Mk 6:48 - Meta’

⁴⁸ Wɨ̀ nyaʼa zə ni mə̀mə̀ə̀nɨ̀-ɨnû mbe mbɨə nyaʼə zəə ŋgəʼ bɔŋ tin əbaŋ ze ɨmbə̀ʼ ɨghəm nɨ əfim ə zɨə nyaʼə yeʼe əbà rɨ ɨfě. À sɨ ənjɨtuʼ, wɨ̀ nyaʼa yèn ɨgun ə sà ze wò əsɨ mɨ̀mə̌d. Wɨ̀ nyaʼa kɔndɨ ni tə bɨrɨ chè i ɨban mɨ̀mə̌d.

Ikan feg

⁴⁸ Wì ya bàd icheg ne mə̀mə̀nənùg məd yaya zə̰ ngəʼ imbə̀ʼ icheg ne afim ti àwàwà yaya nàʼà ngəʼ inɔb. Ane mə̀nyùmə̀ mətad izimi, wì ya yèn igun igyi ghò kɔ̀ti awɔb. Wì yaya se chè yi iban inɔb.

Mk 6:48 Marejeleo ya Msalaba

Matìyò 14:24

àyɨə əbaŋ ze ə nyaʼa fə wò əgha ə se ɨŋga ɨgyɨ̀. Əfim nɨ nyaʼə yeʼe əba ɨfě nyaʼə tinə mɨnib mbɨ nun əbaŋ ze.

Matìyò 24:43

Àyɨə mbə̀ kyerɨ ni wə̀d nəb mɨ kə̀ʼ kyerɨ nyùmə̀ we nɨ ɨjɨ ə wo yeʼe ɨzimɨ, njɨ wɨ̀ bɨrɨ chub ɨkyèʼe ɨ nəŋgɨ i nəb ɨmbə̀ʼ tɨ ɨjɨ we toʼ i nəb ze.

Mk 13:35

Əne mbə̀ chub ɨkyèʼe ɨmbə̀ʼ ɨghəm nɨ chəi mbə̀ kyerɨ nyùmə̀ we nɨ wə̀d nəb bɨrɨ yeʼe. Ɨ we tɨ̀ wɨ̀ yeʼe ɨkwirɨ kwirɨ, kɨ̀ ɨzimɨ ka, kɨ̀ ənɨ ənoŋgub ə tɔŋə, kɨ̀ ɨsɔsɔ.

Mk 6:47

À nyaʼa sɨ ɨkwirɨ kwirɨ, əbaŋ ze ə zɨə nyaʼa kɨrɨ i ɨŋga mɨgharə̀ ə sà ze. Yeso nyaʼa i əsaŋ tə̀zìʼ wi.

Mk 6:49

Àyɨə ənɨ mbɨ nyaʼa zə əməd ənɨ wɨ̀ nyaʼə yèn ɨgun ə sà ze, mbɨ nyaʼa kɔndɨ ni à yɨə wə̀d əfub. Mbɨ nyaʼa zə əne kyeŋ rɨ̀kǎ

Lk 12:38

Ŋwìə̀ zɨ əbɔrəbɔd ɨgun ə bə̂d ə̀fàʼì mbe nɨ chub ɨkyèʼe ənɨ ə nyùmə̀ we nɨ mbǎʼ ə̀fàʼì mɨ̀mə̌d yeʼe. Kɨ̀ wɨ̀ yeʼe ɨzimɨ ka kɨ ənɨ ɨzimɨ fə ka chè.

Lk 24:28

Ənɨ mbɨ nyaʼa sɨ ɨban əsɨ ze nɨ mbɨ nyaʼə wò əŋgu, wɨ̀ nyaʼa ghɨ̀ ɨghabɨ ni ɨ wɨə chèə̀ wò ɨmbì.

Jn 1:13

Chəi mbɨ nyaʼa yeʼ bɔn Ŋwiə̀ ɨchî nɨ wə̀d mɨ̀sɔŋɨchù nyaʼa gywɨ mɨ̀mə̌d, kɨ̀ ɨchî nɨ wə̀d mɨ̀sɔŋɨchù nyaʼa taŋ nùŋɨ̀, kɨ̀ ɨchî nɨ wə̀d mɨ̀sɔŋɨchù nyaʼa kəbɨ. Àyɨə Ŋwìə̀ ziə nyaʼa ghɨ̀ ni mbɨ yeʼ mbi bɔn.