Mə̀Hibrù 10:25 - Meta’

²⁵ Tɨ rɨ̀ waʼ a ənû nɨ kɨə fetɨ, ɨchî nɨ bə̂d mɔʼɔ ə ghɨ̀ə̀, àyɨə tɨ̀ timbɨ a ɨnyod mbǎ mbǎ. Mbə jeŋgɨ ghɨ̀ əne ɨchî nɨ mbə̀ zə ni əni ze nɨ Ə̀nùŋɨ̀sɨg bɨrɨ wɨrɨ yeʼe fə tiinɨ.

Ikan feg

²⁵ Imbə̀ʼ tì waʼ awa fìŋ ze ne tì beri ni ya fète asiŋi afibì icheg ne bəd mɔ̀ʼɔ fə waʼi. Anug ne tì beri ni ya fàʼà ya ni ya nə̀rə fìŋ abə wə̀d imɔʼ imɔʼ, bə̀ chè imbìghè ni taŋ ghì ane imbə̀ʼ icheg ne aneg ze ne Yeso biri bə̀ndì yeʼe ze se tìnde.

Mə̀Hibrù 10:25 Marejeleo ya Msalaba

Matìyò 10:15

Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.

Matìyò 18:20

ɨmbə̀ʼ ɨghəm nɨ əsɨ ze nɨ bə̂d mɨ̀be, kɨ̀ bə̂d mɨ̀tad fetɨ əŋgu ənɨ mɨ ɨkum, mə wɨ əkaʼ mɨ̀mə̌d.”

Jn 12:48

Wə̀d we nɨ ton əmɨ, nɨ chəi wɨə zu ɨnû mbe nɨ mɨə ghàə̀, berɨ wə̀d nɨ bɨrɨ saʼ əməd. Ɨnû mbe nɨ mə fə ghà bɨrɨ saʼ əməd əni ze nɨ sɨ nwìə̀.

Ɨ̀fàʼì 16:16

À nyaʼa əni ə mɔʼɔ nɨ tɨ̀ nyaʼə wò əsɨ ze nɨ mbɨ nyaʼə kɔŋgɨ ə Ŋwiə̀, wan əyi mɔʼɔ nɨ nyaʼa ə̀bòʼò nyaʼa yeʼe kumnɨ əwa. Əzwî rɨbɔ̀ŋ ə zɨə nyaʼa ɨŋga məd. Əzwî ze zɨə nyaʼə ghɨ̀ə̀ ni wɨ̀ gha ɨkwab. Əze ə nyaʼa ghɨ̀ ni bə̂d mbe nɨ berɨ ə̀bòʼò ze berɨ ɨkab.

Ɨ̀fàʼì 2:1

Ənɨ əni ə Pentekɔ̀s ə nyaʼa yeʼe kùʼ, bə̂d mɨjìm mbe nɨ nyaʼa ben ə Kristo nyaʼa fetɨ əsɨ ə mɔʼ.

Ɨ̀fàʼì 2:42

Mbɨ nyaʼa zɨ ətu ənɨ ɨnû mbe nɨ bə̂d tom Kristo nyaʼə chwiə. Ɨ mbɨə nyaʼa ənɨ ɨfɔtɨ, əne ɨ mbɨə nyaʼə bəʼrɨə ŋgə̀ŋ jɨg ɨnɔ̂n bə̀ kɔŋgɨ ə Ŋwiə̀ ɨnɔ̂n.

Ɨ̀fàʼì 20:7

À nyaʼa ɨgwɨ əni rɨtu ɨŋga kàb, tɨ̀ nyaʼa wò fetɨ ɨ jɨg Ɨtarɨ Ə̀nùŋɨ̀sɨg. Ɨchî nɨ Pɔ̂l nyaʼa kəbɨ ni tə bɨrɨ nɔʼ əni ze nɨ beenɨ, ɨ wɨə nyaʼə ghàmbɨ̀ə̀ mbɨ ə bə̂d mbe wò pè ɨzimɨ ka.

