Mə̀Hibrù 9:19 - Meta’

¹⁹ Ənɨ Mose nyaʼa fə ghà rɨkə jìm əmbɨ ə bə̂d mbe mɨjìm, wɨ̀ nyaʼa nɨŋ ɨnaŋ bə̀ nɨŋ ndàb nɨə bàŋə̀ buù nɨ mbɨ nyaʼa tekɨ ənɨ nyôŋ rɨ njɨ̀g. Wɨ̀ nyaʼa nɨŋ əne chùb ɨŋga ənəm ə bɔn mbɨ̀rɨkun mbɨ əzɨ ə gywɨ nɨ mbɨ fɔtɨ tɔpɨ ɨŋga mɨnib, əne ŋwììrɨ̀ ɨgun ə̀ŋwàʼnɨ̀ ze nɨ rɨkə yeʼ ɨŋga bə̀ ŋwììrɨ̀ ɨgun ə bə̂d mbe mɨjìm.

Ikan feg

¹⁹ Anyumə̀ ne Muse ya fə mə̀tì mə̀nɔ̀ʼɔ̀ ijìm mbe ne yaʼi inga Àŋwàʼrì Ŋwiye abə bəd məjìm, wì ya niŋ anəm pɔ̀ŋ fɔrɔ anəm gwi nyàmbì inga mənib. Wì ya pà tìtab azed mɔ̀ʼɔ ne mbe kàrà ane hisɔ̀b, nib ndwi bàghi igun, chùb inga anəm ze, si nwìndì igun Àŋwàʼrì Ŋwiye fɔrɔ igun bəd məjìm.

Mə̀Hibrù 9:19 Marejeleo ya Msalaba

Matìyò 27:28

Mbɨ nyaʼa chɨ̀ ngywɨ̌ rɨ məd, əne nɨŋ ngywɨ̌ ɨfɔ̀n zɨ̀ ɨgwɨ məd.

Mk 15:17

Mbɨ nyaʼa chɨ̀ ngywɨ̌ rɨ məd, əne zɨ̀ ngywɨ̌ ɨfɔ̀n ɨbòm ɨ bɔ. Mbɨ nyaʼa bə̀ nɨŋ ɨ̀jə̀ŋɨ̀ kad ɨghabɨ ɨdəm ɨfɔ̀n zɨ̀ ətu ɨ bɔ.

Mk 15:20

Ənɨ mbɨ nyaʼa fə baʼrɨ əməd, mbɨ nyaʼa chɨ ngywɨ̌ ɨfɔ̀n ze wɨrɨ zɨ rɨ məd ɨbòm ɨ bɔ. Mbɨ nyaʼa ghɨ̀ əne nɨŋ əməd ɨ wo kòmbɨ̀ əzed ə baʼnɨ.

Jn 19:2

Mɨ̀sɔgyɨ̀ mbe nyaʼa nɨŋ ɨ̀jə̀ŋɨ̀ kad ɨghabɨ ɨdəm ɨfɔ̀n zɨ ətu ɨ bɔ. Mbɨ nyaʼa bə̀ zɨ ngywɨ̌ ɨfɔ̀n ɨgwɨ məd.

Jn 19:5

Əne Yeso nyaʼa jwɨ̀ ɨsɨg mbɨ ɨdəm we nɨ mbɨ nyaʼa nɨŋ ɨ̀jə̀ŋɨ̀ kad ɨghabɨ ɨdəm ɨfɔ̀n zɨ ətu ɨ bɔ fɔrɨ mbɨ ə ngywɨ̌ ɨfɔ̀n ze. Pailèt nyaʼa ghà əmbɨ mɨ̀mə̌d ni, “Mbə̀ zə, à yɨə mbaŋə̀ ze zɔ̂!”

Mə̀Hibrù 1:1

À nyaʼa əŋwe, Ŋwìə̀ nyaʼa chè ənjìm mbi bə̂d ɨ̀kə̀n ghàm əmbɨ mba mɨ̀mbǎʼ rəŋwe. Ɨ wɨə nyaʼə ghɨ̀ əne ɨghəm nɔnɔʼ bə̀ fɔrɨ ənɨ mɨchî nɔnɔʼ.

Mə̀Hibrù 10:22

Əne tɨ̀ tindɨ ɨban ə Ŋwiə̀ mbɨ ə fîŋ jìm bə̀ nùŋ ta rɨkɔndɨ jìm àmei ɨgwɨ məd. Tɨ̀ ghɨ̀ əne mbɨ ə fîŋ nɨ mbɨ fə zeŋnɨ tɨ ənɨ tɨkɔndɨ rɨbɔ̀ŋ. Tɨ̀ bə̀ ghɨ̀ əne ənɨ ə nyamnyod nɨ mbɨ so ənɨ mɨnib nɨ zeŋɨ.

Mə̀Hibrù 10:4

ɨmbə̀ʼ ɨghəm nɨ ka ənəm ə mbɨ̀rɨkun mbɨ ənəm ə gywɨ ə ze tɨ̀ zɨə nimnɨ ɨnû rɨbɔ̀ŋ.

Mə̀Hibrù 12:24

Mbə fə yeʼe əsɨ ə Yeso we nɨ nyaʼa yeʼe mbɨ fɨso fi. Mbə fə bə̀ yeʼe əsɨ ənəm ze nɨ mbɨ nyaʼa ŋwiirɨ. Ənəm ze ə zɨə ghà ənû nɨ bɔŋ chè əze nɨ ənəm ə Abèl ə nyaʼa ghǎ.

Mə̀Hibrù 9:12

Ənɨ Kristo nyaʼa nyɨ ɨŋga Əsɨ ze nɨ Zeŋɨ Màànɨ̀ fən ɨghəm mɔʼ, chəi wɨ̀ nyaʼa nɨŋ ənəm ə gywɨ mbɨ ənəm ə bɔn mbɨ̀rɨkun ɨmbə̀ʼ naʼ ənɨ ɨghɨ ə̀fà. Wɨ̀ nyaʼa nɨŋ yeʼ e ənəm choʼ ɨtu ə bə̂d əŋgu koŋ.

Mə̀Hibrù 9:13

À mɨ yeʼ nɨ mbɨ sab ənəm ə gywɨ mbɨ ənəm ə mbɨ̀rɨkun bə̀ fùʼ əburɨ tɨ ənɨ ə wan rɨkun ɨgun ə bə̂d mbe nɨ chəi mbɨ zeŋɨ, əne əze ə ghɨ̀ ni ɨnyod mɨ̀mə̌d zeŋ,

Mə̀Hibrù 9:18

À yɨ əton nɨ chəi ənɨ tɨ̀ mbɨ nyaʼa ghɨ̀ ni fɨso rɨtu fe təm nɨ chəi ənəm.

1 Pità 1:2

Ŋwìə̀ Mbǎʼ nyaʼa chɔʼ əwən ni mbə̀ yeʼ mbi bə̂d ɨchî nɨ wɨ̀ nyaʼa fə nuŋɨ. Əzwî əməd ə fə ghɨ̀ mbə zeŋ, ɨmbə̀ʼ mbə̀ zuunɨ ə Yeso Kristo bə̀ ghɨ̀ ni ənəm əməd ze nɨ wɨ̀ nyaʼa chəmnɨ ə zeŋnɨ əwən. Ɨ̀chɔ̀m Ŋwiə̀ mbɨ əbɔrəbɔd əməd yeʼe ɨgwɨ nən ɨ ə̀bù ə̀bù.