Mk 8:11 - Meta’

¹¹ Mɨ̀Farisiî mɔʼɔ nyaʼa wò kɔ tàŋɨ mbɨ Yeso. Mbɨ nyaʼə kə̀b nɨ kwàʼnɨ̀ əməd, əne mbɨ nyaʼa ghà ɨ bɔ ni wɨ̀ ghɨ ənû ə yiirɨ nɨ chwi ni à yɨə Ŋwìə̀ naʼ ɨka ɨ bɔ.

Ikan feg

¹¹ Anyumə̀ ne Yeso tì ìmbi mə̀mə̀nənùg ya yaʼi a Dàlmànutà, mə̀Farìsi mɔ̀ʼɔ ya ghò ko tàŋ inug tì məd. Mbi yaya kə̀bə̀ ni kwàʼrì aməd. Ane, mbi ya ghà ibo gha wì ghiyə ayeti anug ni chwi gha à ya Ŋwiye nàʼ ika ibo.

Mk 8:11 Marejeleo ya Msalaba

Matìyò 12:38

Məchwiə̀ rɨ̀kə̌ mɔʼɔ mbɨ mɨ̀Farisiî mɔʼɔ nyaʼa ghà əmbɨ Yeso ni, “Əchwiə̀-ɨnû, tɨ̀ kə̀b ni à ghɨ ənû ə yiirɨ tɨ̀ zə.”

Matìyò 19:3

Mɨ̀Farisiî mɔʼɔ nyaʼa wò əsɨ məd ɨmbə̀ʼ kwaʼnɨ əməd. Əne mbɨ nyaʼa biirɨ ɨ bɔ ni, “Tɨkə ə wa chwiə ni mbaŋə̀ saanɨ ɨnamɨ mbɨ i ɨwi ɨmbə̀ʼ ənû ə mɔʼɔ ze nɨ wɨ̀ ghɨ̀ ə?”

Matìyò 21:23

Ənɨ Yeso nyaʼa nyɨ ɨŋga mbàn Ŋwìə̀, bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa wò əsɨ məd ənɨ wɨ̀ nyaʼə chwiə ɨnû, pè biirɨ ɨ bɔ ni, “À kɨə we naʼ ɨka ɨ ni à ghɨ ɨnû mbɔ̂ ə? À kɨə we naʼ ɨka wɔ̂ ɨ ne ə?”

Matìyò 22:15

Mɨ̀Farisiî nyaʼa jwɨ̀ wò taŋ ɨchî nɨ mbɨ bɨrɨ zɨ ətam ɨ bɔ ənɨ ɨŋgam məd.

Matìyò 22:18

Yeso nyaʼa kyerɨ mɨnaŋ mbe nɨ mbɨ nyaʼa taŋɨ, əne wɨ̀ nyaʼa ghà ni, “Mbə yɨ ɨbekɨ bə̂d! Mbə̀ kɨə kə̀b kwaʼnɨ əmɨ ɨmbə̀ʼ ə yè ə?

Matìyò 22:23

Àmei əni ze, mɨ̀Sadusiî, nɨ nyaʼə ghàə̀ ni chəi bə̂d bɨrɨ zwemə, nyaʼa wò əsɨ Yeso pè biirɨ ɨ bɔ ni,

Mk 12:15

Tɨ̀ maʼa kɨ̀ tɨ rɨ̀ maʼ əwa ə?” Yeso nyaʼa kyerɨ ɨbekɨ ɨnû mɨ̀mə̌d, əne wɨ̀ nyaʼa ghà əmbɨ mɨ̀mə̌d ni, “Mbə̀ kɨə kəb kwaʼnɨ əmɨ ɨmbə̀ʼ ə yè ə? Mbə̀ yeʼe mbɨ ɨkab ətənɨ mɔʼɔ mə zə.”