Rm 12:8

Ɨneʼe wə̀d mɔʼɔ mɨ yeʼ ni wɨ̀ timbɨ bə̂d, wɨ̀ bə tìmbɨ̀. Ɨneʼe wə̀d mɔʼɔ mɨ yeʼ ni wɨ̀ naʼ ɨghɨ əmbɨ ə bə̂d, wɨ̀ saŋnɨ. Ɨneʼe wə̀d mɔʼɔ mɨ yeʼ ni wɨ̀ tumbɨ bə̂d, wɨ̀ tumbɨ ənɨ i fîŋ jìm. Ɨneʼe wə̀d mɔʼɔ mɨ yeʼ ni wɨ̀ ghɨ ɨ̀chɔ̀m ənɨ ə bə̂d ŋgəʼ, wɨ̀ ghɨ̀ əne mbɨ ɨghaʼi.

1 Kɔrèn 11:20

Ənɨ mbə̀ bomnɨ, kaʼi Ɨtarɨ Ə̀nùŋɨ̀sɨg nɨ mbə̀ə jɨgə,

1 Kɔrèn 14:23

Ənɨ bə̂d mɨ̀jìm rɨŋga ɨfetɨ bə̂d Kristo yeʼe bòmnɨ̀, əne wə̀d jìm kɔ gham ɨŋgam rɨsɔ̀ʼɔ̀, ka bə̂d mbe nɨ chəi əbɔʼ ɨfetɨ we, kɨ̀ mbe nɨ chəi mbɨ ben ə Kristo nɨ yeʼe nyɨ, wa bɨrɨ gha ə ni mbə fə be ə?

1 Kɔrèn 14:3

Wə̀d we nɨə ghà ɨkə̂n Ŋwiə̀ wɨə ghàə̀ yeʼ əmbɨ ə bə̂d, ɨmbə̀ʼ mbɨ təm kàànɨ̀. Ɨkə̂n we wɨə tìmbɨ̀ mɨ̀mə̌d bə̀ nəərɨə mɨ̀mə̌d.

1 Kɔrèn 3:13

mbɨ bɨrɨ zə ə̀fàʼì əməd ɨchî nɨ wɨ̀ korɨ, ɨmbə̀ʼ ɨghəm nɨ Əni ze nɨ Kristo bɨrɨ wɨrɨ yeʼe pè saʼ ɨsɨg, ə bɨrɨ chwi ɨkwɨ nəb we nɨ wə̀d we korɨ. Ɨwid bɨrɨ du ə̀fàʼ ə wə̀d əsaŋ. Ɨwid we bɨrɨ zweʼrɨ ɨkwɨ ə̀fàʼì ze nɨ wə̀d mɔʼ mɔʼ fə fàʼi.

1 Kɔrèn 5:4

ənɨ ɨkum Yeso Kristo. Ənɨ mbə̀ fetɨ, əne mɨ əzwî mbɨ ɨka we nɨ a Ə̀nùŋɨ̀sɨg Yeso nyaʼa naʼ ɨ nən ə yeʼ mbɨ nən,

Fìlipì 4:5

Mbə̀ chwi əmbɨ wə̀d jìm ni mbə berɨ ɨbɔtɨ fîŋ. Ə̀nùŋɨ̀sɨg bɨrɨ zambɨ yeʼe.

1 Tèsàlonikà 4:18

Əne mbə nəərɨ wə̀d mɔʼ mɔʼ mbɨ ɨŋgam wɔ̂.

1 Tèsàlonikà 5:11

Əne mbə̀ timbɨ mbə bɔŋgɔb, ghɨ̀ ni ɨbenɨ wə̀d mɔʼ mɔʼ təm kàànɨ. Mbə̀ ghɨ əne àmei ɨchî nɨ mbə̀ə ghɨ̀ rɨ̀nîn.

Mə̀Hibrù 10:24

Tɨ̀ kɔndɨ ɨchî nɨ timbɨ əwa mbǎ mbǎ, ɨmbə̀ʼ tɨ̀ ghaʼ a ɨnyod bə̀ sɨə ghɨ̀ ɨnû chɔ̀m.

