Lk 13:13 - Meta’

¹³ Wɨ̀ nyaʼa ghà əne, zab mbi ɨbɔ ɨgwɨ məd. Àmei əwu əwən, ɨnyod əyi we nyaʼa sèmə̀, wɨ̀ yiirɨ ə Ŋwiə̀.

Ikan feg

¹³ Anyumə̀ ne wì ya gha ane, wì ya nɔ̀ŋì ìmbi ibo igun məd. Kwàʼ anyumə̀ we, nyɔd məd sèmbè. Wì se ghùmnə Ŋwiye.

Lk 13:13 Marejeleo ya Msalaba

Matìyò 9:8

Ənɨ mɨnɔ̂n bə̂d mbe nyaʼa zə ənû ze, mbɨ nyaʼa bɔ, əne yiirɨ ə Ŋwiə̀ ɨchî nɨ wɨ̀ naʼ ɨkwɨ ɨka wɔ̂ əmbɨ ə bə̂d.

Mk 16:18

mbɨ bɨrɨ yim jɔ ənɨ mbə ɨbɔ; mbɨ mɨ nɔ ɨniʼi, ka wɨ̀ bɨrɨ ghɨ i ənû ə mɔʼɔ ənɨ mɨ̀mə̌d; mbɨ bɨrɨ zab mbə ɨbɔ ɨgun ə bə̂d əwɔn, mbɨ bɔtɨ.”

Mk 5:23

buʼ ɨbɔ ɨ bɔ ənɨ i fîŋ jìm ghà ni, “Mɨ wan əyi kwa wɨə wɔ̀nə̀. Ɨ wɨə sɨə wo kwɨ. Mə buʼ ɨbɔ ni à yeʼe zab mbe ɨbɔ ɨgwɨ məd, ɨmbə̀ʼ wɨ̀ bɔtɨ wɨrɨ chub ɨkǎ.”

Mk 6:5

Chəi wɨ̀ nyaʼa ghɨ̌ ənû ə yiirɨ ə mɔʼɔ əŋgu, chè rɨ ənɨ ɨchî nɨ wɨ̀ nyaʼa zab mbi ɨbɔ ɨgun ə bə̂d əwɔn mɔʼɔ rɨpiî, vɨ̀ mɨ̀mə̌d.

Mk 8:25

Yeso nyaʼa wɨrɨ yì bètɨ̀ əghə ə mbaŋə̀ ze. Ənɨ wɨ̀ nyaʼa bètɨ̀ əne, mbaŋə̀ ze nyaʼa sɔ̀ŋgɨ̀ əghə neŋ ɨsɨ, əne əghə əməd ə nyaʼa zeŋ, wɨ̀ zə ɨghɨjìm kwàʼ ɨchî chɔ̀m.

Lk 13:12

Ənɨ Yeso nyaʼa zə əməd, wɨ̀ nyaʼa tɔŋ əməd ghà ɨ bɔ ni, “Əyî, Ŋwìə̀ fə chɨ̀ əwɔn zɔ̂ rɨ ɨgwɨ ne.”

Lk 18:43

Àmei əwu əwən, wɨ̀ nyaʼa wɨrɨ kɔ zə ɨsɨ, əne wɨ̀ nyaʼa nɔʼ beenɨ əbɔʼ ə Yeso, yènə̀ yiirɨ ə Ŋwiə̀. Bə̂d mɨjìm mbe nɨ nyaʼa zə ənû ze nyaʼa bə̀ yiirɨ ə Ŋwiə̀.

Lk 4:40

Ənɨ nyùmə̀ nyaʼa sɨə wo nyɨ ɨkòb, bə̂d mɨ̀jìm mbe nɨ nyaʼa berɨ bə̂d nɨ nyaʼə wɔ̀nə̀ tɨkwɨrɨ əwɔn jìm, nyaʼa nɨŋ bə̂d əwɔn mbe wò əsɨ məd. Wɨ̀ nyaʼa zab mbi ɨbɔ ɨgun mɨ̀mə̌d, vɨ mɨ̀mə̌d.

Ɨ̀fàʼì 9:17

Əne Ànàniàs nyaʼa wò nyɨ ɨŋga nəb ze, pè zab mbi ɨbɔ ɨgwɨ məd, ghà ni, “Aŋgɔb Sɔ̂l, Ə̀nùŋɨ̀sɨg Yeso we nɨ kəʼ jwɨ̀ ənɨ e ɨfě ənɨ a kə̀ʼ yeʼe əgha, fə chà əmɨ əsɨ ne ɨmbə̀ʼ à wɨrɨ zə ɨsɨ, Əzwî ə Zeŋɨ ə swi ɨŋga ne.”