Mə̀Hibrù 9:15 - Meta’

¹⁵ Məd wɨ ɨŋga mɨgharə̀ Ŋwìə̀ mbɨ ə bə̂d ənɨ fɨso fi fe nɨ mbɨ sanɨ, ɨmbə̀ʼ bə̂d mbe nɨ Ŋwìə̀ nyaʼa tɔŋ ənɨ mbi jɨg ɨghɨ mbe nɨ wɨ̀ nyaʼa kaʼ əmbɨ mɨ̀mə̌d koŋ. Kristo nyaʼa kwɨ ɨmbə̀ʼ choʼ ɨtu mɨ̀mə̌d tɨ ənɨ ɨnû rɨbɔ̀ŋ mbe nɨ mbɨ nyaʼə ghɨ̀ əton fɨso rɨtu.

Ikan feg

¹⁵ Ane, Kristo ya wə̀d ne wàri ikan feg ni gha bəd mbe ne Ŋwiye kàri awɔb mbe tì mbi jəg ighi mbe ne Ŋwiye ya kàʼi ane ighə̀m imɔʼ. Ane ya imbə̀ʼ icheg ne, Kristo fə sɔ̀ŋì àze atog ku ne zeri bəd mbe ne yaya ghìyə̀ inug tibɔ̀ŋ inga ikan anun.

Mə̀Hibrù 9:15 Marejeleo ya Msalaba

Matìyò 19:29

Wə̀d jìm we nɨ saŋ ti nəb, kɨ̀ mbi bɔŋgɔb mbaŋə̀ kɨ̀ mbɨ məyi, kɨ̀ i mbǎʼ, kɨ̀ i nɨŋ, kɨ̀ mbi bɔn, kɨ̀ mbi ɨsɨ si ɨmbə̀ʼ beenɨ əbɔʼ num, bɨrɨ wɨrɨ berɨ ɨghɨ ɨghəm ɨkɨ fibɨ̀, bə̀ jɨg ɨ̀tènɨ̀ rɨ mì.

Matìyò 22:3

Wɨ̀ nyaʼa tom mbi bə̂d ə̀fàʼì ni mbɨ wo tɔŋ bə̂d mbe nɨ wɨ̀ kəʼ won ənɨ ɨnamɨ we. Bə̂d ə̀fàʼì mbe nyaʼa wò tɔŋə, àyɨə chəi mbɨ nyaʼa yeʼe.

Matìyò 25:34

Əne ɨfɔ̂n we bɨrɨ gha əmbɨ ə bə̂d mbe nɨ yeʼ əbɔ ə jɨgɨ ni, 'Mbə̀ yeʼe, kyɨə mbə̀n mbe nɨ mɨ Mbǎʼ fə zɨ əbɔrəbɔd ɨgwɨ nən. Mbə̀ yeʼe jɨg ənû ɨfɔ̀n ze nɨ mɨ Mbǎʼ nyaʼa fə tekɨ nùŋ ɨ nən tɨ ənɨ wɨ̀ nyaʼa tekɨ ɨsɨg.

Matìyò 25:36

mə nyaʼə rɨ̀sɔ̀ʼ ɨkyerɨ, mbə zɨ̀ ngywɨ̌ ɨgwɨ num, mə nyaʼə wɔ̀nə̀, mbə nèŋgɨ̀ əmɨ, mə nyaʼa ə nəb ndəŋ, mbə yeʼe neŋ əmɨ.'

Mk 10:17

Ənɨ Yeso nyaʼə jwɨ̀ə̀ wò i ɨghanɨ, mbaŋə̀ mɔʼɔ nyaʼa nòrə̀ wò pè chìndɨ̀ ɨtu ɨnywɨ ɨfě ɨ bɔ, biirɨ ɨ bɔ ni, “Əchwiə̀-ɨnû chɔ̀m, mə̀ kɨə wo ghɨ ənû ə yè bɔŋ jɨg ɨ̀tènɨ̀ rɨ mì ə?”

