njɨ̀ we, mbɨ nyaʼa pè əsɨ nɨ ətuŋ ə nyaʼa əŋgu, əne wə̀d kyeŋ we nyaʼa ghà ni, “Zə, à yɨ mɨnib mbɔ̂! À kɨə ye nɨ tɨ̀ zɨə kən ni tɨ mə̀ nɨŋ əmɨ mɨnib ə?” [

Rm 10:10

À yɨ ɨmbə̀ʼ ɨchî nɨ wə̀d benɨ nɨ ghɨ̀ ni wɨ̀ təm kùʼnɨ̀. À yɨə bə̀ ɨmbə̀ʼ ɨchî nɨ wə̀d ə ghàm ənɨ i ɨchû nɨ ghɨ̀ ni wɨ̀ jwɨ rəŋgəʼ.

Rm 14:11

Ə zɨ ɨŋga Ə̀ŋwàʼnɨ̀ ə Ŋwiə̀ ni, Ə̀nùŋɨ̀sɨg ə ghà ni, 'Ɨchî nɨ mə̀ yeʼ ɨkǎ, wə̀d jìm bɨrɨ chindɨ ɨtu ɨnywɨ ənɨ mɨ ɨfě, wə̀d jìm bɨrɨ ghà ənɨ i ɨchû ni mɔ̌ yɨə Ŋwiə̀.'

Rm 14:9

Kristo nyaʼa kwɨ bə̀ wɨrɨ zwemə ɨmbə̀ʼ wɨ̀ yeʼ Ə̀nùŋɨ̀sɨg ɨgwɨ ɨvɨ bə̂d bə̀ fɔrɨ ɨgwɨ ə bə̂d mbe nɨ yeʼ ɨkǎ.

Rm 4:24

Mbɨ nyaʼa bə̀ ŋwàʼnɨ̀ ɨmbə̀ʼ a ɨghəm. Ŋwìə̀ bɨrɨ ben ni tɨ̀ fə təm kùʼnɨ̀ ənjìm ɨchî nɨ tɨ̀ ben əməd we nɨ nyaʼa zwemnɨ ə Yeso a Ə̀nùŋɨ̀sɨg.

Rm 8:34

À kɨə we nɨ bɨrɨ gha ni mbɨ fə gù ɨsaʼi ə? À wa kɨə Kristo Yeso nɨ nyaʼa kwɨ, ee, nɨ Ŋwìə̀ nyaʼa zwemnɨ, nɨ chub əbà əbɔ ə jɨgɨ ə Ŋwiə̀, kɔ̀ŋgɨ̀ əməd ɨgwɨ mba ɨtu ə?

1 Kɔrèn 12:3

Əne tɨ̀nîn mə kə̀b ni mbə̀ kyerɨ ni chəi wə̀d mɔʼɔ we nɨə ghà ɨŋgam nɨ Əzwî ə Ŋwiə̀ ə naʼ ɨ bɔ we tɨ̀ wɨ̀ ghà ni, “Ndɔ̀n nyɨ ɨgwɨ ə Yeso.” Mə bə̀ kə̀b ni mbə̀ kyerɨ ni chəi wə̀d mɔʼɔ we tɨ̀ wɨ̀ ghà ni, “Yeso yɨ Ə̀nùŋɨ̀sɨg,” nɨ kaʼi Əzwî ə Zeŋɨ ə ghɨ ni wɨ̀ gha əne.

Fìlipì 2:11

Wə̀d jìm bɨrɨ ben əsaŋ əsaŋ ni Yeso Kristo yɨ Ə̀nùŋɨ̀sɨg, ɨmbə̀ʼ bə̂d mɨ̀jìm wumnɨ ə Ŋwìə̀ Mbǎʼ.

1 Pità 1:21

Mbə̀ fə chè ənjìm məd ben ə Ŋwiə̀ nɨ nyaʼa zwemnɨ əməd bə̀ naʼ ɨwumnɨ ɨ bɔ. À yɨ əton nɨ mbə berɨ nuŋ tə fîŋ bə̀ nùŋ tə rɨkɔndɨ àmei ɨgun ə Ŋwiə̀.

1 Jɔn 4:15

Wə̀d we nɨ ben ni Yeso yɨə Wan Ŋwìə̀ wɨ ənɨ ənû ə mɔʼ mbɨ ə Ŋwìə̀. Ŋwìə̀ wɨə bə̀ ənɨ ənû ə mɔʼ mbɨ məd.

2 Jɔn 1:7

Mətambɨ-bə̂d mɨ̀nɔnɔʼ fə jàŋ ɨŋga ɨsɨg. Chəi mbɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù. Ɨkwɨ wə̀d ɨghabɨ wɔ̂ yɨ ətambɨ-bə̂d fɔrɨ wə̀d pə̀n Kristo.