Mə̀Hibrù 10:37

Ə zɨ ɨŋga Ə̀ŋwàʼnɨ̀ ə Ŋwiə̀ ni, “À buʼ àmei ɨkə nyùmə̀, we nɨə yeʼe bɨrɨ yeʼe. Ka wɨ̀ bɨrɨ wɨrɨ tandɨ i.

Mə̀Hibrù 13:22

Mbɨ bɔŋgɔb, mə wɨə buʼ ɨbɔ ɨ nən ni mbə̀ nɨŋ ɨŋgam wɔ̂ nɨ mɨə tìmbɨ̀ əwən əŋgu ənɨ ə fîŋ chɔ̀m, ɨmbə̀ʼ ɨghəm nɨ chəi ə̀ŋwàʼnɨ̀ zɔ̂ nɨ mə ŋwaʼnɨ ɨ nən ə jeŋgɨ sà.

Mə̀Hibrù 3:13

Àyɨə mbə̀ kəərɨ əwən mbənə mbənə ɨni jìm, ɨchî nɨ mbɨə kɨrɨ tɔŋə əni ze ni, “Tə̀chɔ̀ŋ.” Mbə ghɨ əne ɨmbə̀ʼ tɨ ənû rɨbɔ̀ŋ ə mɔʼɔ ə tambɨ i əwən, əne ghɨ̀ tə fîŋ tu.

Jems 5:8

Mbə̀n bə̂, mbə̀ yim fîŋ ghɨ̀ ə ɨbenɨ kaanə ɨmbə̀ʼ ɨghəm nɨ Ə̀nùŋɨ̀sɨg bɨrɨ zambɨ yeʼe.

1 Pità 4:7

Ɨnwǐ ɨghɨjìm fə tiinɨ, əne mbə nuŋ mbə ɨtu mbɨ zeŋ bə̀ yimbɨ ə ɨnyod ɨmbə̀ʼ kyerɨ ɨchî nɨ kɔŋgɨ ə Ŋwiə̀.

2 Pità 3:11

Ɨchî nɨ Ŋwìə̀ bɨrɨ nimnɨ ɨghɨ mbɔ̂ jìm ɨchî wɔ̂, mbə̀ kɨə wo yeʼ ɨkwɨ bə̂d mbi ə? Mbə berɨ chub ɨzeŋɨ zeŋɨ bə̀ sweŋ ə ɨnyod əmbɨ ə Ŋwiə̀

2 Pità 3:14

Əne kyɨə bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbɨə wòm ɨnû mbɔ̂, mbə̀ kywɨ ənywɨ zə ni mbə̀ chub ɨzeŋɨ zeŋɨ ɨmbə̀ʼ tɨ Ŋwìə̀ zə i ɨgu ənû mɔʼɔ ɨgwɨ nən. Mbə̀ bə zə ni mbə̀ chub ənɨ əbɔrəbɔd mbɨ ə Ŋwiə̀.

2 Pità 3:9

Chəi Ə̀nùŋɨ̀sɨg ə kɨə chəkɨə nyumə̀ bɔŋ ghɨ ɨnû mbe nɨ wɨ̀ kaʼi, ɨchî nɨ bə̂d mɔʼɔ ə kɔndɨə ni ɨ wɨə chə̀kɨ̀ə̀. Àyɨə məd wɨə yimə fîŋ mbɨ nən ɨmbə̀ʼ ɨghəm nɨ chəi wɨ̀ kəb ni wə̀d mɔʼɔ nim. Wɨ̀ kə̀b yeʼ ni wə̀d jìm beŋ i fîŋ, waʼ mbi ɨnû rɨbɔ̀ŋ.

Jûd 1:19

Ɨ mbɨə ghàbrə̀ bə̂d. Ɨ mbɨə beenɨ əbɔʼ ɨnû mbe nɨ nyamnyod tɨ mɨ̀mə̌d ə kə̀bə̀. Chəi Əzwî ə Ŋwiə̀ ɨŋga mɨ̀mə̌d.