Mk 12:15 - Meta’

¹⁵ Tɨ̀ maʼa kɨ̀ tɨ rɨ̀ maʼ əwa ə?” Yeso nyaʼa kyerɨ ɨbekɨ ɨnû mɨ̀mə̌d, əne wɨ̀ nyaʼa ghà əmbɨ mɨ̀mə̌d ni, “Mbə̀ kɨə kəb kwaʼnɨ əmɨ ɨmbə̀ʼ ə yè ə? Mbə̀ yeʼe mbɨ ɨkab ətənɨ mɔʼɔ mə zə.”

Ikan feg

¹⁵ Tì naʼa kə̀ chəyi?” Yeso ya kyeri gha mbɔb ya bəd ne bèmnè inug. Ane, wì ya ghà inɔb gha, “Aton ne mbə̰ mbe kə̀bə̀ ni kwàʼrì mə àkə gha? Mbə̀ yeʼe tì ikab atə̰ mɔ̀ʼɔ, nàʼ mə̀ nḛ.”

Mk 12:15 Marejeleo ya Msalaba

Matìyò 20:2

Ənɨ wɨ̀ nyaʼa fə tekɨ mbɨ bə̂d ə̀fàʼì mbe ni tə bɨrɨ chwɨ mɨ̀mə̌d ɨkab ə̀fàʼì əni ə fibɨ̀, wɨ̀ nyaʼa chà mɨ̀mə̌d ɨŋga mbeŋ ze.

Matìyò 22:18

Yeso nyaʼa kyerɨ mɨnaŋ mbe nɨ mbɨ nyaʼa taŋɨ, əne wɨ̀ nyaʼa ghà ni, “Mbə yɨ ɨbekɨ bə̂d! Mbə̀ kɨə kə̀b kwaʼnɨ əmɨ ɨmbə̀ʼ ə yè ə?

Mk 10:2

Mɨ̀Farisiî mɔʼɔ nyaʼa wò əsɨ məd ɨmbə̀ʼ kwaʼnɨ əməd. Əne mbɨ nyaʼa biirɨ ɨ bɔ ni, “Tɨkə ə wa chwiə ni mbaŋə̀ saanɨ ɨnamɨ mbɨ i ɨwi ə?”

Mk 12:14

Mbɨ nyaʼa wò pè ghà ɨ bɔ ni, “Əchwiə̀-ɨnû, tɨ̀ kyerɨ ni à wɨə ghà rəsìʼ, fɔrɨ ni chəi àwɔ̀ ə bɔə bə̂d, ɨmbə̀ʼ ɨghəm nɨ chəi àwɔ̀ ə ghɨ̀ ɨghə. Àyɨə à wɨə chwiə rəsìʼ ɨmbə̀ʼ ɨchî nɨ Ŋwìə̀ kəb ni bə̂d chubɨ. Tɨkə ə wa chwiə ni tɨ̀ maʼ mɨ̀tagsɨ̀ əmbɨ Kaisà, kɨ̀ chə ə?

Mk 12:16

Mbɨ nyaʼa wò nàʼ wɨ mɔʼɔ ɨ bɔ. Əne wɨ̀ nyaʼa biirɨ əmbɨ mɨ̀mə̌d ni, “Ɨfě wɔ̂ mbɨ ɨkum wɔ̂ kɨ wɨ we ə?” Mbɨ nyaʼa wììrɨ̀ ɨ bɔ ni, “À yɨ wɨ Kaisà.”

Lk 20:23

Yeso nyaʼa kyerɨ əbekɨ mɨ̀mə̌d, əne wɨ̀ nyaʼa ghà əmbɨ mɨ̀mə̌d ni,

Jn 21:17

Yeso nyaʼa yì biirɨ ɨ bɔ ənɨ ɨghəm nɨ pè tad ni, “Saimòn, àwɔ̀ wan Jɔ̌n, à ghaʼ əmɨ ə?” Pità nyaʼa kə̀n ɨmbə̀ʼ ɨchî nɨ Yeso nyaʼa biirɨ ɨ bɔ ənɨ ɨghəm nɨ pè tad ni, “À ghaʼ əmɨ ə?” Əne wɨ̀ nyaʼa wììrɨ̀ əmbɨ Yeso ni, “Ə̀nùŋɨ̀sɨg, à kyerɨ ɨnû jìm. À kyerɨ ni mə ghaʼ əwe!” Yeso nyaʼa ghà ɨ bɔ ni, “Jə tɨ njɨ̀g.

Jn 8:6

Mbɨ nyaʼa ghà ənû zɔ̂ ɨ kwaʼnɨ əməd ɨmbə̀ʼ mbɨ berɨ ənû mɔʼɔ nɨ zɨ ɨgwɨ məd. Ənɨ mbɨ nyaʼa biirɨ əne, Yeso nyaʼa gundɨ ŋwàʼnɨ̀ əghɨ ə mɔʼɔ ə si ənɨ fi fi-əbɔ.

Ɨ̀fàʼì 5:9

Pità nyaʼa ghà ɨ bɔ ni, “À kɨə ye ə ghɨ ni mbə̀ fɔtɨ ben ni mbə̀ kwaʼnɨ Əzwî Ə̀nùŋɨ̀sɨg ə? Zə, bə̂d mbe nɨ tweŋ e nom mbɨ ɨchû nəb tɨ̀nîn. Mbɨ bɨrɨ bɨ beʼ əwe wò ɨsɨg.

1 Kɔrèn 10:9

Tɨ rɨ̀ kwaʼnɨ a Ə̀nùŋɨ̀sɨg ɨchî nɨ mɨ̀mə̌d mɔʼɔ nyaʼa kwaʼnɨ, əne jɔ rɨ nyaʼa zwiirɨ mɨ̀mə̌d.

Mə̀Hibrù 4:13

Chəi əghɨ ə mɔʼɔ rəbɔʼ mbe nɨ Ŋwiə̀ tekɨ nɨ tɨ̀ zɨə nəmbɨ rɨ ənɨ əghə əməd. Ɨghɨjìm mbɨ əsaŋ ɨfě məd we nɨ tɨ̀ bɨrɨ gha ɨnû jìm mbe nɨ tɨ̀ fə ghɨ ɨ bɔ.

Ɨnû 2:23

Mə bɨrɨ zwiirɨ bɔn məd. Tɨfetɨ bə̂d Kristo rɨ̀jìm bɨrɨ kyerɨ ni mɔ̌ yɨə wə̀d nɨə kyèʼrɨ̀ə̀ tɨkɔndɨ bə̂d bə̀ kyèʼrɨ̀ə̀ fîŋ tɨ mɨ̀mə̌d. Mə bɨrɨ chwɨ wə̀d mɔʼ mɔʼ rəbɔʼ nən beenɨ əbɔʼ ɨnû mbe nɨ mbə̀ ghɨ̌.