Mk 2:16

Məchwiə̀ rɨ̀kə̌ mɔʼɔ nɨ nyaʼə bə mɨ̀Farisiî nyaʼa zə ənɨ Yeso nyaʼə jɨgə mbɨ ə bə̂d nɨə ghɨ̀ ɨnû rɨbɔ̀ŋ bə̀ jɨgə mbɨ məfetɨ mɨ̀tagsɨ̀, əne mbɨ nyaʼa biirɨ əmbɨ mə̀mə̀ə̀nɨ̀-ɨnû ɨməd ni, “Əton nɨ Yeso ə jɨgə mbɨ məfetɨ mɨ̀tagsɨ̀ fɔrɨ mbɨ ə bə̂d nɨə ghɨ̀ ɨnû rɨbɔ̀ŋ kɨ ɨmbə̀ʼ ə yè ə?”

Mk 9:16

Wɨ̀ nyaʼa biirɨ əmbɨ mə̀mə̀ə̀nɨ̀-ɨnû mbe ni, “Mbə kɨə tàŋə̀ mbɨ ə bə̂d mbɔ̂ ɨmbə̀ʼ ə yè ə?”

Lk 10:25

À nyaʼa əni ə mɔʼɔ, əchwiə̀ rɨ̀kə̌ mɔʼɔ nyaʼa wò əsɨ Yeso ɨmbə̀ʼ kwaʼnɨ əməd. Əne wɨ̀ nyaʼa biirɨ ɨ bɔ ni, “Əchwiə̀-ɨnû, mə kɨə wo ghɨ yè bɔŋ jɨg ɨ̀tènɨ̀ rɨ mì ə?”

Lk 11:16

Mbɨ mɔʼɔ nyaʼa kəb ni njɨ mbə kwàʼnɨ̀ əməd, əne mbɨ nyaʼa ghà ni wɨ̀ ghɨ ənû ə yiirɨ nɨ chwi ni à yɨə Ŋwìə̀ naʼ ɨka ɨ bɔ.

Jn 4:48

Yeso nyaʼa gha ɨ bɔ ni, “Chəi wə̀d mɔʼɔ rəbɔʼ nən bɨrɨ nɔ benɨ, kɨrɨ ənɨ mbə̀ zə ɨnweenɨ-ɨnû fɔrɨ ɨnû yiirɨ.”

Jn 6:30

Ənɨ wɨ̀ nyaʼa gha əne, mbɨ nyaʼa biirɨ ɨ bɔ ni, “À kɨ ənû ə yiirɨ zi nɨ tɨ̀ à ghɨ̀ ɨmbə̀ʼ tɨ̀ zə ben ənû ze nɨ àwɔ̀ ə ghà ə? À kɨ ənû zi nɨ à bɨrɨ ghɨ̀ ə?

Jn 7:48

Wə̀d mɔʼɔ rəbɔʼ mbe nɨə tekɨ ɨnû ɨŋga əbeŋ kɨ̀ wɨ mɔʼɔ rəbɔʼ mɨ̀Farisiî wa fə ben əməd ə?

Jn 8:6

Mbɨ nyaʼa ghà ənû zɔ̂ ɨ kwaʼnɨ əməd ɨmbə̀ʼ mbɨ berɨ ənû mɔʼɔ nɨ zɨ ɨgwɨ məd. Ənɨ mbɨ nyaʼa biirɨ əne, Yeso nyaʼa gundɨ ŋwàʼnɨ̀ əghɨ ə mɔʼɔ ə si ənɨ fi fi-əbɔ.

Ɨ̀fàʼì 5:9

Pità nyaʼa ghà ɨ bɔ ni, “À kɨə ye ə ghɨ ni mbə̀ fɔtɨ ben ni mbə̀ kwaʼnɨ Əzwî Ə̀nùŋɨ̀sɨg ə? Zə, bə̂d mbe nɨ tweŋ e nom mbɨ ɨchû nəb tɨ̀nîn. Mbɨ bɨrɨ bɨ beʼ əwe wò ɨsɨg.

1 Kɔrèn 10:9

Tɨ rɨ̀ kwaʼnɨ a Ə̀nùŋɨ̀sɨg ɨchî nɨ mɨ̀mə̌d mɔʼɔ nyaʼa kwaʼnɨ, əne jɔ rɨ nyaʼa zwiirɨ mɨ̀mə̌d.