Filemɔ̀n 1:1 - Meta’

¹ À yɨə mɔ̌ Pɔ̂l, nɨ mə̀ yeʼ wə̀d ndəŋ ɨmbə̀ʼ ə Kristo Yeso mbɨ Timotì nɨ yeʼ wa aŋgɔb, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ ne, àwɔ̀ Filemòn, nɨ yeʼ aŋgɔb nɨə fàʼə̀ mbɨ na. Tɨ̀ ghaʼ əwe kwàʼ rɨŋgəʼ.

Ikan feg

¹ À ya mo Pɔl, ne mə̀ yaʼi wə̀d ndəŋ anjìm Yeso Kristo fɔrɔ ìwa ifi Timotì tì ŋwàʼri àŋwàʼrì azo̰. Tì ŋwàʼrì anìŋ ine àghò Filemɔ̀n, ne yaʼi ìwa ìsə̀ʼ ne tì kɔŋi bə̀ ywìrì yaʼ wə̀d àfàʼì Kristo abɔ̀ʼ ina.

Filemɔ̀n 1:1 Marejeleo ya Msalaba

Ɨ̀fàʼì 16:1

Pɔ̂l mbɨ Sailàs nyaʼa wò pè ə Də̂be fɔrɨ ə Listrà. Mbaŋə̀ mɔʼɔ nɨ nyaʼa ben ə Kristo wɨə nyaʼa əŋgu nɨ ɨkum məd nyaʼə Timotì. Ɨŋgɔb məd yɨə nyaʼə əyi Jû nɨ nyaʼa ben ə Kristo, àyɨə mbǎʼ məd yɨə nyaʼə wə̀d rɨ ə Gris.

1 Kɔrèn 3:9

Tɨ̀ yɨə bə̂d nɨə fàʼ ɨnɔ̂n əmbɨ ə Ŋwiə̀. Mbə yɨə mbeŋ Ŋwìə̀, bə̀ yeʼ nəb nɨ Ŋwìə̀ korɨ.

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

Gàlesìyà 3:26

Mbə̀n mɨjìm yɨə bɔn Ŋwiə̀ ənjìm ɨchî nɨ mbə̀ nuŋ fîŋ ɨgun ə Kristo Yeso.

Efesùs 3:1

À yɨ ɨmbə̀ʼ ənû zɔ̂ nɨ Ŋwìə̀ fɔtɨ bə̂d ənɨ mbɨ mɔʼ nɨ mɔ̌, Pɔ̂l, yeʼ wə̀d ndəŋ ɨmbə̀ʼ mbə̀n mbe nɨ kaʼi mɨ̀Jû. Mə yɨə wə̀d ndəŋ ɨmbə̀ʼ ɨghəm nɨ mə wɨə ghà ɨkə̂n chɔ̀m ɨmbə̀ʼ ə Kristo Yeso.

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

Efesùs 6:20

Mə wɨ ə nəb ndəŋ ɨmbə̀ʼ ɨghəm nɨ mə̀ təm ənɨ ɨkum Yeso Kristo. Mbə̀ kɔŋgɨ ə Ŋwiə̀ ni mə̀ gha ɨkə̂n we mbɨ fîŋ nɨ kǎ, ɨchî nɨ mə̀ kaŋ berɨ nɨ ghàm.

Fìlipì 1:1

À yɨə mɔ̌ Pɔ̂l mbɨ Timotì, nɨ tɨ̀ yeʼ bə̂d ə̀fàʼì Kristo Yeso, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ əmbɨ mbə̀n bə̂d Ŋwiə̀ mɨ̀jìm mbe nɨ yeʼ ə Filipì, nɨ yeʼ ənɨ ɨfɔtɨ mbɨ Kristo. Tɨ̀ wɨə ŋwàʼnɨ̀ əmbɨ mbə̀n mbe nɨ yeʼ ɨtu nɨə chà ɨfetɨ bə̂d Kristo. Tɨ̀ wɨə bə̀ ŋwàʼnɨ̀ əmbɨ mbə̀n mbe nɨə wèèrɨ̀ mɨ̀mə̌d.

