Lk 22:3 - Meta’

³ Satàn nyaʼa nyɨ ɨŋga fîŋ Judàs we nɨ mbɨ nyaʼə tɔŋ ənɨ Iskàriɔ̀t, nɨ nyaʼa wɨ mɔʼɔ rəbɔʼ mə̀mə̀ə̀nɨ̀-ɨnû Yeso mbe wum chɔ̀b rɨ̀be.

Ikan feg

³ Ane, Sàtàn ya nyi inga fìŋ abə wə̀d mɔ̀ʼɔ abɔ̀ʼ mə̀mə̀nənùg mbe ìghum chɔ̀b ibe ne ikum məd ya Judàs Ikarìyɔ̀d.

Lk 22:3 Marejeleo ya Msalaba

Matìyò 10:4

Saimòn nɨ nyaʼə mɨ̀taku mbɨ Judàs Iskàriɔ̀t we nɨ nyaʼa fen ə Yeso.

Matìyò 26:23

Wɨ̀ nyaʼa wììrɨ̀ ni, “We nɨ fə zɨ əbɔ ɨŋga əkaŋ ə mɔʼ mbɨ num bɨrɨ fen əmɨ.

Matìyò 4:10

Yeso nyaʼa wììrɨ̀ ɨ bɔ ni, “Satàn, nɔʼ əwe rɨ ɨban num! Ə zɨ ɨŋga Ə̀ŋwàʼnɨ̀ ə Ŋwiə̀ ni, 'À berɨ wumnɨ Ə̀nùŋɨ̀sɨg e Ŋwìə̀, bə̀ fàʼ àmei ɨ bɔ.'”

Lk 22:21

Àyɨə mbə zə, wə̀d we nɨ fen əmɨ wɨ əgha ɨgun ə tebrə̀ jɨgə mbɨ num.

Lk 6:16

Judàs we nɨ nyaʼə wan Jems, mbɨ Judàs Iskàriɔ̀t we nɨ nyaʼa fen əməd.

Jn 12:6

Wɨ̀ nyaʼa ghà ənû zɔ̂ kaʼi ɨmbə̀ʼ ɨghəm nɨ wɨ̀ nyaʼa zɨ ətu nɨ nəŋgɨ bə̂d ɨkwaŋ. Wɨ̀ nyaʼa ghà ɨmbə̀ʼ ɨghəm nɨ məd yɨə nyaʼə ɨjɨ, fɔrɨ ni ɨchî nɨ ə̀bàm ɨkab ə nyaʼa ɨ bɔ, wɨ̀ nyaʼə mɨ̀ə̀ chɨ̀ ɨkab rəbɔʼ we nɨ mbɨ nyaʼa zɨ ɨŋga ə̀bàm ze ghɨ̀ mbi ɨnû əŋgu.

Jn 13:18

“Chəi mɨə ghà ɨnû mbɔ̂ ɨmbə̀ʼ mbə̀n mɨjìm. Mə kyerɨ bə̂d mbe nɨ mə̀ fə chɔʼɔ. Àyɨə ənû ze nɨ yeʼ ɨŋga Ə̀ŋwàʼnɨ̀ ə Ŋwiə̀ ə berɨ jwɨ ənɨ rəsìʼ ni, 'Wə̀d we nɨ nyaʼa jɨgɨ mbɨ num fə bèŋ ənɨ mɨ wə̀d pə̀n'.

Jn 13:2

Ənɨ Yeso mbɨ mbi mə̀mə̀ə̀nɨ̀-ɨnû nyaʼə jɨgə tɨjɨg rɨ ɨkwirɨ, Debɨ̀rə̀ nyaʼa fə zɨ̀ ɨkɔndɨ ɨŋga fîŋ Judàs Iskàriɔ̀t, nɨ yeʼ wan Saimòn, ni wɨ̀ fen ə Yeso.

Ɨ̀fàʼì 5:3

Ənɨ wɨ̀ nyaʼa nùŋ əne, Pità nyaʼa biirɨ ɨ bɔ ni, “Ànàniàs, əton nɨ à saŋ ni Satàn nyɨ ɨŋga e fîŋ ghɨ̀ ni à ghà mɨghab əmbɨ Əzwî ə Zeŋɨ, əne nùŋ əba rɨ ənɨ ɨkab we nɨ à fen əsɨ ə si ze, kɨ ɨmbə̀ʼ ə yè ə?