Mk 10:14 - Meta’

¹⁴ Àyɨə ənɨ Yeso nyaʼa zə ənû ze, wɨ̀ nyaʼa sə ɨtəm, əne ghà əmbɨ mbi mə̀mə̀ə̀nɨ̀-ɨnû ni, “Mbə̀ saŋ bɔn kwa mbe yeʼe əsɨ num. Tɨ mbə̀ kən ə mɨ̀mə̌d, ɨmbə̀ʼ ɨghəm nɨ à yɨə bə̂d ɨghabɨ mbɔ̂ bɨrɨ jɨg ənû ɨfɔ̀n ə Ŋwiə̀.

Ikan feg

¹⁴ Si ya gha, anyumə̀ ne Yeso ya bàri anug ze, wì ya gaŋ, si ghà abə ìmbi mə̀mə̀nənùg gha, “Mbə̀ sàŋì bɔn kwa mbe, mbe yèʼe abɔ̀ʼ inum. Imbə̀ʼ mbə̰ kə̰ awən awɔb imbə̀ʼ icheg ne à ya bəd icheg mbo̰ biri jəg anug ìfɔ̀n Ŋwiye.

Mk 10:14 Marejeleo ya Msalaba

Matìyò 18:10

“Mbə̀ zə ni tɨ mbə̀ təənɨ ə wan kwa mɔʼɔ rəbɔʼ mbɔ̂ nɨ ben əmɨ. Mə ghà ɨ nən ni, ɨkaŋ, mbɨ̀aŋgɨrə̀ mɨ̀mə̌d mbɨə zə ɨfě mɨ Mbǎʼ we nɨ yeʼ ɨkaŋ ənɨ mɨ̀nyùmə̀ jìm.

Matìyò 18:4

Wə̀d mɔʼɔ we nɨ swi i ɨnyod sɨ ɨghabɨ ə wan kwa wɔ̂, yɨ wɨ kyeŋ ɨŋga ənû ɨfɔ̀n rɨkaŋ.

Matìyò 19:14

Àyɨə Yeso nyaʼa ghà ni, “Mbə̀ saŋ bɔn kwa mbe yeʼe əsɨ num. Tɨ mbə̀ kən ə mɨ̀mə̌d, ɨmbə̀ʼ ɨghəm nɨ à yɨə bə̂d ɨghabɨ mbɔ̂ bɨrɨ jɨg ənû ɨfɔ̀n rɨkaŋ.”

Matìyò 5:10

Ŋwìə̀ zɨ əbɔrəbɔd ɨgun ə bə̂d mbe nɨ bə̂d ə nwèndɨ̀ tɨkyerɨ-ɨwu mɨ̀mə̌d ɨmbə̀ʼ ɨghəm nɨ mbɨə ghɨ̀ ɨnû nɨ kuʼnɨ, ɨmbə̀ʼ ɨghəm nɨ mbɨ bɨrɨ jɨg ənû ɨfɔ̀n rɨkaŋ.

Matìyò 5:3

“Ŋwìə̀ zɨ əbɔrəbɔd ɨgun ə bə̂d mbe nɨ saŋ mbə ɨnû jìm ɨŋga tɨkyerɨ-ɨbɔ məd, ɨmbə̀ʼ ɨghəm nɨ mbɨ bɨrɨ jɨg ənû ɨfɔ̀n rɨkaŋ.

Mk 3:5

Wɨ̀ nyaʼa nèŋ mɨ̀mə̌d kad nàànɨ̀, sə ɨtəm bə̀ wɨrɨ kə̀n ɨmbə̀ʼ ɨghəm nɨ fîŋ tɨ mɨ̀mə̌d nyaʼa tu. Wɨ̀ nyaʼa ghɨ̀ əne ghà əmbɨ ə mbaŋə̀ ze ni, “Sem e əbɔ.” Wɨ̀ nyaʼa sèm, əne əbɔ əməd ə nyaʼa wɨrɨ kà i.

Mk 8:33

Yeso nyaʼa bèŋ zə mbi mə̀mə̀ə̀nɨ̀-ɨnû əne ghàm əbɔʼ ə Pità ghà ni, “Àwɔ̀ Satàn, nɔʼ e rɨ ɨban num! Chəi à nuŋ e ɨkɔndɨ ɨgun ɨghɨ mbe nɨ Ŋwìə̀ kəbɨ. À nùŋ yeʼ ɨgun ɨghɨ mbe nɨ bə̂d mɨ̀sɔŋɨchù kəbɨ.”

Jn 3:3

Yeso nyaʼa wììrɨ̀ ɨ bɔ ni, “Mə ghà rəsìʼ ɨ ne ni chəi wə̀d mɔʼɔ əŋgu nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə.”

Jn 3:5

Yeso nyaʼa wììrɨ̀ ni, “Mə ghà rəsìʼ ɨ ne ni chəi wə̀d nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə ənɨ mɨnib bə̀ fɔrɨ ənɨ Əzwî ə Ŋwìə̀.

