Mə̀Hibrù 10:39 - Meta’

³⁹ Chəi əwa əbɔʼ bə̂d mbe nɨə bèŋ rəbɔʼɔ. Tɨ̀ mɨ bèŋ rəbɔʼɔ njɨ tɨ̀ bɨrɨ nim. Tɨ̀ yɨ əbɔʼ bə̂d mbe nɨ benɨ, əne tɨ̀ fə jwɨ̀ rəŋgəʼ.

Ikan feg

³⁹ Chəyi tì yaʼi abɔ̀ʼ bəd mbe ne nìme imbə̀ʼ icheg ne mbi bə̀ndi anjìm. Mba ya abɔ̀ʼ bəd mbe ne pùmə imbə̀ʼ icheg ne tì nɔŋi ibḛfiŋ igun Ŋwiye.

Mə̀Hibrù 10:39 Marejeleo ya Msalaba

Mk 16:16

We nɨ benɨ, nɨŋ mɨnib, bɨrɨ jwɨ̀ rəŋgəʼ. Àyɨə Ŋwìə̀ bɨrɨ zɨ ɨsaʼi ɨgwɨ we nɨ chəi wɨ̀ benɨ.

Lk 11:26

Əne zɨə bɨrɨ wò nɨŋ ɨzwî rɨbɔ̀ŋ cherə sambe nɨ bə̌ chè əməd yeʼe mbɨ mbɨwən, mbɨ wò nyɨ chub ɨŋga nəb ze. Ŋgəʼ ze nɨ bɨrɨ nyɨ ɨgun ə wə̀d we bɨrɨ bə chè ze nɨ wɨ̀ nyaʼə beə zəə.”

Jn 17:12

Ənɨ mə nyaʼa mbɨ mɨ̀mə̌d, mə wɨə nyaʼə nəŋgɨ mɨ̀mə̌d ni tɨ əghɨ ə mɔʼɔ ə ghɨ i mɨ̀mə̌d. Mə wɨə nyaʼə ghɨ̀ əne ənɨ ɨka we nɨ nyaʼa yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Mə wɨə nyaʼə nəŋgɨ mɨ̀mə̌d, əne chəi wɨ mɔʼɔ rəbɔʼ mɨ̀mə̌d nyaʼa nimɨ kɨrɨ ənɨ we nɨ nyaʼa berɨ nim. Wɨ̀ nyaʼa nim ɨmbə̀ʼ ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ.

Jn 20:31

Àyɨə mbɨ ŋwaʼnɨ ɨnû yiirɨ mbɔ̂ ɨmbə̀ʼ mbə̀ ben ni Yeso yɨə Wə̀d we nɨ Ŋwìə̀ zɔʼɔ, yeʼ Wan Ŋwìə̀ bə̀ fɔrɨ ni mbə mɨ benɨ, mbə bɨrɨ jɨg ɨ̀tènɨ̀.

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Jn 6:40

Ənû ze nɨ mɨ Mbǎʼ kəbɨ yɨ ni bə̂d mɨ̀jìm mbe nɨ zə Wan, ben əməd, bɨrɨ jɨg ɨ̀tènɨ̀ rɨ mì. Mə bɨrɨ zwemnɨ mɨ̀mə̌d əni ze nɨ sɨ nwìə̀.”

1 Tèsàlonikà 5:9

Chəi Ŋwiə̀ nyaʼa chɔʼ əwa ɨmbə̀ʼ zɨ ŋgəʼ ɨgwɨ na. Wɨ̀ nyaʼa chɔʼ əwa yeʼ ni tɨ̀ bɨrɨ jwɨ rəŋgəʼ ənjìm a Ə̀nùŋɨ̀sɨg Yeso Kristo,

2 Tès 2:3

Tɨ mbə̀ ben ə ni wə̀d mɔʼɔ che ənɨ ɨkwɨ ɨnə̂njɨ̀ mɔʼɔ tambɨ əwən, ɨmbə̀ʼ ɨghəm nɨ chəi əni ze ə bɨrɨ kɨrɨ yeʼe pè ənɨ bə̂d mbe nɨ bɨrɨ ton ɨnû jìm ɨmbə̀ʼ ə Ŋwiə̀ fə yeʼe, wə̀d we nɨ ton ə Ŋwiə̀ bə̀ ton tɨkə rɨ məd bə̀ jwɨ̀ bə̂d zə. Məd yɨ we nɨ bɨrɨ nim.

1 Timotì 6:9

Àyɨə bə̂d mbe nɨə kəb berɨ ɨkab bɨrɨ nyɨ ɨŋga ə̀kwàʼnɨ̀ əne feŋ ɨŋga ətam ze nɨ bɨrɨ ghɨ ni mbɨ ghɨ ɨnû ɨneŋ nɔnɔʼ bə̀ ghɨ̀ ɨnû rɨbɔ̀ŋ mbe nɨ nyamnyod tɨ mɨ̀mə̌d ə feenɨə. Ɨnû rɨbɔ̀ŋ rəŋgu mbe tɨ mbɨ chəkɨ mɨ̀mə̌d bə̀ nimnɨ mɨ̀mə̌d,

Mə̀Hibrù 10:26

Tɨ̀ mɨ kyerɨ ɨnû rɨbɔ̀ŋ wɨrɨ ghɨ̀, ənɨ mbɨ fə ghɨ tɨ̀ kyerɨ rəsìʼ, njɨ tɨ̀ kyerɨ ni chəi əghɨ ə̀fà ə mɔʼɔ nɨ wɨrɨ bùʼ nɨ tɨ̀ zɨə ghɨ̀ Ŋwiə̀ waʼ ɨnû rɨbɔ̀ŋ.

