Mk 9:42 - Meta’

⁴² “Wə̀d mɔʼɔ rəbɔʼ nən mɨ ghɨ̀ ni wan kwa mɔʼɔ rəbɔʼ mbɔ̂ nɨ ben əmɨ ghɨ ənû rɨbɔ̀ŋ, njɨ zɨə bɨrɨ bɔ̀ŋ ni mbɨ tiŋ ɨti ŋgə̀ŋ kyeŋ ədɔʼ ɨ bɔ wò màʼ ɨŋga rɨ̀bàà.

Ikan feg

⁴² Yeso ya chè imbìghè ghà abə mə̀mə̀nənùg məd gha, “Wə̀d mɔ̀ʼɔ mə̀ ghì gha ŋwan kwa mɔ̀ʼɔ abɔ̀ʼ mbo̰ ne bḛ amə wè ghiyə anug tibɔ̀ŋ, nji ze biri bɔ̀ŋ gha mbe tiŋə kwàʼ iteg kyen ibo ane ameg ghò màʼ aməd inga igyi tìbà.

Mk 9:42 Marejeleo ya Msalaba

Matìyò 17:27

Àyɨə ɨmbə̀ʼ tɨ fîŋ bə̂d mbɔ̂ bə i, ndə̀ wò màʼ saʼ ɨŋga ə sà. Ɨgwi rɨtu we nɨ à gywɨ̌, fiʼ ɨchû ɨməd, à bɨrɨ zə ɨkab ətənɨ ɨŋga. Chɨ ɨkab we wò nàʼ əmbɨ mɨ̀mə̌d ənɨ e ɨghəm bə̀ fɔrɨ ənɨ wum.”

Matìyò 18:10

“Mbə̀ zə ni tɨ mbə̀ təənɨ ə wan kwa mɔʼɔ rəbɔʼ mbɔ̂ nɨ ben əmɨ. Mə ghà ɨ nən ni, ɨkaŋ, mbɨ̀aŋgɨrə̀ mɨ̀mə̌d mbɨə zə ɨfě mɨ Mbǎʼ we nɨ yeʼ ɨkaŋ ənɨ mɨ̀nyùmə̀ jìm.

Matìyò 18:6

“Wə̀d mɔʼɔ rəbɔʼ nən mɨ ghɨ̀ ni wan kwa mɔʼɔ rəbɔʼ mbɔ̂ nɨ ben əmɨ ghɨ ənû rɨbɔ̀ŋ, njɨ zɨə bɨrɨ bɔ̀ŋ ni mbɨ tiŋ ɨti ŋgə̀ŋ kyeŋ ədɔʼ ɨ bɔ wò màʼ ɨŋga rɨ̀bàà we nɨ jeŋgɨ sà ɨŋga.

Ɨ̀fàʼì 9:4

Wɨ̀ nyaʼa feŋ ə si, əne zu gɨ̂ nɨ nyaʼa ghà ɨ bɔ ni, “Sɔ̂l! Sɔ̂l! À kɨə nwèndɨ̀ tum rɨkyerɨ-ɨwu ɨmbə̀ʼ ə yè ə?”

Rm 14:13

Tɨ tɨrə̀ bə̀ saʼ a mba bɔŋgɔb, àyɨə tɨ̀ nuŋ ɨŋga ta fîŋ ni chəi tɨ̀ bɨrɨ nuŋ əghɨ nɨ tɨ̀ wə̀d tɨgrɨ ɨgun, kɨ̀ əghɨ nɨ tɨ̀ zɨə kən ɨnə̂njɨ̀ əmbɨ wa aŋgɔb.

Rm 15:21

Àyɨə ə zɨ ɨŋga Ə̀ŋwàʼnɨ̀ ə Ŋwiə̀ ni, “Bə̂d mbe nɨ chəi mbɨ kweʼ gha ɨmbə̀ʼ əməd əmbɨ mɨ̀mə̌d bɨrɨ zə əməd, mbe nɨ chəi mbɨ kweʼ zu ɨmbə̀ʼ əməd bɨrɨ zu, ɨtu mɨ̀mə̌d zeŋ.”

Rm 16:17

Mbɨ bɔŋgɔb, mə wɨə buʼ ɨbɔ ɨ nən ni mbə̀ we əwən mbɨ ə bə̂d mbe nɨə ghɨ̀ ni bə̂d Kristo ghabrə mbɨ ni mbɨ feb ɨnə̂njɨ̀. Ɨ mbɨə ghɨ̀ əne ɨchî nɨ mbɨə ton ɨnû mbe nɨ mbə̀ nyaʼa fə be kwembɨ. Tɨ mbə̀ tiinɨ ə ɨban mɨ̀mə̌d,

2 Kɔrèn 6:3

Chəi tɨə kən ɨnə̂njɨ̀ əmbɨ wə̀d mɔʼɔ, ɨmbə̀ʼ tɨ mbɨ gha ə ənû rɨbɔ̀ŋ ɨmbə̀ʼ ə̀fàʼì ze nɨ tɨə fàʼə̀.

Fìlipì 1:10

ɨmbə̀ʼ mbə̀ chɔʼ əze nɨ jeŋgɨ bɔ̀ŋ. Mbə mɨ ghɨ̀ əne, mbə bɨrɨ chub ɨzeŋɨ zeŋɨ fɔrɨ ni chəi bə̂d bɨrɨ gha ɨnû rɨbɔ̀ŋ ɨmbə̀ʼ əwən əni ze nɨ Kristo bɨrɨ wɨrɨ yeʼe.

1 Timotì 5:14

Əne mə wɨə kəərɨə mɨku əyi mbe nɨ chəi mbɨ kɨrɨ nunə ni mbɨ wɨrɨ nam, gywɨ bɔn, nəŋgɨ bə̂d mbe nɨ yeʼ ɨŋga nəb tɨ mɨ̀mə̌d, ɨmbə̀ʼ tɨ bə̂d pə̀n berɨ ə əpan nɨ gha ɨnû rɨbɔ̀ŋ ɨgwɨ na,

2 Pità 2:2

Bə̂d mɨ̀nɔnɔʼ bɨrɨ kɨrɨ beenɨ əbɔʼ ɨnyamnɨ-ɨnû məchwiə̀-ɨnû mɨ̀ghab mbe. À yɨ ɨmbə̀ʼ ɨnû mbe nɨ mbɨə ghɨ̀ə̀ nɨ bə̂d bɨrɨ gha ɨnû rɨbɔ̀ŋ ɨmbə̀ʼ ɨchî rəsìʼ we nɨ bə̂d berɨ chubɨ.