Mə̀Hibrù 9:12 - Meta’

¹² Ənɨ Kristo nyaʼa nyɨ ɨŋga Əsɨ ze nɨ Zeŋɨ Màànɨ̀ fən ɨghəm mɔʼ, chəi wɨ̀ nyaʼa nɨŋ ənəm ə gywɨ mbɨ ənəm ə bɔn mbɨ̀rɨkun ɨmbə̀ʼ naʼ ənɨ ɨghɨ ə̀fà. Wɨ̀ nyaʼa nɨŋ yeʼ e ənəm choʼ ɨtu ə bə̂d əŋgu koŋ.

Ikan feg

¹² Ane, chəyi Yeso ya nyi inga asiŋi ne zḛ mànì inga mbàn Ŋwiye tì anəm gwi fɔrɔ anəm pɔ̀ŋ. Wì ya tùtì yaʼ àzi tì anəm ni zeri bəd məjìm ane ighə̀m imɔʼ.

Mə̀Hibrù 9:12 Marejeleo ya Msalaba

Mk 3:29

àyɨə ka wɨ̀ bɨrɨ nɔ waʼ i ɨnû rɨbɔ̀ŋ wə̀d mɔʼɔ we nɨ zɔm Əzwî ə Zeŋɨ. Ka wɨ̀ bɨrɨ nɔ waʼ i ɨmbə̀ʼ ɨghəm nɨ wɨ̀ fə ghɨ ənû rɨbɔ̀ŋ ze nɨ ten i koŋ.”

Lk 1:68

“Tɨ̀ yiirɨ Ə̀nùŋɨ̀sɨg nɨ yeʼ Ŋwìə̀ mɨ̀Izre ɨmbə̀ʼ ɨghəm ni wɨ̀ fə yeʼe ɨmbə̀ʼ weerɨ mbi bə̂d, bə̀ choʼ ɨtu mɨ̀mə̌d.

Ɨ̀fàʼì 20:28

Əne mbə̀ nəŋgɨ ə ɨnyod mbənə mbənə, bə̀ nəŋgɨ bə̂d Kristo mɨ̀jìm mbe nɨ Əzwî ə Zeŋɨ ə fə nuŋ əwən ni mbə̀ nəŋgɨ. Mbə̀ nəŋgɨ ɨfetɨ bə̂d Ŋwiə̀ we nɨ wɨ̀ fə ghɨ̌ ənɨ wi ənjìm ənəm ze nɨ Wan məd nyaʼa chəmnɨ.

Efesùs 1:7

Ŋwìə̀ fə choʼ mba ɨtu ənjìm ənəm ə Kristo ze nɨ wɨ̀ nyaʼa chəmnɨ əzed ə baʼnɨ. Wɨ̀ fə bə̀ waʼ mba ɨgu ənû ənjìm ɨ̀chɔ̀m məd we nɨ kaŋ nɔʼ.

Kòlosè 1:14

À yɨə məd nyaʼa choʼ mba ɨtu bə̀ waʼ mba ɨnû rɨbɔ̀ŋ.

1 Tèsàlonikà 1:10

Mbɨ nyaʼa bə̀ ghà ni mbə mbɨə wòmə̀ ni Wan Ŋwìə̀ we nɨ wɨ̀ nyaʼa zwemnɨ wɨrɨ yeʼe rɨkaŋ. Wan we yɨə Yeso we nɨə chɨ̀ əwa rɨŋga ŋgəʼ ze nɨ Ŋwìə̀ bɨrɨ sə ɨtəm chə bə̂d ɨnû rɨbɔ̀ŋ.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 1:3

Wan we wɨə chwi ɨchî nɨ ɨzeŋɨ zeŋɨ Ŋwìə̀ ə teə. Ɨnû jìm ɨmbə̀ʼ əməd mbɨə chwi ɨchî nɨ Ŋwìə̀ ziə yeʼ ə. Ɨ wɨə ghɨ̀ə̀ ni ɨsɨg chub ɨchî nɨ wɨ yeʼ ə. Ɨ wɨə ghɨ̀ əne ənjìm ɨka we nɨ yeʼ ənɨ ɨŋgam məd. Ənɨ wɨ̀ nyaʼa fə ghɨ̌ Ŋwiə̀ waʼ ɨnû rɨbɔ̀ŋ bə̂d, wɨ̀ nyaʼa chub əbà əbɔ ə jɨg ə Məd we nɨ berɨ ɨka jìm.

Mə̀Hibrù 10:19

Mbɨ bɔŋgɔb, tɨ̀ kyerɨ ni tɨ̀ bɨrɨ nyɨ ɨŋga Əsɨ nɨ Zeŋɨ Màànɨ̀ ənjìm ənəm ə Yeso.

Mə̀Hibrù 10:4

ɨmbə̀ʼ ɨghəm nɨ ka ənəm ə mbɨ̀rɨkun mbɨ ənəm ə gywɨ ə ze tɨ̀ zɨə nimnɨ ɨnû rɨbɔ̀ŋ.

Mə̀Hibrù 13:12

À yɨ ɨchî nɨ Yeso nyaʼa bə zə ŋgəʼ ənjìm ɨkam ɨmbə̀ʼ bə̂d zeŋ ənjìm ənəm əməd.

