Rm 1:28 - Meta’

²⁸ Ɨchî nɨ chəi mbɨ nyaʼa zə ni zɨə kùʼ nɨ kyerɨ ə Ŋwiə̀, Ŋwìə̀ nyaʼa ghɨ̀ ni mbɨ berɨ tɨkɔndɨ rɨbɔ̀ŋ, ɨmbə̀ʼ sɨə ghɨ̀ ɨnû mbe nɨ chəi mbɨ nyaʼa berɨ nɨ ghɨ̀.

Ikan feg

²⁸ Icheg ne chəyi mbɔb ya kɔndi gha ze bɔ̀ŋ ni kyeri Ŋwiye, Ŋwiye ya sàŋì awɔb gha mbe bere tikɔndi tibɔ̀ŋ imbə̀ʼ se ghìyə̀ inug ne chəyi mbɔb beri ni ghì.

Rm 1:28 Marejeleo ya Msalaba

Ɨ̀fàʼì 17:23

ɨmbə̀ʼ ɨghəm nɨ ənɨ mə nyaʼə chè ɨŋga əsɨ zɔ̂ ɨ nən, mə wɨə nyaʼə yènə̀ nèŋ ɨghɨ mbe nɨ mbə̀ə wumnɨə. Əne mə nyaʼa zə ɨkwi ɨjə̀ŋ ə̀fààrɨ̀ mɔʼɔ nɨ mbɨ ŋwaʼnɨ ɨgun ni, 'Əmbɨ ŋwìə̀ we nɨ chəi tɨ̀ kyerɨ.' Əne Ŋwiə̀ we nɨ mbə̀ə wumnɨə nɨ chəi mbə̀ kyerɨ, yɨ wɨwən we nɨ mə̀ yeʼe ɨ gha ɨnû ɨmbə̀ʼ əməd ɨ nən.

Ɨ̀fàʼì 17:32

Ənɨ mbɨ nyaʼa zu ənɨ Pɔ̂l nyaʼa gha ɨmbə̀ʼ ənû nɨ zwemə, mbɨ mɔʼɔ nyaʼa baʼrɨ əməd, àyɨə mbɨ cherə nyaʼa ghà ni, “Tɨ̀ bɨrɨ wɨrɨ zu ənû zɔ̂ ɨghəm cherə.”

Rm 1:18

Ŋwìə̀ we nɨ yeʼ ɨkaŋ wɨə chwi ni tə wɨə sə ɨtəm əbɔʼ ə bə̂d mbe nɨ chəi mbɨə wumnɨ əməd. Ɨ wɨə bə̀ sə əbɔʼ mbe nɨə ghɨ̀ ɨzɨg, ɨmbə̀ʼ ɨghəm nɨ ɨzɨg mɨ̀mə̌d wɨə kənə ni tɨ bə̂d kyerɨ ə rəsìʼ ɨmbə̀ʼ əməd.

Rm 1:21

Ka à bè yeʼi ni mbɨ nyaʼa kyerɨ ə Ŋwiə̀, àyɨə chəi mbɨ nyaʼa nàʼ ɨwumnɨ we ɨ bɔ ni məd yɨə Ŋwiə̀, kɨ̀ bè nàʼ məben-əwe ɨ bɔ. Ɨ mbɨə nyaʼə kɔndɨ yeʼ ɨnû əko. Əne ɨchî nɨ tɨkɔndɨ tɨ mɨ̀mə̌d nyaʼa tɨ əko, chəi mbɨ nyaʼə wɨrɨə kɔndɨ ənû ə chɔ̀m ə mɔʼɔ.

Rm 1:24

Ɨchî nɨ mbɨ nyaʼa ghɨ əne, Ŋwìə̀ nyaʼa nàʼ mɨ̀mə̌d əmbɨ tɨfeenɨ te nɨ nyaʼa ɨŋga fîŋ tɨ mɨ̀mə̌d, nɨ nyaʼə tɨfeenɨ nɨ ghɨ ɨnyɔɔnɨ-ɨnû, tɨfeenɨ nɨ ghɨ ɨfabrɨ-ɨnû mbɨ tɨfeenɨ nɨ ghɨ ɨnû mbe nɨə bèènɨ̀ ɨnyod mɨ̀mə̌d.