Mə̀Hibrù 10:38

Wə̀d we nɨə ghɨ̀ ɨnû nɨ kuʼnɨ bɨrɨ chubɨ ɨkǎ ənjìm ɨbenɨ. Wɨ̀ mɨ bèŋ rəbɔʼɔ, ka mɨ fîŋ bɨrɨ bɔŋ i mbɨ məd.”

Mə̀Hibrù 11:1

Ɨbenɨ yɨ nɨ kyerɨ ni tɨ̀ bɨrɨ berɨ ɨghɨ mbe nɨ tɨə wòmə̀. À yɨ bə̀ nɨ kyerɨ ni tɨ̀ bɨrɨ berɨ ɨghɨ mbe nɨ chəi tɨə zəə.

1 Pità 1:5

Ŋwìə̀ fə chè ənjìm i ɨka kən əwən ɨchî nɨ mbə̀ nuŋ fîŋ ɨgun ə Kristo, ɨmbə̀ʼ mbə̀ jwɨ rəŋgəʼ əwu rənjìm.

2 Pità 3:7

À yɨə bə̀ àmei ənɨ ɨŋgam nɨ Ŋwìə̀ fə nuŋ ni tə bɨrɨ nimnɨ ɨkaŋ wɔ̂ nɨ yeʼ rɨ̀nîn bə̀ nimnɨ si zɔ̂ nɨ yeʼ rɨ̀nîn ɨŋga ɨwid. Ŋwìə̀ fə nùŋ ni ɨkaŋ mbɨ ə si chubɨ pè əni ze nɨ wɨ̀ bɨrɨ saʼ mɨ̀mə̌d bə̀ nimnɨ bə̂d mbe nɨ chəi mbɨə wumnɨ əməd.

1 Jɔn 5:16

Wə̀d mɔʼɔ mɨ zə wi aŋgɔb ənɨ wɨə ghɨ̀ ənû rɨbɔ̀ŋ ze nɨ chəi zɨə bɨrɨ ghɨ ni wɨ kwɨ, wɨ̀ kɔŋgɨ ə Ŋwìə̀ ni wɨ̀ naʼ ɨ̀tènɨ̀ ɨ bɔ. Mə wɨə ghà yeʼ mbe nɨə ghɨ̀ ɨnû rɨbɔ̀ŋ mbe nɨ chəi mbɨ bɨrɨ ghɨ ni wɨ̀ kwɨ. Ənû rɨbɔ̀ŋ ə mɔʼɔ ə zɨ əŋgu nɨə ghɨ̀ ni bə̂d kwɨ. Chəi mə̀ ghà ni wɨ̀ kɔŋgɨ ə Ŋwiə̀ ɨgwɨ ə bə̂d mbe nɨə ghɨ̀ ɨkwɨ ənû rɨbɔ̀ŋ we.

1 Jɔn 5:5

À kɨə we nɨ tɨ̀ wɨ̀ baŋ ɨsɨg ə? Àmei wə̀d we nɨ ben ni Yeso yɨə Wan Ŋwìə̀.

Ɨnû 17:11

Nyam kyeŋ ze nɨ nyaʼa kweʼ ɨkǎ, àyɨə zɨ̀ fə kwɨ, yɨ ɨfɔ̂n we nɨ pe ənɨ mbɨ famɨ. Məd yɨ wɨ mɔʼɔ rəbɔʼ mɨfɔ̀n mbe sambe. Zɨ̀ bɨrɨ wo əsɨ ze nɨ mbɨ bɨrɨ nimnɨ əməd.

Ɨnû 17:8

Nyam kyeŋ ze nɨ à nyaʼa zə nyaʼa kweʼ yeʼ ɨkǎ, àyɨə rɨ̀nîn zɨ̀ fə kwɨ. Zɨ̀ bɨrɨ kɔʼ jwɨ̀ rɨŋga ɨbɨgɨ we nɨ chəi ɨnwǐ, sɨ wò əsɨ ze nɨ mbɨ bɨrɨ nimnɨ əməd. Bə̂d mbe rɨ ɨgwɨ ə si nɨ chəi mbɨ ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ bɔŋ ə Ŋwìə̀ nyaʼa sɨə tekɨ ɨsɨg, mbɨ nyaʼa fə ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, bɨrɨ yiirɨ. Mbɨ bɨrɨ yiirɨ ɨmbə̀ʼ ɨghəm nɨ nyam ze nyaʼa kweʼ yeʼ ɨkǎ, tɨ̀nîn zɨ̀ fə kwɨ i, àyɨə zɨ̀ bɨrɨ wɨrɨ jwɨ̀.