Ɨ̀fàʼì 2:39

Ənû zɔ̂ nɨ Ŋwìə̀ nyaʼa kaʼi yɨ ɨ nən, yɨ əmbɨ mbə bɔn bə̀ fɔrɨ əmbɨ ə bə̂d mɨ̀jìm mbe nɨ yeʼ əsa əgha, əne yɨə wə̀d jìm we nɨ Ŋwìə̀ a Ə̀nùŋɨ̀sɨg tɔŋ ni wɨ̀ yeʼe əsɨ ni.”

Ɨ̀fàʼì 3:25

Mbə yɨə bɔn bə̂d ɨ̀kə̀n mbe. Mbə yɨə bə̀ ə bɔn tɨ ənɨ fɨso fe nɨ Ŋwìə̀ nyaʼa sanɨ mbɨ mbə mɨ̀mbǎʼ rəŋwe, ɨchî nɨ wɨ̀ nyaʼa gha əmbɨ Abràham ni, 'Mə bɨrɨ zɨ əbɔrəbɔd ɨgwɨ mɨnəbɨ jìm mbe nɨ yeʼ ɨgwɨ ə si ənjìm ə bɔn tɨ ənɨ e əghaŋ.'

Rm 11:16

Mbɨ mɨ yeʼə nàʼə̀ ŋgə̀ŋ rɨtu ənɨ əghɨ ə̀fà əmbɨ ə Ŋwiə̀, njɨ ŋgə̀ŋ ze jìm yɨ zɨ məd. Mbɨ mɨ yeʼə nàʼ əghaŋ əzed ənɨ əghɨ ə̀fà əmbɨ ə Ŋwiə̀, njɨ rɨtəb rɨjìm yɨə bə̀ rɨ məd.

Rm 11:28

À yeʼ ɨmbə̀ʼ ɨkə̂n chɔ̀m, mɨ̀Jû yɨə bə̂d pə̀n Ŋwiə̀ ɨmbə̀ʼ əwən. À yeʼ ɨmbə̀ʼ ɨchî nɨ Ŋwìə̀ chɔʼ mɨ̀mə̌d, Ŋwiə̀ ə ghaʼ mɨ̀mə̌d kwàʼ rɨŋgəʼ ɨmbə̀ʼ mɨ̀mbǎʼ mɨ̀mə̌d rəŋwe.

1 Kɔrèn 14:20

Mbɨ bɔŋgɔb, tɨ tə rɨkɔndɨ yeʼi ɨghabɨ tɨ bɔn kwa. Mbə̀ yeʼ ɨghabɨ ə bɔn bɔd ənɨ zɨə de ɨnû rɨbɔ̀ŋ, àyɨə mbə̀ berɨ tɨkɔndɨ bə̂d kyeŋ.

1 Kɔrèn 7:14

Ŋwìə̀ wɨə ghɨ̀ ni mbaŋə̀ ze nɨ chəi zɨ̀ ben ə Kristo zeŋ ənjìm i ɨwi. Ɨ wɨə bə̀ ghɨ̀ə̀ ni əyi we nɨ chəi wɨ̀ ben ə Kristo bə̀ zeŋ ənjìm i ɨnom. Zɨə mɨ ton yeʼi əne, njɨ mbə bɔn bɨrɨ chubɨ rɨzeŋ. Àyɨə ɨchî nɨ zɨə yeʼ əne, mbə bɔn ə zeŋ.

Efesùs 4:26

Mbə mɨ sə ɨtəm, tɨ mbə ben ə ni ɨsə ɨtəm we ghɨ ni mbə̀ ghɨ ənû rɨbɔ̀ŋ. Tɨ mbə̀ ben ə ni nyùmə̀ nyɨ ɨkòb nɨ mbə̀ə kɨrɨ sə ɨtəm.

2 Timotì 1:5

Mə fə bə̀ wɨrɨ kɔndɨ ɨbenɨ rəsìʼ we nɨ à berɨ, nɨ yeʼ ɨkwɨ ɨbenɨ we nɨ Lɔis avɨ we kyeŋ mbɨ Yunis avɨ we nyaʼa berɨ. À berɨ ɨbenɨ rɨ̀nîn ɨchî nɨ mə̀ kyerɨ.

2 Timotì 3:15

À nyaʼa fə kyerɨ ɨŋgam Ŋwiə̀ tɨ ənɨ à nyaʼə wan kwa. Ɨŋgam we fə kəərɨ əwe ɨmbə̀ʼ à berɨ ɨwe jwɨ rəŋgəʼ ɨchî nɨ à nuŋ fîŋ ɨgun ə Kristo Yeso.

1 Pità 2:2

Ɨghabɨ ə bɔn bɔd nɨə kɨrɨ nyɔŋ ɨbən, mbə kəb yeʼ ɨbən zeŋɨ we nɨ əzwî ə nàʼə̀, ɨmbə̀ʼ mbə mɨ nyɔŋ, mbə bɨrɨ kwi kàànɨ̀, Ŋwìə̀ chɨ̀ əwən rəŋgəʼ.

Ɨnû 14:5

Chəi mɨghab kweʼ jwɨ̀ rɨŋga ɨchû mɨ̀mə̌d. Chəi bəi ɨgu ənû ɨgwɨ mɨ̀mə̌d.