Mk 16:17 - Meta’

¹⁷ Bə̂d mbe nɨ benɨ bɨrɨ ghɨ ɨnweenɨ-ɨnû mbɔ̂: mbɨ bɨrɨ chɨ ɨzwî rɨbɔ̀ŋ rɨŋga bə̂d ənɨ mɨ ɨkum; mbɨ bɨrɨ gham mɨŋgam rɨsɔ̀ʼɔ̀;

Ikan feg

¹⁷ Bəd mbe ne bḛ biri ghì ineni inug mbo̰: Mbi biri kamni izwighi tibɔ̀ŋ chì inga bəd ane ìmə ikum; mbi biri ghàm tìngam iben ndəŋ;

Mk 16:17 Marejeleo ya Msalaba

Mk 9:38

Jɔ̌n nyaʼa ghà əmbɨ Yeso ni, “Əchwiə̀-ɨnû, tɨ̀ kə̀ʼ zə wə̀d mɔʼɔ nɨə chɨ̀ ɨzwî rɨbɔ̀ŋ ənɨ e ɨkum, əne tɨ̀ kə̀ʼ kə̀b nɨ təmnɨ əməd, ɨmbə̀ʼ ɨghəm nɨ kaʼ məd yɨ i wɨ mɔʼɔ rəbɔʼ na.”

Lk 10:17

Bə̂d mbe ɨwum sambe chɔ̀b rɨ̀be nyaʼa bə̀ndɨ̀ yeʼe mbɨ ə ŋgaʼ. Mbɨ nyaʼa pè ghà ni, “Ə̀nùŋɨ̀sɨg, ka àbei ɨzwî rɨbɔ̀ŋ, ɨ mbɨə nyaʼə zuunɨ əwa ənɨ tɨ̀ nyaʼa ghàm əmbɨ mɨ̀mə̌d ənɨ e ɨkum!”

Jn 14:12

Mə ghà rəsìʼ ɨ nən ni wə̀d we nɨ ben ɨnû mbe nɨ mɨə ghàə̀ bɨrɨ bɨ ghɨ ɨnû mbe nɨ mɨə ghɨ̀ə̀. Məd bɨrɨ ghɨ ɨnû nɨ che mbɔ̂, ɨmbə̀ʼ ɨghəm nɨ mə wɨə wò əsɨ Mbǎʼ.

Ɨ̀fàʼì 10:46

ɨmbə̀ʼ ɨghəm nɨ mbɨ nyaʼa zu ənɨ mbɨ nyaʼə ghàm mɨŋgam ɨbeŋ cherə, bə̀ fɔrɨ ənɨ mbɨ nyaʼə yiirɨə ə Ŋwiə̀. Pità nyaʼa ghà ni,

Ɨ̀fàʼì 16:18

Ɨ wɨə nyaʼə ghɨ̀ ənû zɔ̂ ɨni nɔnɔʼ. Əne Pɔ̂l nyaʼa sə ɨtəm, bèŋ ghà əmbɨ əzwî rɨbɔ̀ŋ ze ni, “Mə ghà ɨ ne ənɨ ɨkum Yeso Kristo ni à jwɨ rɨŋga wan əyi wɔ̂.” Əzwî rɨbɔ̀ŋ ze ə nyaʼa jwɨ̀ àmei əwu əwən.

Ɨ̀fàʼì 19:6

Ənɨ Pɔ̂l nyaʼa zab mbi ɨbɔ ɨgwɨ mɨ̀mə̌d, Əzwî ə Zeŋɨ ə nyaʼa yeʼe ɨgwɨ mɨ̀mə̌d, mbɨ kɔ gham mɨŋgam rɨsɔ̀ʼɔ̀, bə̀ kɔ ghà ɨkə̂n Ŋwiə̀.

Ɨ̀fàʼì 2:33

Ŋwìə̀ fə nɔ̀ əməd ɨkaŋ, wɨ̀ chub əbɔ ə jɨgɨ əməd. Wɨ̀ fə bə̀ nɨŋ Əzwî ə Zeŋɨ ze nɨ Mbǎʼ məd nyaʼa kaʼi ni tə bɨrɨ naʼ ɨ nən. Əghɨ zɔ̂ nɨ mbə̀ə zəə bə̀ zuə yɨ Əzwî ə Zeŋɨ ze nɨ wɨ̀ cha ɨgwɨ na.