Lk 18:18

Mbaŋə̀ mɔʼɔ rəbɔʼ mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa biirɨ əmbɨ Yeso ni, “Əchwiə̀-ɨnû chɔ̀m, mə kɨə wo ghɨ ye bɔŋ jɨg ɨ̀tènɨ̀ rɨ mì ə?”

Lk 22:20

Ənɨ mbɨ nyaʼa fə jɨg màànɨ̀, wɨ̀ nyaʼa bə̀ nɨŋ toʼ mɨ̀nòʼ ghà ni, “Toʼ zɔ̂ yɨ fɨso fi fe nɨ Ŋwìə̀ san ənɨ mɨ ənəm ze nɨ mbɨ chəmnɨ ɨmbə̀ʼ əwən.

Jn 10:28

Mə wɨə nàʼ ɨ̀tènɨ̀ rɨ mì əmbɨ tɨ njɨ̀g. Chəi tɨ bɨrɨ nɔ kwɨ. Chəi wə̀d nɨ tɨ wɨ̀ fe mɨ̀mə̌d rɨ num.

Ɨ̀fàʼì 20:32

“Tɨ̀nîn mə fə zɨ̀ əwən ɨŋga rɨkyerɨ-ɨbɔ Ŋwiə̀ bə̀ zɨ̀ ɨŋga ɨŋgam məd we nɨə ghɨ̀ə̀ ni wɨ̀ ghɨ̀ ɨ̀chɔ̀m ənɨ nən. Ɨkə̂n chɔ̀m we tɨ̀ wɨ ghɨ̀ mbə kwi kàànɨ̀ bə̀ ghɨ̀ mbə jɨg ɨghɨ mbe nɨ Ŋwiə̀ nuŋ əmbɨ ə bə̂d mɨ̀jìm mbe nɨ wɨ̀ zeŋnɨ.

Rm 5:10

ɨmbə̀ʼ ɨghəm nɨ ənɨ tɨ̀ nyaʼa kɨrɨ bə̂d pə̀n Ŋwiə̀, wɨ̀ nyaʼa màànɨ̀ taŋ mbɨ na ənjìm ɨvɨ Wan məd. Tɨ̀nîn nɨ tɨ̀ fə maanɨ taŋ, ɨ̀tènɨ̀ Kristo bɨrɨ ghɨ ni tɨ̀ jwɨ rəŋgəʼ.

Rm 5:6

Ənɨ tɨ̀ nyaʼa kɨrɨ bɔd, nyùmə̀ nyaʼa kùʼ əne Kristo nyaʼa kwɨ ɨgwɨ ɨtu bə̂d mbe nɨ chəi mbɨ nyaʼə wumnɨ ə Ŋwiə̀.

Rm 5:8

Ŋwìə̀ nyaʼa chwi ni tə ghaʼ əwa əni: Ənɨ tɨ̀ nyaʼa kɨrɨ ghɨ̀ ɨnû rɨbɔ̀ŋ, Kristo nyaʼa kwɨ ɨgwɨ mba ɨtu.

Rm 6:23

ɨmbə̀ʼ ɨghəm nɨ ɨchwɨ rɨ ənɨ ɨnû rɨbɔ̀ŋ yɨ ɨvɨ, àyɨə ɨneʼe we nɨ Ŋwìə̀ ə nàʼə̀ yɨ ɨ̀tènɨ̀ rɨ mì ɨchî nɨ tɨ̀ yeʼ ənɨ ɨfɔtɨ mbɨ Kristo Yeso a Ə̀nùŋɨ̀sɨg.

Rm 8:28

Tɨ̀ kyerɨ ni ənɨ ɨnû jìm, Ŋwìə̀ wɨə fàʼə̀ ni bə̂d mbe nɨ ghaʼ əməd zə ɨ̀chɔ̀m, əne yɨə bə̂d mbe nɨ wɨ̀ nyaʼa tɔŋ ni mbɨ yeʼ mbɨ bə̂d ɨchî nɨ wɨ̀ nyaʼa fə nuŋɨ.

