Mə̀Hibrù 12:25 - Meta’

²⁵ Mbə̀ zə ni tɨ mbə̀ ton ə məd we nɨə ghàm ɨ nən. À mɨ yeʼ nɨ chəi bə̂d mbe nɨ nyaʼa ton wə̀d we nɨ nyaʼa patɨ mɨ̀mə̌d ɨgwɨ ə si nyaʼa jwɨ rəŋgəʼ, njɨ tɨ̀ kɨə wo chè rɨ ye bɔŋ norɨ məd we nɨə patɨ əwa rɨkaŋ ə?

Ikan feg

²⁵ Mbə̀ pati awən imbə̀ʼ mbə̰ nɔ̀ʼ to̰ məd we ne ghàmà inən. Chəyi tì mbɔb ya chwed anyumə̀ ne mbi ya to̰ ni zug Muse ne yaya pàta awɔb igun isəg. Tì kə mə̀ to̰ awa ni zug məd we ne pàtà awa ikaŋ àbɔ̀ŋɔ, tì kə si chwed iye?

Mə̀Hibrù 12:25 Marejeleo ya Msalaba

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Matìyò 8:4

Yeso nyaʼa ghɨ̀ əne ghà ɨ bɔ ni, “Zə ni tɨ à gha əwe ənû zɔ̂ əmbɨ wə̀d mɔʼɔ, àyɨə ndə̀ wo chwi e ɨnyod əmbɨ wə̀d mbàn Ŋwìə̀, nàʼ əghɨ ə̀fà ze nɨ Mose nyaʼa sobɨ, ɨmbə̀ʼ bə̂d kyerɨ ni əpabɨ ze ə fə mì rɨ ɨgwɨ ne.”

Ɨ̀fàʼì 7:35

“À yɨə Mose wɔ̂ nɨ mbɨ nyaʼa ton əməd ghà ni, 'À kɨə we nuŋ əwe ənɨ ə wə̀d nɨə tùmbɨ̀ əwa bə̀ saʼ əwa ə'? Ŋwìə̀ nyaʼa tom əməd ni wɨ̀ tumbɨ mɨ̀Izre, mbɨ ni wɨ̀ chɨ mɨ̀mə̌d rəŋgəʼ ənjìm aŋgɨrə̀ we nɨ nyaʼa jwɨ ɨfě ɨ bɔ ɨŋga ətud.

1 Tèsàlonikà 5:15

Mbə̀ zə ni tɨ wə̀d mɔʼɔ rəbɔʼ nən wi i ɨbə ɨgwɨ ɨbə, àyɨə mbə kywɨ ənywɨ ghɨ̀ ɨ̀chɔ̀m ənɨ wə̀d mɔʼ mɔʼ bə̀ ghɨ̀ ənɨ ə wə̀d jìm.

2 Timotì 4:4

Mbɨ bɨrɨ zindɨ mbə ɨ̀tǒŋ nɨ zu ɨnû rəsìʼ. Əne mbɨ bɨrɨ bèŋ sɨə zwetɨə yeʼ tɨpoʼ əko.

Mə̀Hibrù 1:1

À nyaʼa əŋwe, Ŋwìə̀ nyaʼa chè ənjìm mbi bə̂d ɨ̀kə̀n ghàm əmbɨ mba mɨ̀mbǎʼ rəŋwe. Ɨ wɨə nyaʼə ghɨ̀ əne ɨghəm nɔnɔʼ bə̀ fɔrɨ ənɨ mɨchî nɔnɔʼ.

Mə̀Hibrù 11:7

À yɨ ɨbenɨ nyaʼa ghɨ̌ ni Noà zuunɨ ə Ŋwiə̀, əne tekɨ əbaŋ ɨgyɨ̀ ze nɨ nyaʼa chɨ ɨnəbɨ məd rəŋgəʼ. Wɨ̀ nyaʼa ghɨ̀ əne ənɨ Ŋwìə̀ nyaʼa fə patɨ əməd dè ɨnû mbe nɨ chəi wɨ̀ nyaʼa kɨrɨ zə. À yɨ ɨbenɨ məd nyaʼa ghɨ ni Ŋwìə̀ zɨ ɨsaʼi ɨgwɨ ɨsɨg. Əne Ŋwìə̀ nyaʼa nɨŋ ni məd wɨə ghɨ̀ ɨnû nɨ kuʼnɨ ənjìm ɨbenɨ.

Mə̀Hibrù 12:19

Chəi mbə̀ kɨrɨ zu gɨ̂ taŋ kɨ̀ bè zu ɨŋgam we nɨ nyaʼa ghamɨ. Ənɨ Ŋwìə̀ nyaʼa ghamɨ, bə̂d mbe nɨ nyaʼa zu nyaʼa buʼ ɨbɔ ni tɨ wɨ̀ wɨrɨ gham i,

Mə̀Hibrù 3:12

Mbə̀ we əwən, kyɨə bɔŋgɔb, ɨmbə̀ʼ tɨ wə̀d mɔʼɔ rəbɔʼ nən berɨ i fîŋ rɨbɔ̀ŋ nɨ chəi zɨ ben ə Ŋwiə̀, əne ghɨ̀ mbə̀ sàŋ Ŋwìə̀ we nɨ yeʼ ɨkǎ.

Mə̀Hibrù 3:17

À kɨ əbɔʼ mɨwe nɨ Ŋwìə̀ nyaʼa sə ɨtəm ɨghəm ɨwu ɨwum kwè ə? Kaʼ à wa kɨ i əbɔʼ bə̂d mbe nɨ nyaʼa ghɨ ɨnû rɨbɔ̀ŋ, əne gù kwɨrɨ ɨŋga ɨbad rɨkwàʼi ə?

Mə̀Hibrù 8:5

Ɨnû mbe nɨ mɨ̀mə̌d ə ghɨ̀ ɨŋga əsɨ ɨwumnɨ yɨ əmɨg bə̀ fɔrɨ əziŋ tɨ ənɨ mbe nɨ yeʼ ɨkaŋ. Ənɨ Mose nyaʼa kəb kod ɨŋwenɨ we, Ŋwìə̀ nyaʼa patɨ əməd ni, “Zə ni à tekɨ ɨghɨjìm ɨchî nɨ mə̀ nyaʼa chwi ɨ ne ɨkaŋ ɨwum.”

1 Pità 1:22

Mbə fə ghɨ tə fîŋ zeŋ ɨchî nɨ mbə̀ə ghɨ̀ ɨnû mbe nɨ yeʼ mbɨ rəsìʼ. Mbə mbɨə kàŋə̀ ghaʼə mbə bɔŋgɔb kwàʼ ɨchî chɔ̀m. Əne mbə̀ ghaʼ mɨ̀mə̌d kwàʼ rɨŋga fîŋ.

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.

Ɨnû 22:9

Àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì ɨghabɨ àwɔ̀. Mə yɨə bə ɨghabɨ mbe bɔŋgɔb mbe nɨ yeʼ bə̂d ɨ̀kə̀n Ŋwiə̀ bə̀ fɔrɨ ɨghabɨ mbe nɨə ghɨ̀ ɨnû mbe nɨ yeʼ ɨŋga ə̀ŋwàʼnɨ̀ zɔ̂. Wumnɨ ə Ŋwiə̀!”