Mə̀Hibrù 8:13 - Meta’

¹³ Ɨchî nɨ wɨ̀ nyaʼə ghà ɨmbə̀ʼ fɨso fi ə chwiə ni nyùmə̀ fɨso ənun fə chè i. Əghɨ ze nɨə sɨə nùnə̀, nɨ nyùmə̀ məd fə che i, ə bɨrɨ zambɨ nim.

Ikan feg

¹³ Icheg ne Ŋwiye kàri ikan gho̰ ane ikan feg, ze chwi gha nyùmə̀ ikan mbègtog fə chè. Aghi ze ne nyùmə̀ məd fə che, ze fə nùn. Ze biri bə zàmbi nim.

Mə̀Hibrù 8:13 Marejeleo ya Msalaba

Matìyò 24:35

Ɨkaŋ fɔrɨ si bɨrɨ chè, àyɨə chəi mɨ ɨŋgam bɨrɨ nɔ che ətu ə̀kǒ.

Lk 22:20

Ənɨ mbɨ nyaʼa fə jɨg màànɨ̀, wɨ̀ nyaʼa bə̀ nɨŋ toʼ mɨ̀nòʼ ghà ni, “Toʼ zɔ̂ yɨ fɨso fi fe nɨ Ŋwìə̀ san ənɨ mɨ ənəm ze nɨ mbɨ chəmnɨ ɨmbə̀ʼ əwən.

1 Kɔrèn 13:8

Chəi ɨghaʼi ə nɔ mìə̀. À yeʼ ɨmbə̀ʼ ənû nɨ gha ɨkə̂n Ŋwìə̀, zɨə bɨrɨ nwìə̀. À yeʼ ɨmbə̀ʼ ənû nɨ gham mɨŋgam rɨsɔ̀ʼɔ̀, zɨə bɨrɨ nwìə̀. À yeʼ ɨmbə̀ʼ ənû nɨ berɨ ɨwe, zɨə bɨrɨ bɨ nwìə̀.

2 Kɔrèn 3:6

Wɨ̀ fə ghɨ̀ ni tɨ̀ kuʼ nɨ fàʼ əton fɨso fi. Ka fɨso fi fe yɨ i əghɨ nɨ mbɨ ŋwaʼnɨ. Fɨso fe yɨ rɨ əmbɨ ə Əzwî. Tɨkə te nɨ mbɨ ŋwaʼnɨ tɨə yeʼe mbɨ ɨvɨ, àyɨə Əzwî ə zɨə nàʼ ɨ̀tènɨ̀.

2 Kɔrèn 5:17

Əze ə chwiə ni wə̀d mɔʼɔ mɨ yeʼ ənɨ ɨfɔtɨ mbɨ Kristo, məd yɨə sɨə wə̀d fi. Ɨnû ənun fə chè, mbɨ fi fə yeʼe.

Mə̀Hibrù 1:11

Si mbɨ ɨkaŋ bɨrɨ nim, àyɨə à bɨrɨ tènə̀. Si mbɨ ɨkaŋ bɨrɨ chə̀ə̀rɨ̀ ɨghabɨ ə ngywɨ̌.

Mə̀Hibrù 12:24

Mbə fə yeʼe əsɨ ə Yeso we nɨ nyaʼa yeʼe mbɨ fɨso fi. Mbə fə bə̀ yeʼe əsɨ ənəm ze nɨ mbɨ nyaʼa ŋwiirɨ. Ənəm ze ə zɨə ghà ənû nɨ bɔŋ chè əze nɨ ənəm ə Abèl ə nyaʼa ghǎ.

Mə̀Hibrù 7:22

Ɨchî nɨ Ŋwìə̀ nyaʼa kan əne, Yeso fə ghɨ̀ ni tɨ̀ berɨ fɨso fe nɨ bɔŋɨ chè.

Mə̀Hibrù 8:6

Àyɨə tɨ̀nîn ə̀fàʼì ze nɨ Ŋwìə̀ naʼ əmbɨ Yeso ə chè əzɨ mɨ̀mə̌d, àmei ɨchî nɨ fɨso fe nɨ məd yeʼe mbɨ fɨwən bə chè fɨso ə nun, ɨmbə̀ʼ ɨghəm nɨ fɨso fe ə berɨ ɨnû nɨ bɔŋ chè mbe nɨ yeʼ ɨŋga fɨso ənun.

Mə̀Hibrù 8:8

Àyɨə Ŋwìə̀ nyaʼa zə ɨbə əkaʼ mbi bə̂d, əne wɨ̀ nyaʼa gha ni, “Ə̀nùŋɨ̀sɨg ə ghà ni, ɨni bɨrɨ yeʼe, nɨ mə bɨrɨ san fɨso fi mbɨ ə bə̂d mɨ̀Izre fɔrɨ mbɨ mɨ̀Judà.

Mə̀Hibrù 9:15

Məd wɨ ɨŋga mɨgharə̀ Ŋwìə̀ mbɨ ə bə̂d ənɨ fɨso fi fe nɨ mbɨ sanɨ, ɨmbə̀ʼ bə̂d mbe nɨ Ŋwìə̀ nyaʼa tɔŋ ənɨ mbi jɨg ɨghɨ mbe nɨ wɨ̀ nyaʼa kaʼ əmbɨ mɨ̀mə̌d koŋ. Kristo nyaʼa kwɨ ɨmbə̀ʼ choʼ ɨtu mɨ̀mə̌d tɨ ənɨ ɨnû rɨbɔ̀ŋ mbe nɨ mbɨ nyaʼə ghɨ̀ əton fɨso rɨtu.