Fìlipì 2:25

Mə kàŋ kɔndɨ ni zɨə bɔ̀ŋ ni mə̀ wɨrɨ tom ə Èpàfroditùs əsɨ nən. Məd yɨ wa aŋgɔb. Məd wɨə fàʼə̀ mbɨ num bə̀ ghà ɨkə̂n chɔ̀m mbɨ num ɨghabɨ ə sɔgyɨ̀ chɔ̀m. À yɨə məd nɨ mbə̀ nyaʼa tom ni wɨ̀ yeʼe weerɨ əmɨ.

Fìlipì 4:3

Mə wɨə bə̀ gha ɨ ne, àwɔ̀ nɨə fàʼə̀ mbɨ num ənɨ e fîŋ jìm, ni à weerɨ məyi mbɔ̂ ghɨ̀ mbɨ chub ənɨ əbɔrəbɔd, ɨmbə̀ʼ ɨghəm nɨ mɨ̀mə̌d, Klemèn mbɨ ə bə̂d cherə fə fàʼ rɨkǎ mbɨ num nɨ ghà ɨkə̂n chɔ̀m. Tɨkum tɨ mɨ̀mə̌d tɨ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀.

Kòlosè 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso nɨ Ŋwìə̀ chɔʼɔ, mbɨ Timotì nɨ yeʼ wa aŋgɔb, ŋwaʼnɨ ə̀ŋwàʼnɨ̀ zɔ̂.

Kòlosè 4:11

Yeso we nɨ mbɨə tɔŋ ənɨ Jostùs wɨə bə chàʼrɨ̀ əwən. Mbɔ̂ mei mɨ̀Jû mbe nɨ yeʼ əbɔʼ bə̂d mbe nɨə fàʼə̀ mbɨ num ɨmbə̀ʼ ənû ɨfɔ̀n ə Ŋwiə̀. Mbɨ fə kàŋ kəŋgɨ əmɨ kwàʼ ɨchî chɔ̀m.

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

2 Tès 1:1

À yɨə mɔ̌ Pɔ̂l mbɨ Sailàs fɔrɨ ə Timotì ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ nən mbə̀n bə̂d Kristo mbe nɨ yeʼ ɨŋga ɨfetɨ we rɨ ə Tèsàlonikà, nɨ mbə̀ bə yeʼ bə̂d Ŋwiə̀ a Mbǎʼ fɔrɨ bə̂d Ə̀nùŋɨ̀sɨg Yeso Kristo.

2 Timotì 1:8

Əne tɨ e ətu ə nid i nɨ gha ɨmbə̀ʼ a Ə̀nùŋɨ̀sɨg, kɨ̀ nɨ gha ɨmbə̀ʼ ɨchî nɨ mə̀ yeʼ wə̀d ndəŋ ɨmbə̀ʼ əməd. Àyɨə tekɨ ɨnyod nɨ zə ɨkwɨ ŋgəʼ we nɨ mɨə zə ɨmbə̀ʼ ɨkə̂n chɔ̀m. À bɨrɨ ghɨ əne ənjìm ɨka we nɨ Ŋwìə̀ naʼ ɨ ne.

Filemɔ̀n 1:23

Epafràs, nɨ tɨ̀ yeʼ ə nəb ndəŋ ɨnɔ̂n ɨmbə̀ʼ ɨkum Kristo Yeso, wɨə chàʼrɨ̀ əwe.

Filemɔ̀n 1:24

Mbɨ bɔŋgɔb mbe nɨ mɨə fàʼə̀ mbɨ mɨ̀mə̌d əne yɨə Mak, Àristakùs, Demàs mbɨ Luk bə̀ chàʼrɨ̀ əwe.

Filemɔ̀n 1:9

àyɨə ɨchî nɨ mə ghaʼ əwe, mə kə̀b yeʼ nɨ buʼ ɨbɔ ɨ ne. À yɨə mɔ̌ Pɔ̂l, nɨ mbɨ zɨ əmɨ ə ndəŋ ɨmbə̀ʼ ɨghəm nɨ mə təm ənɨ ɨkum Kristo Yeso,