Lk 24:6 - Meta’

⁶ Chəi əməd əgha. Wɨ̀ fə zwemə. Mbə̀ kɔndɨ ənû ze nɨ wɨ̀ nyaʼa gha ɨ nən ənɨ wɨ̀ nyaʼa kɨrɨ ə Galiliî. Wɨ̀ nyaʼa ghà ni,

Ikan feg

⁶ Chəyi məd aŋa. Wì fə zwème. Mbə̀ wendi anug ze ne wì ya gha inən anyumə̀ we ne wì ya yaʼi tì inən a Galìli.

Lk 24:6 Marejeleo ya Msalaba

Matìyò 12:40

Ɨchî nɨ Jonà nyaʼa chub ɨŋga ɨbum ɨgwi kyeŋ ɨzi ɨtad mbɨ əzimɨ ətad, yɨə bə̀ ɨchî nɨ Wan Wə̀d bɨrɨ chub ɨzi ɨtad mbɨ əzimɨ ətad ɨŋga si.

Matìyò 16:21

Ɨ kɔ rɨ ənɨ ə nyùmə̀ we, Yeso nyaʼa kɔ ghǎ əmbɨ mbi mə̀mə̀ə̀nɨ̀-ɨnû ni tə berɨ wò ə Jèrusalèm pè jeŋgɨ zə ŋgəʼ ɨŋga rɨkyerɨ-ɨbɔ bə̂d kyeŋ mbe rɨŋga əbeŋ, ɨŋga rɨkyerɨ-ɨbɔ bə̂d kyeŋ mbe rɨ ə mbàn Ŋwìə̀ bə̀ fɔrɨ ɨŋga rɨkyerɨ-ɨbɔ məchwiə̀ rɨ̀kə̌. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.

Matìyò 27:63

Mbɨ nyaʼa pè ghà ɨ bɔ ni, “Masà, tɨ̀ fə wɨrɨ kɔndɨ ənû ze nɨ wə̀d mɨ̀ghab we nyaʼa ghǎ ənɨ wɨ̀ nyaʼa kɨrɨ i ɨkǎ. Wɨ̀ nyaʼa ghà ni, 'Ɨni mɨ chè ɨtad, mə bɨrɨ wɨrɨ zwemə.'

Matìyò 28:6

Chəi məd əgha. Wɨ̀ fə zwemə àmei ɨchî nɨ wɨ̀ nyaʼa gha ɨ nən. Mbə̀ yeʼe zə əsɨ ze nɨ mbɨ kəʼ boŋ əməd əŋgu.

Mk 16:6

Əjɔŋ ze ə nyaʼa ghà əmbɨ mɨ̀mə̌d ni, “Tɨ mbə̀ yiirɨ əwən ənû zɔ̂. Mbə mbɨə kə̀b ə Yeso we rɨ ə Nazàret, nɨ mbɨ nyaʼa kombɨ əzed ə baʼnɨ. Chəi məd əgha! Wɨ̀ fə zwemə! Mbə̀ zə əsɨ ze nɨ mbɨ nyaʼa boŋ əməd əŋgu.

Mk 8:31

Yeso nyaʼa kɔ chwi ɨnû əmbɨ mbi mə̀mə̀ə̀nɨ̀-ɨnû ni Wan Wə̀d berɨ jeŋgɨ zə ŋgəʼ, bə̂d kyeŋ mbe rɨŋga əbeŋ mbɨ ə bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ bɨrɨ ton əməd. Mbɨ bɨrɨ zwiirɨ əməd. Ɨni nɨə che tad wɨ̀ wɨrɨ zwemə.

Lk 24:34

Mbɨ nyaʼa ghà əmbɨ ə mbaŋə̀ te rɨ̀be ni, “À yɨ rəsìʼ ni Ə̀nùŋɨ̀sɨg fə zwemə! Wɨ̀ fə chwi i ɨnyod əmbɨ Saimòn!”

Lk 24:5

Ɨfeŋ nyaʼa yim məyi mbe, mbɨ bindɨ əne chəŋ mbə ɨtu ə si. Mbaŋə̀ te nyaʼa biirɨ əmbɨ mɨ̀mə̌d ni, “Mbə̀ kɨə kə̀bə̀ wə̀d we nɨ yeʼ ɨkǎ əkaʼ ɨvɨ bə̂d ɨmbə̀ʼ ə ye ə?

Lk 9:22

Wɨ̀ nyaʼa ghà ni, “Wan Wə̀d berɨ jeŋgɨ zə ŋgəʼ, bə̂d kyeŋ mbe rɨŋga əbeŋ, bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ bɨrɨ ton əməd. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.”

Lk 9:44

“Mbə̀ zu ɨŋgam wɔ̂ wɨ̀ jeŋgɨ nyɨ ɨŋga mbə ɨtu. Ɨŋgam rəŋgu yɨ ni mbɨ bɨrɨ fen Wan Wə̀d əmbɨ ə bə̂d.”

Ɨ̀fàʼì 2:24

Àyɨə Ŋwìə̀ nyaʼa zwemnɨ əməd ɨchî nɨ wɨ̀ nyaʼa ghɨ ni tɨ ɨvɨ berɨ i ɨka ɨgwɨ məd, ɨmbə̀ʼ ɨghəm nɨ chəi ɨvɨ nyaʼa berɨ ɨka nɨ yim əməd.

2 Tès 2:5

Chəi mbə̀ wɨrɨ kɔndɨ ni ənɨ mə nyaʼa mbɨ nən mə nyaʼa ghà ənû zɔ̂ ɨ nən ə?