Lk 10:42 - Meta’

⁴² Əghɨ nɨ mbɨə kə̀bə̀ mei ze ə mɔʼ. Mèri fə chɨ̀ əba ə chɔ̀m ni chəi mbɨ bɨrɨ nɨŋ rɨ bɔ.”

Ikan feg

⁴² Aghi amɔʼ ze angu ne àghò kòʼi ni bèrì. À ya àzewən ze ne Mèri fə də̀bi. Ane, chəyi tì mbi ywìrì niŋ ibo.”

Lk 10:42 Marejeleo ya Msalaba

Mk 8:36

Njìm ze nɨ wə̀d bɨrɨ jɨg kɨə ye əwù ze nɨ wɨ̀ berɨ ɨsɨg wɔ̂ jìm əne sam i ɨ̀tènɨ̀ ə?

Lk 10:39

Màta we nyaʼa berɨ wi aŋgɔb mɔʼɔ nɨ ɨkum məd nyaʼə Mèri. Mèri we nyaʼa chub ɨban ɨwu Ə̀nùŋɨ̀sɨg zwetɨ ənû mbe nɨ wɨ̀ nyaʼə chwiə,

Lk 11:1

Yeso wɨə nyaʼə kɔ̀ŋgɨ̀ ə Ŋwiə̀ əsɨ ə mɔʼɔ. Ənɨ wɨ̀ nyaʼa màànɨ, ə̀mə̀ə̀nɨ̀-ɨnû məd mɔʼɔ nyaʼa ghà ɨ bɔ ni, “Ə̀nùŋɨ̀sɨg, chwi ɨchî nɨ mbɨə kɔ̀ŋgɨ̀ ə Ŋwiə̀ ɨ na, àmei ɨchî nɨ Jɔ̌n nyaʼa chwi əmbɨ mbi mə̀mə̀ə̀nɨ̀-ɨnû.”

Lk 12:20

Àyɨə Ŋwiə̀ nyaʼa ghà ɨ bɔ ni, 'Àwɔ̀ yɨ əneŋ! Mə bɨrɨ nɨŋ e ɨ̀tènɨ̀ ɨzimɨ wɔ̂. Əne à kɨə we bɨrɨ berɨ ɨghɨjìm mbe nɨ à tekɨ nùŋ ə?'

Lk 12:33

Mbə̀ fendɨ mbə ɨghɨ, nàʼ ɨkab we əmbɨ ə bə̂d ɨkwaŋ. Mbə berɨ tɨtagɨ nɨ ka tɨ bɨrɨ nun i. Mbə̀ bə̀ nùŋ ə mbɔ̂n ɨkaŋ əsɨ ze nɨ chəi zɨ̀ bɨrɨ mì, nɨ chəi ənɨ tɨ̀ ɨjɨ tindɨ ɨban bə̀ fɔrɨ ənɨ chəi ənɨ tɨ̀ ɨsəʼɨ chə̀kɨ̀.

Lk 16:2

Wə̀d mbɔ̂n we nyaʼa zu əne, tɔŋ əməd biirɨ ɨ bɔ ni, 'À kɨ ənû ə ye nɨ mɨə zu ɨmbə̀ʼ əwe ə? Nɨŋ mbe ɨ̀ŋwàʼnɨ̀ yeʼe chwi ɨchî nɨ àwɔ̀ ə nəŋgɨ mbɨ ɨghɨ, ɨmbə̀ʼ ɨghəm nɨ chəi à bɨrɨ wɨrɨ nəŋgɨ mbɨ ɨghɨ.'

Lk 16:25

Àyɨə Abràham nyaʼa ghà ni, 'Wân, kɔndɨ ni ənɨ à nyaʼa ɨkǎ, à nyaʼa berɨ ɨghɨ chɔ̀m, àyɨə Lazarɔ̀s nyaʼa berɨ ɨghɨ rɨbɔ̀ŋ. Tɨ̀nîn məd wɨ ɨŋga chɔ̀m əgha, àyɨə àwɔ̀ wɨ əŋgəʼ.

Lk 18:22

Ənɨ Yeso nyaʼa zu ənû zɔ̂, wɨ̀ nyaʼa ghà ɨ bɔ ni, “À kɨrɨ kwaŋ əghɨ ə mɔʼɔ. Ndə̀ wo fèndɨ̀ ɨghɨjìm mbe nɨ à berɨ, ghàpɨ̀ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Lk 8:18

“Əne mbə̀ we əwən ɨchî nɨ mbə̀ə zu ɨnû, ɨmbə̀ʼ ɨghəm nɨ wə̀d we nɨ berɨ ɨghɨ, mbɨ bɨrɨ naʼ mbɨ cherə ɨ bɔ, wɨ̀ sɨ berɨ mbɨ nɔʼ. Àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ kɔndɨ ni tə berɨ, mbɨ bɨrɨ nɨŋ rɨ bɔ.”

Jn 11:1

Mbaŋə̀ mɔʼɔ nɨ ɨkum məd nyaʼə Lazarɔ̀s nyaʼə wɔ̀nə̀. Wɨ̀ nyaʼə chub ə Betanì mbɨ ti njàbɨ nɨ tɨkum tɨ mɨ̀mə̌d nyaʼə Mèri mbɨ Màta.

Jn 11:19

Mɨ̀Jû nɔnɔʼ nyaʼa nɔ̀ʼ rɨ ə Jèrusalèm wò əsɨ Màta mbɨ Mèri ɨ nəərɨ mɨ̀mə̌d ɨmbə̀ʼ ɨchî nɨ nobɨ mɨ̀mə̌d nyaʼa kwɨ.

Jn 12:3

Ənɨ mbɨ nyaʼə jɨgə, Mèri nyaʼa nɨŋ əkwirɨ ə chəŋ mɨwud əka ɨnùn nɨ mbɨ nyaʼa tekɨ àmei ənɨ ə naàd, zɔʼ ɨwu Yeso əŋgu, bə̀ fu ənɨ ti nyôŋ rɨ ətu. Ɨfɔ rɨ ənɨ mɨwud mbe nyaʼa ghɨ̀ ni nəb ze jìm sɨə nyùʼrɨə.

Jn 17:3

Ɨ̀tènɨ̀ rɨ mì yɨ ni bə̂d kyerɨ əwe, àwɔ̀ we nɨ yeʼ mei we mɔʼ nɨ yeʼ Ŋwìə̀ rəsìʼ. Ɨ̀tènɨ̀ rɨ mì yɨə bə ni bə̂d kyerɨ ə Yeso Kristo we nɨ à nyaʼa tomɨ.

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Jn 5:24

“Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Jn 6:27

Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

1 Kɔrèn 13:3

Mə mɨ nàʼ ɨghɨjìm mbe nɨ mə̀ berɨ əmbɨ ə bə̂d ɨkwaŋ, bə̀ nàʼ ka àbei mɨ ɨnyod ni mbɨ tɔn ə, àyɨə chəi mə̀ ghaʼ bə̂d, chəi mə̀ bɨrɨ jɨg əghɨ ə mɔʼɔ rəŋgu.

Gàlesìyà 5:6

Ɨchî nɨ tɨ̀ yeʼ ənɨ ɨfɔtɨ mbɨ Kristo, əne chəi ənû nɨ mbɨ ne wə̀d kɨ̀ ənû nɨ chəi mbɨ ne wə̀d ə berɨ ənû ə mɔʼɔ nɨ ghɨ̀. Ənû ə kyeŋ yɨ nɨ chwi ni tɨ̀ fə nuŋ fîŋ ɨgun ə Kristo ɨchî nɨ tɨə ghaʼə bə̂d.