Ɨ̀fàʼì 5:16

Bə̂d mɨ̀nɔnɔʼ nyaʼa bə̀ nɔ̀ʼ rɨŋga ɨsɨ mbe nɨ nyaʼa kad ə Jèrusalèm wò mbɨ mbə bə̂d əwɔn fɔrɨ mbɨə bə̂d mbe nɨ ɨzwî rɨbɔ̀ŋ nyaʼa ɨŋga mɨ̀mə̌d. Bə̂d tom mbe nyaʼa vɨ̀ mɨ̀mə̌d mɨjìm.

Ɨ̀fàʼì 8:7

Ɨzwî rɨbɔ̀ŋ nyaʼa jwɨ̀ rɨŋga bə̂d mɨ̀nɔnɔʼ. Mbɨ nyaʼə jwɨ̀ə̀ kyeŋə rɨ̀kǎ. Ɨbuʼrɨ bə̂d nɔnɔʼ mbɨ ə bə̂d nɨ nyaʼa tèʼ ɨwu nyaʼa bɔtɨ.

1 Kɔrèn 12:10

Ŋwìə̀ wɨə nàʼ ɨka əmbɨ wə̀d mɔʼ ni wɨ̀ ghɨ ɨnû yiirɨ. Ɨ wɨə nàʼ ɨneʼe əmbɨ wɨ cherə ni wɨ̀ gha ɨkə̂n Ŋwiə̀. Ɨ wɨə nàʼ ɨneʼe əmbɨ wɨ cherə ni wɨ̀ kyerɨ ɨkwepɨ rəbɔʼ mɨneʼe mbe nɨ Əzwî ə Zeŋɨ ə nàʼ rəbɔʼ mbe nɨ chəi Əzwî ə Zeŋɨ ə nàʼə̀. Ɨ wɨə nàʼ ɨneʼe əmbɨ wɨ cherə ni wɨ̀ gham mɨŋgam tɨkwɨrɨkwɨ. Ɨ wɨə bə̀ nàʼ ɨneʼe əmbɨ wɨ cherə ni wɨ̀ toʼrɨ mɨŋgam mbe.

1 Kɔrèn 12:28

Ŋwìə̀ fə chɔʼ bə̂d ɨŋga ɨfetɨ bə̂d Kristo. Mbɨ rɨtu yɨə bə̂d tom, mbe nɨ pe ənɨ mbɨ be yɨə bə̂d ɨ̀kə̀n, mbe nɨ pè ənɨ mbɨ tad yɨ məchwiə̀-ɨnû, beenɨ mbe nɨə ghɨ̀ ɨnû yiirɨ, beenɨ mbe nɨə vɨ̀ ɨwɔn, beenɨ mbe nɨə wèèrɨ̀ mbɨ cherə, beenɨ mbe nɨə tekɨ ɨchî nɨ ɨnû bɨrɨ yènɨ̀, beenɨ mbe nɨə ghàm mɨŋgam tɨkwɨrɨkwɨ.

1 Kɔrèn 12:30

Bə̂d mɨ̀jìm wa berɨ ɨneʼe nɨ vɨ ɨwɔn ə? Bə̂d mɨ̀jìm mbɨə wa ghàm mɨŋgam rɨsɔ̀ʼɔ̀ ə? Bə̂d mɨ̀jìm mbə wa tòʼrɨ̀ mɨŋgam mbe ə?

1 Kɔrèn 13:1

Mə mɨ yeʼə ghàm ənɨ mɨŋgam bə̂d mɨ̀sɔŋɨchù kɨ̀ ənɨ ɨŋgam mbɨ̀aŋgɨrə̀, àyɨə chəi mə̀ ghaʼ bə̂d, mə yɨ ɨghabɨ mɨ̀kakaŋ nɨə ja ɨsɨ, kɨ̀ ɨghabɨ ə ŋgòŋ nɨ mbɨə buʼə.

1 Kɔrèn 14:2

Chəi wə̀d mɔʼɔ we nɨə ghàm ɨŋgam rɨsɔ̀ʼɔ̀ ə ghàm əmbɨ ə bə̂d. Ɨ wɨə ghàmə̀ yeʼ əmbɨ ə Ŋwiə̀, ɨmbə̀ʼ ɨghəm nɨ chəi wə̀d cherə kyerɨ ənû ze nɨ wɨə ghàə̀. À yɨ Əzwî ə Zeŋɨ ə ghɨ ni wɨ̀ gha ɨnû mbe nɨ yeʼ ənə̀mə.