Kòlosè 1:6 - Meta’

⁶ nɨ fə yeʼe ɨ nən. Ɨkə̂n chɔ̀m wɔ̂ wɨə kwiə bə̀ ghɨ̀ə̀ ni bə̂d mɨ̀jìm ɨŋga ɨsɨg ghɨ ɨnû mbe nɨ Ŋwiə̀ kəbɨ, àmei ɨchî nɨ mbə nyaʼa fə bə̀ fə kɔ ghɨ̌, kɔ rɨ əni ze nɨ mbə̀ nyaʼa zu bə̀ kyerɨ rəsìʼ ɨmbə̀ʼ ɨ̀chɔ̀m Ŋwiə̀.

Ikan feg

⁶ Ikən chɔm gho̰ we kwèghe isiŋi ijìm bə̀ ghìyə̀ gha bəd se ghìyə̀ inug mbe ne Ŋwiye kə̀bi kwàʼ icheg mbə̰ mbe bə̀ ghìyə̀. Nɔ̀ʼ ane aneg mbègtog ne mbə̀ ya zughi bə̀ kyèri tesiʼ imbə̀ʼ ìchɔ̀mì Ŋwiye, mbə̰ ya ko ni se ghìyə̀ inug icheg ne Ŋwiye kə̀bi.

Kòlosè 1:6 Marejeleo ya Msalaba

Matìyò 24:14

Bə̂d bɨrɨ gha ɨkə̂n chɔ̀m wɔ̂ ɨmbə̀ʼ ənû ɨfɔ̀n rɨkaŋ ɨŋga ɨsɨg jìm, ɨmbə̀ʼ ɨbeŋ jìm zu. Mbɨ mɨ ghɨ̀ əne, ɨnwǐ ɨsɨg bɨrɨ sɨ yeʼe.

Matìyò 28:19

Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ.

Mk 16:15

Wɨ̀ nyaʼa ghà əmbɨ mɨ̀mə̌d ni, “Mbə̀ wo ɨŋga ɨsɨg jìm, wò ghà ɨkə̂n chɔ̀m əmbɨ ə bə̂d mɨ̀jìm.

Mk 4:8

Tɨ mɔʼɔ nyaʼa feŋ ɨŋga si chɔ̀m. Tɨ nyaʼa kwi bə̀ kɔ rɨtam nɔnɔʼ. Tɨ mɔʼɔ nyaʼa kɔ rɨtam ɨwum ɨtad, tɨ mɔʼɔ kɔ ɨwum rɨ̀fuə, tɨ mɔʼɔ kɔ ɨkɨ fibɨ̀.”

Jn 15:16

Kaʼi mbə̀nə nyaʼa chɔʼ əmɨ. À yɨə mɔ̌ nyaʼa chɔʼ əwən tom ni mbə̀ wo kɔ rɨtam, nɨ yeʼ rɨtam te nɨ bɨrɨ ten i koŋ. Mbə mɨ ghɨ̀ əne, Mbǎʼ bɨrɨ naʼ əghɨ ə mɔʼɔ ze nɨ mbə̀ biirɨ ɨ bɔ ənɨ mɨ ɨkum.

Jn 17:19

Mə fə sweŋ mɨ ɨnyod ɨ ne ɨmbə̀ʼ ɨghəm mɨ̀mə̌d, ɨmbə̀ʼ mbɨ bə kàŋ sweŋ ə ɨnyod ɨ ne ənjìm e ɨŋgam we nɨ yeʼ ɨŋgam rəsìʼ.

Jn 4:23

Nyùmə̀ wɨə yeʼe, əne wɨ̀ fə yeʼe i, nɨ bə̂d bɨrɨ wumnɨ ə Mbǎʼ ɨchî nɨ Əzwî ə chwiə. Zɨə bɨrɨ yeʼ ni mbɨ wumnɨ əməd ɨchî nɨ wɨ̀ yeʼ ə. Bə̂d mbe nɨə ghɨ̀ əne mbɨə wumnɨ ə Mbǎʼ ɨchî nɨ wɨ̀ kə̀bɨ ni mbɨ wumnɨ əməd.

Ɨ̀fàʼì 11:18

Ənɨ mbɨ nyaʼa zu ənû zɔ̂, chəi mbɨ nyaʼa wɨrɨ berɨ ənû ə cherə nɨ ghà. Əne mbɨ yiirɨ ə Ŋwiə̀, ghà ni, “Ŋwìə̀ fə bə̀ nàʼ əpan əmbɨ bə̂d mbe nɨ kaʼi mɨ̀Jû ni mbɨ beŋ tə fîŋ jɨg ɨ̀tènɨ̀.”