Rm 1:26

À yɨ əton nɨ Ŋwiə̀ nyaʼa nàʼ mɨ̀mə̌d əmbɨ rɨfeenɨ te nɨə bèènɨ̀ ɨnyod mɨ̀mə̌d. Məyi mɨ̀mə̌d nyaʼa sàŋ mbaŋə̀ sɨə niə məyi cherə.

1 Kɔrèn 15:34

Mbə̀ wɨrɨ kɔndɨ mbə ɨtu kwàʼ ɨchî chɔ̀m. Tɨ mbə̀ wɨrɨ ghɨ ə ɨnû rɨbɔ̀ŋ. Chəi bə̂d mɔʼɔ rəbɔʼ nən kyerɨ ə Ŋwiə̀. Mə wɨə ghà ənû zɔ̂ ɨmbə̀ʼ naʼ tɨ̀nìd ɨtu ɨ nən.

2 Kɔrèn 10:5

Tɨ̀ wɨə nɨŋ ɨghɨ bid mbe nimnɨ ɨnû mɔʼɔ mbe nɨ bə̂d ə tàŋ ɨmbə̀ʼ mbɨwən. Tɨ̀ wɨə bə̀ nɨŋə nimnɨ ɨnû jìm mɔʼɔ mbe nɨ mbɨ nɔ nɨ kən ni tɨ bə̂d kyerɨ ə Ŋwiə̀. Tɨ̀ wɨə nɨŋ ɨghɨ bid mbe baŋə tɨkɔndɨ rɨjìm, sɨ ghɨ̀ ni tɨ zuunɨ ə Kristo.

Efesùs 5:4

Zɨ rɨka kuʼi ni mbə̀ gham əbɔb ɨŋgam, gham mɨŋgam əneŋ kɨ̀ bè gham mɨŋgam ə̀bènɨ̀, àyɨə mbə naʼ məben-əwe əmbɨ ə Ŋwiə̀ ɨmbə̀ʼ ɨnû mbe nɨ wɨ̀ ghɨ ənɨ ə nən.

2 Tès 1:8

Wɨ̀ bɨrɨ swiʼi mbɨ ɨwid nɨə berɨə, pè zɨ̀ ŋgəʼ ɨgun ə bə̂d mbe nɨ chəi mbɨ kyerɨ ə Ŋwiə̀, zɨ̀ ɨgun mbe nɨ ton nɨ wumnɨ əməd bə̀ zɨ̀ ɨgun mbe nɨ chəi mbɨə ghɨ̀ ɨnû mbe nɨ yeʼ ɨŋga ɨkə̂n chɔ̀m a Ə̀nùŋɨ̀sɨg Yeso.

2 Timotì 3:8

Ɨchî nɨ Janès mbɨ Jambrès nyaʼa ton ənû ze nɨ Mose nyaʼə ghàə̀, əne bə̂d mbɔ̂ mbɨə bə̀ tonə rəsìʼ. Chəi ɨwe mɨ̀mə̌d ə wɨrɨə fàʼə̀. Ka ɨbenɨ mɨ̀mə̌d yɨ i wɨ rəsìʼ.

Tayitùs 1:16

Ɨ mbɨə ghàə̀ ni mbə kyerɨ ə Ŋwiə̀, àyɨə ənû mbe nɨ mbɨə ghɨ̀ə̀ mbɨə chwiə ni ɨ mbɨə ton əməd. Chəi bə̂d ghaʼ mɨ̀mə̌d. Chəi mbɨə zuunɨ ə Ŋwiə̀. Mbɨ rɨka kaŋ kuʼ əwən nɨ ghɨ ənû ə chɔ̀m ə mɔʼɔ.

Filemɔ̀n 1:8

Mə we tɨ̀ mə berɨ fîŋ nɨ ka ɨchî nɨ mə̀ yeʼ ənɨ ɨfɔtɨ mbɨ Kristo nɨ gha ɨ ne ni à ghɨ ənû ze nɨ kuʼnɨ,

2 Pità 3:5

Mbɨ kàŋ kyerɨ ə bɔŋ sɨə təənɨ ənû ze ni, à nyaʼa rəŋwe, Ŋwìə̀ nyaʼa tekɨ ɨkaŋ bə̀ tekɨ si àmei ənɨ i ɨŋgam. Wɨ̀ nyaʼa ghàbrɨ̀ si tɨ ənɨ mɨnib, əne si nyaʼa jwɨ̀ rɨŋga mɨnib.