Mk 2:13 - Meta’

¹³ Yeso nyaʼa wɨrɨ bə̀ndɨ̀ wò ɨban ə sà ze rɨ ə Galiliî. Ɨnɔ̂n bə̂d nyaʼa wò kad əməd, əne wɨ̀ nyaʼa chwi ɨnû əmbɨ mɨ̀mə̌d.

Ikan feg

¹³ Yeso ya ywìrì bə̀ndì ghò iban atəŋ ze a Galìli. Inɔ̰ bəd ya ghò abɔ̀ʼ məd. Ane, wì ya ko se chwìte inug inɔb.

Mk 2:13 Marejeleo ya Msalaba

Matìyò 13:1

Àmei əni ze, Yeso nyaʼa jwɨ̀ rɨ ə nəb, wò chub ɨban ə sà.

Matìyò 9:9

Yeso nyaʼa nɔ̀ʼ rɨ əsɨ ze. Ənɨ wɨ̀ nyaʼə yènə̀ wòə̀, wɨ̀ nyaʼa zə mbaŋə̀ mɔʼɔ nɨ mbɨ nyaʼə tɔŋ ənɨ Matiù. Wɨ̀ nyaʼa i ɨŋga nəb nɨ mbɨə fetɨ mɨ̀tagsɨ̀. Yeso nyaʼa ghà ɨ bɔ ni, “Beenɨ əbɔʼ num.” Matiù nyaʼa nɔ̀ʼ beenɨ əbɔʼ məd.

Mk 1:45

Àyɨə mbaŋə̀ ze nyaʼa jwɨ̀ kɔ yènə̀ saʼ ənû ze ɨsɨ jìm. Əze ə nyaʼa ghɨ̀ ni tɨ Yeso wɨrɨ nyɨ i ɨŋga əsɨ ə cherə əsaŋ əsaŋ. Wɨ̀ nyaʼa sɨ wò chubɨ yeʼ ɨban əsɨ ze. Bə̂d mbɨə nyaʼə nɔ̀ʼ rɨ ɨsɨ mbe jìm wò kɔɔrɨ ə məd əŋgu.

Mk 10:1

Yeso nyaʼa nɔ̀ʼ rɨ əsɨ ze wò əbà əbeŋ ze rɨ ə Jùdeyà bə̀ fɔrɨ ɨnjin ɨgyɨ̂ Jodàn. Mɨnɔ̂n bə̂d nyaʼa yì wò fetɨ ɨban ɨməd. Əne wɨ̀ nyaʼa kɔ chwi ɨnû əmbɨ mɨ̀mə̌d ɨchî nɨ wɨ̀ nyaʼə mɨ̀ə̀ ghɨ̀ə̀.

Mk 2:2

Bə̂d mɨ̀nɔnɔʼ nyaʼa wò fetɨ ɨŋga nəb ze nɨ wɨ̀ nyaʼə chubə, əne nəb ze nyaʼa swi nɨ chə nyaʼa wɨrɨ i əpan ɨŋga nəb kɨ̀ ɨfě nəb nɨ tɨ̀ bə̂d nyaʼa təmbɨ əŋgu. Yeso nyaʼa zə əne kɔ gha ɨŋgam Ŋwiə̀ əmbɨ mɨ̀mə̌d.

Mk 4:1

Yeso nyaʼa yì kɔ chwi ɨnû ɨban ə sà ze rɨ ə Galiliî. Ɨnɔ̂n bə̂d nɨ nyaʼa kwàʼ wɨ kyeŋ nyaʼa wò fetɨ kad əməd. Əze ə nyaʼa ghɨ̀ ni wɨ̀ nyɨ chub ɨŋga əbaŋ ɨgyɨ̀ ɨgun ə sà ze. Ɨnɔ̂n bə̂d we jìm nyaʼa sɨ chub əŋgo ə sà ze.

Lk 19:48

àyɨə chəi mbɨ nyaʼa zə ɨnə̂njɨ̀ nɨ zwiirɨ əməd ɨmbə̀ʼ ɨghəm nɨ bə̂d mɨjìm mbɨə nyaʼə kə̀b zu ɨnû jìm mbe nɨ wɨ̀ nyaʼə ghàə̀.

Lk 21:38

À sɨ ɨsɔsɔ, bə̂d mɨ̀jìm mbɨə nyaʼə wò əsɨ məd ɨŋga mbàn Ŋwìə̀ ɨmbə̀ʼ zu ɨnû mbe nɨ wɨ̀ nyaʼə ghàə̀.