Lk 14:17 - Meta’

¹⁷ Nyùmə̀ nɨ jɨg əchwɨ̂ ze ə nyaʼa kùʼ, əne wɨ̀ nyaʼa tom i wə̀d ə̀fàʼì ni wɨ̀ wo ghà əmbɨ ə bə̂d mbe nɨ wɨ̀ nyaʼa won ni, 'Mbə̀ yeʼe, ɨghɨjìm fə sɨ i ə si.'

Ikan feg

¹⁷ Nyùmə̀ ya kòʼ ane iteri we, wì cha wə̀d àfàʼì məd gha wì kàri bəd mbe ne məd ya kàʼi gha, ‹Mbə̀ yeʼe. Ighi ijìm fə se aseg.›

Lk 14:17 Marejeleo ya Msalaba

2 Kɔrèn 5:18

Ɨnû mbɔ̂ jìm yɨ rɨ əmbɨ ə Ŋwiə̀. Wɨ̀ nyaʼa chè ənjìm ə Kristo màànɨ̀ taŋ mbɨ na. Wɨ̀ fə nàʼ ə̀fàʼì ze nɨ maanɨ taŋ ɨ na ni tɨ̀ sɨə fàʼə̀.

Ɨ̀fàʼì 13:26

“Mbɨ bɔŋgɔb, nɨ yeʼ bɔn tɨ ənɨ əghaŋ ə Abràham, mbɨ mbə̀n mbe nɨ kaʼi mɨ̀Jû nɨə wumnɨ ə Ŋwiə̀, ɨkə̂n we ni Ŋwìə̀ fə chɨ̀ əwa rəŋgəʼ fə yeʼe ɨ na.

Jn 7:37

À nyaʼa əni ze nɨ sɨ nwìə̀, nɨ nyaʼa əni ə kyeŋ ənɨ mbɨ nyaʼə jɨg əchwɨ̂ ze, Yeso nyaʼa nɔ̀ʼ təm rətiə ghàm rɨ̀kǎ ni, “Ədɔʼ ə mɨ ne wə̀d mɔʼɔ, wɨ̀ yeʼe əsɨ num mə̀ naʼ mɨnib ɨ bɔ wɨ̀ nɔ.

Lk 14:16

Ənɨ wɨ̀ nyaʼa gha əne, Yeso nyaʼa ghà ɨ bɔ ni, “Wə̀d mɔʼɔ nyaʼa kàʼ əchwɨ̂ ə kyeŋ ə mɔʼɔ, won bə̂d mɨ̀nɔnɔʼ.

Lk 14:18

Àyɨə mɨ̀mə̌d mbe mɨjìm nyaʼa kɔ naʼ ɨŋgam ɨmbə̀ʼ əton nɨ chəi mbɨ bɨrɨ wò. Wɨ̀ rɨtu nyaʼa ghà ɨ bɔ ni, 'Mə fə zon mbeŋ fi, əne mə berɨ wo zə mbeŋ ze. Mə buʼ ɨbɔ ɨ ne ni chəi mə̀ bɨrɨ yeʼe.'