Rm 8:30

Bə̂d mbe nɨ wɨ̀ nyaʼa chɔʼɔ, wɨ̀ nyaʼa bə̀ tɔŋ ənɨ mbi; mbe nɨ wɨ̀ nyaʼa tɔŋə, wɨ̀ nyaʼa bə̀ ghɨ̀ mbɨ təm kùʼnɨ̀; mbe nɨ wɨ̀ nyaʼa ghɨ mbɨ təm kùʼnɨ̀, wɨ̀ nyaʼa bə̀ ghɨ̀ mbɨ berɨ ɨwumnɨ.

Rm 9:24

Tɨ̀ yɨə bə̂d mbe nɨ wɨ̀ nyaʼa tɔŋ ənɨ mbi. Chəi wɨ̀ nyaʼa tɔŋ əwa àmei rəkaʼ mɨ̀Jû. Wɨ̀ nyaʼa bə̀ tɔŋ rəkaʼ bə̂d mbe nɨ kaʼi mɨ̀Jû.

2 Kɔrèn 3:6

Wɨ̀ fə ghɨ̀ ni tɨ̀ kuʼ nɨ fàʼ əton fɨso fi. Ka fɨso fi fe yɨ i əghɨ nɨ mbɨ ŋwaʼnɨ. Fɨso fe yɨ rɨ əmbɨ ə Əzwî. Tɨkə te nɨ mbɨ ŋwaʼnɨ tɨə yeʼe mbɨ ɨvɨ, àyɨə Əzwî ə zɨə nàʼ ɨ̀tènɨ̀.

Gàlesìyà 3:20

Wə̀d mɨ yeʼ ɨŋga mɨgharə̀, əne yɨ ni bə̂d ə nɔʼ. Àyɨə Ŋwìə̀ mei we mɔʼ.

Efesùs 1:7

Ŋwìə̀ fə choʼ mba ɨtu ənjìm ənəm ə Kristo ze nɨ wɨ̀ nyaʼa chəmnɨ əzed ə baʼnɨ. Wɨ̀ fə bə̀ waʼ mba ɨgu ənû ənjìm ɨ̀chɔ̀m məd we nɨ kaŋ nɔʼ.

2 Tès 2:14

Ŋwìə̀ nyaʼa tɔŋ əwən ɨmbə̀ʼ chɨ rəŋgəʼ ənjìm ɨkə̂n chɔ̀m we nɨ tɨ̀ nyaʼa gha ɨ nən. Əne yɨ ɨmbə̀ʼ bə̂d naʼ ɨkwɨ ɨwumnɨ we nɨ mbɨə nàʼ əmbɨ a Ə̀nùŋɨ̀sɨg Yeso Kristo ɨ nən.

1 Timotì 2:5

Ŋwìə̀ mei we mɔʼ. Wə̀d we nɨ yeʼ ɨŋga mɨgharə̀, maanɨə taŋ ze nɨ Ŋwiə̀ berɨ mbɨ ə bə̂d mei we mɔʼ. Təŋgàŋ yɨə Kristo Yeso.

2 Timotì 2:10

Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.

Tayitùs 1:2

Təsìʼ wɔ̂ bɨrɨ ghɨ ni tɨ̀ nuŋ rɨkɔndɨ wòm ɨ̀tènɨ̀ rɨ mì we nɨ Ŋwìə̀ kaʼi. Ŋwìə̀ we nɨ chəi wɨə ghà mɨghab nyaʼa kàʼ ɨ̀tènɨ̀ wɔ̂ bɔŋ wɨ̀ nyaʼa sɨə tekɨ ɨsɨg.