Ɨ̀fàʼì 12:24

Ɨŋgam Ŋwiə̀ wɨə nyaʼə jàŋə̀ wò ɨmbì. Bə̂d mɨ̀nɔnɔʼ nyaʼa zu benɨ.

Ɨ̀fàʼì 16:14

Əyi mɔʼɔ rəbɔʼ mbe nɨ nyaʼa zu ɨnû mbe nɨ tɨ̀ nyaʼə ghàə̀ yɨə Lidià. Wɨ̀ yɨə nyaʼa rɨ ə Tìatirà. Ɨ wɨə nyaʼə fènə̀ ngywɨ̌ əka ɨnun. Ɨ wɨə nyaʼə bə̀ wumnɨ ə Ŋwiə̀. Ə̀nùŋɨ̀sɨg nyaʼa fiʼ fîŋ məd ni wɨ̀ zɨ ətu ənɨ ənû ze nɨ Pɔ̂l nyaʼə ghàə̀.

Ɨ̀fàʼì 26:18

ni à fiʼ əghə mɨ̀mə̌d ɨmbə̀ʼ mbɨ jwɨ rɨŋga ɨsɨ firɨ wò ɨŋga ɨzeŋɨ zeŋɨ, bə̀ jwɨ̀ rɨ əsɨ ze nɨ Satàn ə tùmbɨ̀ə̀ wo əsɨ ə Ŋwiə̀. Mbɨ mɨ ghɨ̀ əne, Ŋwìə̀ bɨrɨ waʼ ɨnû rɨbɔ̀ŋ mɨ̀mə̌d bə̀ nùŋ mɨ̀mə̌d əkaʼ bə̂d mbe nɨ wɨ̀ fə zeŋnɨ ɨmbə̀ʼ ɨchî nɨ mbɨ nuŋ tə fîŋ ɨgwɨ num.'

Rm 1:13

Mbɨ bɔŋgɔb, mə kə̀b ni mbə̀ kyerɨ ni mə wɨə nyaʼə kàŋə̀ kə̀b nɨ yeʼe əsɨ nən ɨghəm nɔnɔʼ, àyɨə ɨnû mɔʼɔ nyaʼa kən əmɨ. Mə nyaʼa kəb yeʼe ɨmbə̀ʼ mə̀ ghɨ ni bə̂d mɔʼɔ rəkaʼ nən ben ə Ŋwiə̀, àmei ɨchî nɨ mə nyaʼa bə̀ ghɨ̀ əkaʼ bə̂d cherə mbe nɨ kaʼi mɨ̀Jû.

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

Rm 15:28

Ənɨ mə fə maanɨ ə̀fàʼì zɔ̂, nàʼ ɨkab we nɨ mə̀ fetɨ əmbɨ mɨ̀mə̌d, mə bɨrɨ che mo əwən bɔŋ sɨə wò ə Speìn.

Rm 16:26

Tɨ̀nîn mbɨ fə toʼ ɨnû mbe əsaŋ ənjìm ɨ̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwàʼnɨ̀ ghɨ̀ ni ɨbeŋ ɨjìm kyerɨ. Ŋwìə̀ we nɨ ten i koŋ nyaʼa fə sob əne, ɨmbə̀ʼ ɨbeŋ jìm ben əməd bə̀ zuunɨ əməd.

2 Kɔrèn 10:14

Chəi tɨ̀ nyaʼa chè ɨ̀nə̀rɨ̀ ənɨ tɨ̀ nyaʼa yeʼe əsɨ nən. Tɨ̀ yɨə bə̂d rɨtu nɨ nyaʼa yeʼe əsɨ nən mbɨ ɨkə̂n chɔ̀m ɨmbə̀ʼ ə Kristo.

2 Kɔrèn 6:1

Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

Efesùs 3:2

Mə kyerɨ ni mbə fə zu ɨmbə̀ʼ ə̀fàʼì ze nɨ Ŋwìə̀ chɔʼ əmɨ naʼ ɨ num. Wɨ̀ nyaʼa chɔʼ əmɨ ni mə̀ gha ɨmbə̀ʼ ɨ̀chɔ̀m we nɨ wɨ̀ ghɨ ənɨ ə nən.

Efesùs 4:21

Mə kyerɨ ni mbə nyaʼa fə zu ɨmbə̀ʼ əməd. Mə bə̀ kyerɨ ni mbɨ nyaʼa bə̀ chwi ɨnû ɨ nən ɨmbə̀ʼ əməd nɨ yeʼ ɨnû rəsìʼ ɨmbə̀ʼ ə Yeso.

