Mə̀Hibrù 11:37 - Meta’

³⁷ Mbɨ nyaʼa tumbɨ mbɨ mɔʼɔ ənɨ əti, sandɨ mbɨ mɔʼɔ ɨba be ənɨ əsɔ̌, zwiirɨ mbɨ mɔʼɔ ənɨ ɨbi bid. Mbɨ mɔʼɔ mbɨə nyaʼə tìŋə̀ gôb rɨ njɨ̀g bə̀ tìŋə̀ gôb rɨ gywɨ ghanə yènə̀. Mbɨ mɔʼɔ mbɨə nyaʼa chub ənɨ ɨkwaŋ, mbɨ nwèndɨ̀ tɨkyerɨ-ɨwu mbɨ mɔʼɔ bə̀ chə mbɨ mɔʼɔ kwàʼ ɨchî rɨbɔ̀ŋ.

Ikan feg

³⁷ Mbi ya tumbi mbi mɔ̀ʼɔ ane ateg, bə̀ san mbin iba ibe ane ìsɔ. Mbi ya zweti mbi mɔ̀ʼɔ ane məbeg ibid. Mbi ya chɔʼ ibɔʼì ighog abə mbi mɔ̀ʼɔ, bə̀ chə mə̀mbin. Chəyi mbi mɔ̀ʼɔ ya ywirì bèrì ighi. Mbi yaya se zìyè gɔb njə̀g kə̀ gɔb gwi ane ndwi.

Mə̀Hibrù 11:37 Marejeleo ya Msalaba

Matìyò 21:35

Bə̂d mbe nɨ nyaʼa yim mbeŋ ze nyaʼa gywɨ̀ bə̂d ə̀fàʼì mbe, som wɨ fìbɨ̀, zwiirɨ wɨ fìbɨ̀, bə̀ tumbɨ wɨ fìbɨ̀ ənɨ əti.

Matìyò 3:4

Mbɨ nyaʼa tekɨ ngywɨ̌ rɨ Jɔ̌n ənɨ ə nyôŋ rɨ kàmel. Wɨ̀ nyaʼə kòd ɨ̀kɔ̀bɨ̀ gôb ənɨ i ɨkyerɨ. Ɨghɨjɨg məd yɨə nyaʼə ŋgwèmɨ mbɨ ə ju nɨ mbɨ nyaʼa kəʼ rɨŋga bǔʼ.

Matìyò 8:20

Yeso nyaʼa ghà ɨ bɔ ni, “Kyerɨ ni mɨ̀seŋə ə berɨ tə rɨbɨgɨ, tɨnən bə̀ berɨ tə kàn, àyɨə chəi Wan Wə̀d berɨ əsɨ nɨ nuŋ e ətu əŋgu.”

Lk 13:34

“Wəi! Jèrusalèm, Jèrusalèm! À wɨə zwiirɨə bə̂d ɨ̀kə̀n Ŋwiə̀ bə̀ tumbɨə mbe nɨ Ŋwìə̀ tom əsɨ nən ənɨ əti! À kɨ ɨghəm səʼə nɨ mə̀ fə kweʼ kə̀b ni njɨ mə fetɨ mbe bɔn ɨchî nɨ ɨŋgɔŋgub ə fetɨ mbi bɔn əton ti rɨbabɨ̀, àyɨə chəi à ben nɨ mə̀ ghɨ əne!

Ɨ̀fàʼì 14:19

Mɨ̀Jû mɔʼɔ nyaʼa nɔ̀ʼ rɨ ə Antiɔ̀k bə̀ nɔ̀ʼ rɨ ə Ikoniùm wò ə Listrà. Mbɨ nyaʼa pè fi ɨtu mɨnɔ̂n bə̂d mbe ni mbɨ beenɨ əbɔʼ nən. Əne mbɨ nyaʼa tumbɨ ə Pɔ̂l ənɨ əti. Mbɨ nyaʼa kɔndɨ ni wɨ̀ fə kwɨ, əne mbɨ nyaʼa sùŋ əməd rɨŋga Listrà chà ɨsɨg.

Ɨ̀fàʼì 7:52

À kɨə wə̀d ɨ̀kə̀n Ŋwìə̀ wi nɨ chəi mbə mɨ̀mbǎʼ rəŋwe nyaʼa nwendɨ tɨkyerɨ-ɨwu məd ə? Mbɨ nyaʼa zwiirɨ bə̂d mbe nɨ nyaʼa be ghà ni Wə̀d we nɨə ghɨ̀ ɨnû nɨ kùʼnɨ̀ bɨrɨ yeʼe. Tɨ̀nîn mbə fə fèn əməd mbɨ zwiirɨ.

2 Kɔrèn 12:10

À yɨ əton nɨ ɨmbə̀ʼ ə Kristo, mɨ fîŋ zɨ i ɨchî chɔ̀m mbɨ ɨghɨ mbe nɨə ghɨ̀ ni mə bɔd, mbɨ mɨzɔ̂m, mbɨ ɨnû mbe nɨə nyèm əmɨ, mbɨ ɨchî nɨ bə̂d ə nwèndɨ̀ tum rɨkyerɨ-ɨwu fɔrɨ mbɨ ɨchî nɨ ŋgəʼ nɔnɔʼ ə nyɨ ə ɨgwɨ num, ɨmbə̀ʼ ɨghəm nɨ ənɨ mə bɔrɨ, mə wɨ ɨkǎ.

Mə̀Hibrù 11:25

Wɨ̀ nyaʼa də̀b yeʼ nɨ zə ŋgəʼ mbɨ ə bə̂d Ŋwiə̀, chè ɨchî nɨ nɨŋ ɨkə nyumə̀ ghɨ̀ ɨnû rɨbɔ̀ŋ mbe nɨ nyamnyod ə feenɨə.

Mə̀Hibrù 13:3

Mbə̀ kɔndɨ bə̂d mbe nɨ yeʼ ə nəb ndəŋ, ɨghabɨ ni mbə mbɨ ə nəb ndəŋ mbɨ mɨ̀mə̌d. Mbə̀ kɔndɨ mbe nɨ mbɨə chəə mɨ̀mə̌d, ɨghabɨ ni mbə mbɨə zəə ŋgəʼ mbɨ mɨ̀mə̌d. Mbə̀ ghɨ̀ əne ɨmbə̀ʼ ɨghəm nɨ mbə̀ yɨə sɨə nyamnyod mɔʼ mbɨ mɨ̀mə̌d.

Ɨnû 11:3

Mə bɨrɨ naʼ ɨka əmbɨ mbɨ mɨ̀zərɨmbin mɨbe nɨ zɨ tɨkurɨ ɨdì, ni mbɨ wò ghà ɨkə̂n we nɨ mə̀ ghà əmbɨ mɨ̀mə̌d ɨni chuʼ fibɨ̀ mbɨ əkɨ əbe mbɨ ɨwum rɨ̀fuə.”