Tayitùs 3:7

Wɨ̀ nyaʼa nàʼ əne ɨmbə̀ʼ tɨ̀ we tɨ̀ rɨ chè ənjìm ɨ̀chɔ̀m we təm kùʼnɨ̀ ɨfě məd bə̀ jɨg ɨ̀tènɨ̀ rɨ mì we nɨ tɨ̀ nuŋ ɨkɔndɨ ɨ wòm.

Mə̀Hibrù 10:34

Mbə mbɨə nyaʼə dììrɨ̀ə̀ bə̂d mbe nɨ nyaʼa ə nəb ndəŋ. Ənɨ mbɨ nyaʼa fe mbə ɨghɨ, mbə̀ nyaʼa ben ənɨ ɨghaʼi. Mbə mbɨə nyaʼa ghɨ̀ əne ɨmbə̀ʼ ɨghəm nɨ mbə̀ nyaʼa kyerɨ ni mbə berɨ ɨghɨ nɨ bɔŋ chè mbe, nɨ yeʼ ɨghɨ nɨ bɨrɨ ten i koŋ.

Mə̀Hibrù 10:36

Mbə berɨ nyiʼ, ɨmbə̀ʼ mbə ghɨ ənû ze nɨ Ŋwìə̀ kə̀bɨ. Mbə mɨ ghɨ̀ əne, mbə bɨrɨ berɨ əghɨ ze nɨ Ŋwìə̀ kaʼ ɨ nən.

Mə̀Hibrù 11:13

Mɨ̀mə̌d mbɔ̂ mɨjìm nyaʼa nùŋ ɨbenɨ ɨgun ə Ŋwiə̀ pè ənɨ mbɨ nyaʼa kwɨ. Mbɨ nyaʼa kwɨ nɨ chəi mbɨ nyaʼa kɨrɨ berɨ ɨghɨ mbe nɨ Ŋwìə̀ nyaʼa kaʼ əmbɨ mɨ̀mə̌d. Mbɨ nyaʼa zə ɨghɨ mbe nɨ Ŋwìə̀ nyaʼa kaʼi rɨ əsa əgha, əne mbɨ nyaʼa ghaʼ kwàʼ rɨŋgəʼ. Mbɨ nyaʼa zə əne, kyerɨ ni mbə yɨə bə̂d rɨ̀sɔ̀ʼɔ̀ nɨə che ə che ɨŋga ɨsɨg wɔ̂.

Mə̀Hibrù 12:24

Mbə fə yeʼe əsɨ ə Yeso we nɨ nyaʼa yeʼe mbɨ fɨso fi. Mbə fə bə̀ yeʼe əsɨ ənəm ze nɨ mbɨ nyaʼa ŋwiirɨ. Ənəm ze ə zɨə ghà ənû nɨ bɔŋ chè əze nɨ ənəm ə Abèl ə nyaʼa ghǎ.

Mə̀Hibrù 13:20

Ŋwìə̀ we nɨə nàʼ əbɔrəbɔd, nɨ nyaʼa che ənjìm ənəm ze nɨ wɨ̀ nyaʼa nɨŋ san fɨso fe nɨ ten i koŋ əne zwemnɨ ə Yeso a Ə̀nùŋɨ̀sɨg nɨ yeʼ ənə̂ŋgɨ̀-njɨ̀g nɨ dabə,

Mə̀Hibrù 2:14

Əne ɨchî nɨ bɔn mbe berɨ nyamnyod mbɨ ənəm, məd ziə nyaʼa bə̀ yeʼ wə̀d mɨ̀sɔŋɨchù, ɨmbə̀ʼ ənjìm ɨvɨ məd, wɨ̀ bɨrɨ nimnɨ əməd we nɨ berɨ ɨka ɨgwɨ ɨvɨ, əne yɨə Debɨ̀rə̀.

Mə̀Hibrù 3:1

Mbɨ bɔŋgɔb zeŋɨ nɨ Ŋwìə̀ nyaʼa bə tɔŋə, mbə̀ jeŋgɨ kɔndɨ ə Yeso nɨ tɨ̀ ben ni məd yɨə wə̀d tom fɔrɨ ətu ɨgwɨ ə bə̂d mbàn Ŋwìə̀.