Efesùs 4:23

Mbə saŋə ni Ŋwìə̀ ghɨ tə fîŋ bə̀ ghɨ̀ tə rɨkɔndɨ beŋ ənɨ rɨ fi,

Efesùs 5:9

ɨmbə̀ʼ ɨghəm nɨ ɨzeŋɨ zeŋɨ mɨ yeʼə te ɨgun ə bə̂d, mbɨ bɨrɨ ghɨ ɨnû nɨ bɔŋɨ bə̀ kuʼnɨ bə̀ yeʼ mbɨ rəsìʼ.

Fìlipì 1:11

Àmei Yeso Kristo we tɨ wɨ̀ ghɨ̀ ni mbə̀ ghɨ ɨnû ɨchî nɨ kuʼnɨ, ɨmbə̀ʼ bə̂d wumnɨ ə Ŋwiə̀ bə̀ yiirɨ əməd.

Fìlipì 4:17

Chəi mə̀ gha əne ɨmbə̀ʼ ɨghəm nɨ mə̀ kəb ni mbə naʼ ɨghɨ ɨ num. Mə kə̀b yeʼ ni Ŋwìə̀ chwɨ əwən ɨchî nɨ mbə̀ weerɨ əmɨ.

Kòlosè 1:10

Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

Kòlosè 1:23

Mbə berɨ chè ɨmbì yim ə ɨbenɨ bə̀ təm ɨŋga ɨbenɨ we kàànɨ̀. Tɨ mbə̀ suŋgɨ ə rɨ ənɨ ɨnû mbe nɨ mbə̀ nyaʼa nuŋ rɨkɔndɨ ɨgun ənɨ ə nyùmə̀ we nɨ mbə̀ nyaʼa zu ɨkə̂n chɔ̀m. Mbɨ fə ghà ɨkə̂n chɔ̀m wɔ̂ ɨŋga ɨsɨg jìm. Ŋwìə̀ nyaʼa chɔʼ əmɨ, mɔ̌ Pɔ̂l, ni mə̀ gha ɨkə̂n chɔ̀m rəŋgu.

1 Tèsàlonikà 1:5

Tɨ̀ kyerɨ əne ɨmbə̀ʼ ɨghəm nɨ tɨ̀ nyaʼa yeʼe əsɨ nən mbɨ ɨkə̂n chɔ̀m. Chəi tɨ̀ nyaʼa yeʼe mbɨ ɨkə̂n chɔ̀m àmei ənɨ ɨŋgam. Tɨ̀ nyaʼa bə̀ ghà ɨkə̂n chɔ̀m ənɨ ɨka we nɨ Əzwî ə Zeŋɨ ə nàʼə̀. Tɨ̀ nyaʼa bə̀ kàŋ chwi ɨchî nɨ tɨ̀ ben ni ɨnû mbe nɨ yeʼ ɨŋga ɨkə̂n chɔ̀m yɨ ɨnû rəsìʼ. Mbə kyerɨ ɨnû mbe nɨ tɨ̀ nyaʼa ghɨ̌ ənɨ tɨ̀ nyaʼa əkaʼ nən. Tɨ̀ wɨə nyaʼa ghɨ ɨnû mbɔ̂ jìm ɨmbə̀ʼ weerɨ əwən.

1 Tèsàlonikà 2:13

Tɨ̀ wɨə bə̀ nàʼə̀ məben-əwe əmbɨ ə Ŋwiə̀ ɨghəm jìm ɨmbə̀ʼ ənû zɔ̂ ni ənɨ tɨ̀ nyaʼa yeʼe mbɨ ɨŋgam Ŋwiə̀ ɨ nən, mbə nyaʼa zu benɨ, kaʼi ɨghabɨ ni à yɨ ɨŋgam bə̂d mɨ̀sɔŋɨchù. Mbə nyaʼa kàŋ ben ni à yɨ ɨŋgam Ŋwiə̀. Ɨŋgam we wɨə fàʼ ɨŋga mbə̀n mbe nɨ ben ə Kristo.

2 Tès 2:13

Mba bɔŋgɔb nɨ Ə̀nùŋɨ̀sɨg ghaʼi kwàʼ rɨŋgəʼ, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən, ɨmbə̀ʼ ɨghəm nɨ Ŋwiə̀ nyaʼa chɔʼ əwən ɨmbə̀ʼ chɨ rəŋgəʼ ənjìm ɨchî nɨ Əzwî ə Ŋwìə̀ ə ghɨ mbə zeŋ bə̀ fɔrɨ ənjìm ɨchî nɨ mbə̀ ben rəsìʼ.

1 Pità 5:12

À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.