Mə̀Hibrù 5:9

Ənɨ Ŋwiə̀ nyaʼa fə ghɨ̌ wɨ̀ bɔ̀ŋ màànɨ̀, wɨ̀ nyaʼa bèŋ sɨə ghɨ̀ə̀ ni bə̂d mɨjìm mbe nɨə zuunɨ əməd jwɨ̀ rəŋgəʼ koŋ.

Mə̀Hibrù 7:27

Chəi wɨ̀ berɨ əton, ɨghabɨ ɨtu cherə ɨgwɨ ə bə̂d mbàn Ŋwìə̀, nɨ naʼ ɨghɨ ə̀fà ɨni jìm, rɨtu ɨgwɨ mbi ɨnû rɨbɔ̀ŋ, beenɨ mbɨ bə̂d cherə. Wɨ̀ nyaʼa fə ghɨ̀ əne fən ɨghəm mɔʼ. Əne yɨ ənɨ wɨ̀ nyaʼa naʼ i ɨnyod ənɨ əghɨ ə̀fà.

Mə̀Hibrù 9:13

À mɨ yeʼ nɨ mbɨ sab ənəm ə gywɨ mbɨ ənəm ə mbɨ̀rɨkun bə̀ fùʼ əburɨ tɨ ənɨ ə wan rɨkun ɨgun ə bə̂d mbe nɨ chəi mbɨ zeŋɨ, əne əze ə ghɨ̀ ni ɨnyod mɨ̀mə̌d zeŋ,

Mə̀Hibrù 9:14

njɨ ənəm ə Kristo ə bɨrɨ zeŋnɨ əwa chè. Əzwî ze nɨ ten i koŋ ə nyaʼa ghɨ̀ ni Kristo naʼ i ɨnyod əmbɨ ə Ŋwiə̀ ənɨ əghɨ ə̀fà nɨ chəi ənɔʼɔ ɨmbə̀ʼ zeŋnɨ ta fîŋ tɨ ənɨ ɨnû rɨbɔ̀ŋ mbe nɨə ghɨ̀ ni bə̂d kwɨ. Əne yɨ ɨmbə̀ʼ tɨ̀ faʼ əmbɨ ə Ŋwìə̀ we nɨ yeʼ ɨkǎ.

Mə̀Hibrù 9:15

Məd wɨ ɨŋga mɨgharə̀ Ŋwìə̀ mbɨ ə bə̂d ənɨ fɨso fi fe nɨ mbɨ sanɨ, ɨmbə̀ʼ bə̂d mbe nɨ Ŋwìə̀ nyaʼa tɔŋ ənɨ mbi jɨg ɨghɨ mbe nɨ wɨ̀ nyaʼa kaʼ əmbɨ mɨ̀mə̌d koŋ. Kristo nyaʼa kwɨ ɨmbə̀ʼ choʼ ɨtu mɨ̀mə̌d tɨ ənɨ ɨnû rɨbɔ̀ŋ mbe nɨ mbɨ nyaʼə ghɨ̀ əton fɨso rɨtu.

Mə̀Hibrù 9:19

Ənɨ Mose nyaʼa fə ghà rɨkə jìm əmbɨ ə bə̂d mbe mɨjìm, wɨ̀ nyaʼa nɨŋ ɨnaŋ bə̀ nɨŋ ndàb nɨə bàŋə̀ buù nɨ mbɨ nyaʼa tekɨ ənɨ nyôŋ rɨ njɨ̀g. Wɨ̀ nyaʼa nɨŋ əne chùb ɨŋga ənəm ə bɔn mbɨ̀rɨkun mbɨ əzɨ ə gywɨ nɨ mbɨ fɔtɨ tɔpɨ ɨŋga mɨnib, əne ŋwììrɨ̀ ɨgun ə̀ŋwàʼnɨ̀ ze nɨ rɨkə yeʼ ɨŋga bə̀ ŋwììrɨ̀ ɨgun ə bə̂d mbe mɨjìm.

Mə̀Hibrù 9:28

yɨə bə̀ ɨchî nɨ wɨ̀ nyaʼa naʼ ə Kristo ənɨ əghɨ ə̀fà fən ɨghəm we mɔʼ, ɨmbə̀ʼ wɨ̀ beʼ ɨnû rɨbɔ̀ŋ bə̂d mɨ̀nɔnɔʼ. Kaʼ wɨ̀ bɨrɨ yeʼe ənɨ ɨghəm nɨ pe be ɨ ghɨ ni Ŋwìə̀ waʼ ɨnû rɨbɔ̀ŋ bə̂d. Wɨ̀ bɨrɨ yeʼe ɨmbə̀ʼ chɨ bə̂d rəŋgəʼ, əne yɨ mbe nɨə wòm əməd ənɨ tə fîŋ rɨ̀jìm.

Mə̀Hibrù 9:7

Àmei ətu ɨgwɨ ə bə̂d mbàn Ŋwìə̀ ə nyɨ ɨŋga ətu ə nəb ze rɨŋga. Ɨ wɨə ghɨ̀ əne àmei ɨghəm mɔʼ ɨŋga əghəm əwu. Wɨ̀ mɨ kəb nyɨ, wɨ̀ bɨrɨ nɨŋ ənəm nɨ wɨ̀ bɨrɨ chəmnɨ ɨmbə̀ʼ e ətu fɔrɨ ɨmbə̀ʼ ɨnû rɨbɔ̀ŋ mbe nɨ bə̂d ə ghɨ̀ə̀ nɨ chəi mbɨ kyerɨ.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.