Mə̀Hibrù 6:13

Ənɨ Ŋwìə̀ nyaʼa kaʼ ə Abràham, wɨ̀ nyaʼa kàn ziə ziə ni tə bɨrɨ ghɨ ənû ze nɨ tə kaʼi. Wɨ̀ nyaʼa ghɨ̀ əne ɨmbə̀ʼ ɨghəm nɨ chəi wɨ̀ nyaʼa berɨ wə̀d mɔʼɔ nɨ chè əməd.

Mə̀Hibrù 6:15

Abràham nyaʼa yim fîŋ bə̀ wòm, əne wɨ̀ nyaʼa berɨ əghɨ ze nɨ Ŋwìə̀ nyaʼa kaʼ ɨ bɔ.

Mə̀Hibrù 7:22

Ɨchî nɨ Ŋwìə̀ nyaʼa kan əne, Yeso fə ghɨ̀ ni tɨ̀ berɨ fɨso fe nɨ bɔŋɨ chè.

Mə̀Hibrù 8:13

Ɨchî nɨ wɨ̀ nyaʼə ghà ɨmbə̀ʼ fɨso fi ə chwiə ni nyùmə̀ fɨso ənun fə chè i. Əghɨ ze nɨə sɨə nùnə̀, nɨ nyùmə̀ məd fə che i, ə bɨrɨ zambɨ nim.

Mə̀Hibrù 9:12

Ənɨ Kristo nyaʼa nyɨ ɨŋga Əsɨ ze nɨ Zeŋɨ Màànɨ̀ fən ɨghəm mɔʼ, chəi wɨ̀ nyaʼa nɨŋ ənəm ə gywɨ mbɨ ənəm ə bɔn mbɨ̀rɨkun ɨmbə̀ʼ naʼ ənɨ ɨghɨ ə̀fà. Wɨ̀ nyaʼa nɨŋ yeʼ e ənəm choʼ ɨtu ə bə̂d əŋgu koŋ.

Mə̀Hibrù 9:16

Bɔŋ mbɨ sɨə ghɨ̀ ənû ze nɨ yeʼ ɨŋga ɨtə wə̀d, mbɨ berɨ be chwiə ni wə̀d we nɨ tə i fə kwɨ.

Mə̀Hibrù 9:28

yɨə bə̀ ɨchî nɨ wɨ̀ nyaʼa naʼ ə Kristo ənɨ əghɨ ə̀fà fən ɨghəm we mɔʼ, ɨmbə̀ʼ wɨ̀ beʼ ɨnû rɨbɔ̀ŋ bə̂d mɨ̀nɔnɔʼ. Kaʼ wɨ̀ bɨrɨ yeʼe ənɨ ɨghəm nɨ pe be ɨ ghɨ ni Ŋwìə̀ waʼ ɨnû rɨbɔ̀ŋ bə̂d. Wɨ̀ bɨrɨ yeʼe ɨmbə̀ʼ chɨ bə̂d rəŋgəʼ, əne yɨ mbe nɨə wòm əməd ənɨ tə fîŋ rɨ̀jìm.

Jems 1:12

Ŋwìə̀ zɨ əbɔrəbɔd ɨgun ə wə̀d we nɨə nyìʼ ənɨ ə̀kwàʼnɨ̀ ə nyɨ ɨgwɨ məd, ɨmbə̀ʼ ɨghəm nɨ ənɨ wɨ̀ chè ə̀kwàʼnɨ̀ ze, wɨ̀ bɨrɨ nɨŋ ɨneʼe. Ɨneʼe we yɨ ɨ̀tènɨ̀ rɨ mì we nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

1 Jɔn 2:25

Ənû ze nɨ Wan fə kaʼ ni tə bɨrɨ naʼ ɨ na yɨ ɨ̀tènɨ̀ rɨ mì.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.