Kòlosè 1:15 - Meta’

¹⁵ Kristo we nɨ mbɨə zəə yɨ ɨghabɨ ə Ŋwiə̀ we nɨ chəi bə̂d ə zəə. Məd yɨə wan-fə̀d ɨgwɨ ɨghɨjìm mbe nɨ Ŋwìə̀ tekɨ.

Ikan feg

¹⁵ Kristo we ne mbə̀ bari ya kwàʼ icheg Ŋwiye we ne chəyi bəd mbe bàrà. Məd ya atog igun ighi ijìm ne Ŋwiye tàngi.

Kòlosè 1:15 Marejeleo ya Msalaba

Jn 1:1

Bɔŋ Ŋwìə̀ nyaʼa sɨə tekɨ ɨsɨg, məd we nɨ mbɨə tɔŋ ənɨ Ɨŋgam nyaʼa fə sɨ i əŋgu. Ɨŋgam we wɨə nyaʼa mbɨ ə Ŋwiə̀. Ɨŋgam we yɨə nyaʼə Ŋwiə̀.

Jn 1:14

Ɨŋgam we nyaʼa bèŋ ənɨ ə wə̀d mɨ̀sɔŋɨchù, chub əkaʼ na. Tɨ̀ nyaʼa zə ɨwumnɨ məd nɨ yeʼ ɨwumnɨ we nɨ wɨ̀ nyaʼa berɨ ɨchî nɨ wɨ̀ mei Wan we mɔʼ nɨ Mbǎʼ berɨ. Ɨ̀chɔ̀m mbɨ rəsìʼ nyaʼa swi ɨŋga məd.

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

Jn 14:9

Yeso nyaʼa wììrɨ̀ ni, “Ɨmbə̀ʼ mə fə chubɨ mbɨ nən əgha ə se, àyɨə chəi àwɔ̀, Filip, kaŋ kɨrɨ kyerɨ əmɨ ə? Wə̀d jìm we nɨ zə əmɨ fə bə̀ zə ə Mbǎʼ. Àwɔ̀ wɨrɨ che rɨ ye ghà ɨ num ni, 'Chwiə Mbǎʼ ɨ na ə'?

Jn 15:24

À kɨ nɨ chəi mə̀ nyaʼa ghɨ ɨnû əkaʼ mɨ̀mə̌d nɨ chəi wə̀d cherə kweʼ ghɨ̀, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn mbɨ fə zə ɨnû mbe nɨ mə nyaʼa ghɨ̌, əne ɨ mbɨə bàn əmɨ bə̀ bànə̀ mɨ Mbǎʼ.

Jn 3:16

“Ŋwìə̀ nyaʼa kàŋ ghaʼ ɨsɨg, əne wɨ̀ nyaʼa chà i Wan we mɔʼ, ɨmbə̀ʼ tɨ wə̀d mɔʼɔ we nɨ ben əməd nim i, àyɨə wɨ̀ jɨg ɨ̀tènɨ̀ rɨ mì.

Rm 8:29

Bə̂d mbe nɨ Ŋwiə̀ nyaʼa be kyerɨ, wɨ̀ nyaʼa fə bə̀ chɔʼ nùŋ ni mbɨ bɨrɨ yeʼ ɨghabɨ i Wan, ɨmbə̀ʼ Wan we yeʼ wan fə̀d ɨŋga ɨnəbɨ kyeŋ.

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

2 Kɔrèn 4:6

Ŋwiə̀ we nɨ nyaʼa gha ni, “Ɨzeŋɨ zeŋɨ te ɨŋga ɨsɨ firɨ,” fə te ɨŋga ta fîŋ ɨmbə̀ʼ naʼ ɨzeŋɨ zeŋɨ ɨ na, ɨmbə̀ʼ tɨ̀ kyerɨ ɨzeŋɨ zeŋɨ Ŋwiə̀ we nɨə te ənɨ ɨfě Kristo.

Fìlipì 2:6

Wɨ̀ nyaʼa berɨ mɨchî Ŋwiə̀, àyɨə chəi wɨ̀ nyaʼa kəb chwi ni tə wɨ əndəŋ əndəŋ mbɨ ə Ŋwiə̀.

Kòlosè 1:13

Wɨ̀ fə chɨ əwa rɨŋga tɨkyerɨ-ɨbɔ məd we nɨə tùmbɨ̀ ɨsɨ firɨ, əne zɨ̀ ɨŋga ənû ɨfɔ̀n ə Wan məd we nɨ wɨ̀ ghaʼi kwàʼ rɨŋgəʼ.

1 Timotì 1:17

Bə̂d wumnɨ bə̀ yiirɨ Ɨfɔ̂n we nɨ ten i koŋ, nɨ chəi wɨ̀ bɨrɨ nɔ kwɨ, nɨ chəi bə̂d ə zə əməd, nɨ yeʼ àmei we mɔʼ koŋ koŋ. À yɨ əne.

1 Timotì 6:16

Àmei məd we mɔʼ nɨ chəi wɨ̀ bɨrɨ nɔ kwɨ. Məd wɨə chub ɨŋga ɨzeŋɨ zeŋɨ we nɨ chəi ənɨ tɨ wə̀d tindɨ ɨban. Chəi wə̀d mɔʼɔ kweʼ zə əməd. Chəi wə̀d mɔʼɔ bɨrɨ nɔ zə əməd. Ɨsɨg jìm wumnɨ əməd, məd bə̀ tumbɨ ɨsɨg mbɨ ɨka we nɨ ten i koŋ. À yɨ əne.

Mə̀Hibrù 1:3

Wan we wɨə chwi ɨchî nɨ ɨzeŋɨ zeŋɨ Ŋwìə̀ ə teə. Ɨnû jìm ɨmbə̀ʼ əməd mbɨə chwi ɨchî nɨ Ŋwìə̀ ziə yeʼ ə. Ɨ wɨə ghɨ̀ə̀ ni ɨsɨg chub ɨchî nɨ wɨ yeʼ ə. Ɨ wɨə ghɨ̀ əne ənjìm ɨka we nɨ yeʼ ənɨ ɨŋgam məd. Ənɨ wɨ̀ nyaʼa fə ghɨ̌ Ŋwiə̀ waʼ ɨnû rɨbɔ̀ŋ bə̂d, wɨ̀ nyaʼa chub əbà əbɔ ə jɨg ə Məd we nɨ berɨ ɨka jìm.

Mə̀Hibrù 1:6

Ənɨ Ŋwìə̀ nyaʼa cha i wan fə̀d ɨŋga ɨsɨg, wɨ̀ nyaʼa ghà ni, “Mbɨ̀aŋgɨrə̀ Ŋwìə̀ mɨ̀jìm berɨ wumnɨ əməd.”

Mə̀Hibrù 11:27

À yɨ ɨbenɨ nyaʼa ghɨ ni wɨ̀ nɔʼ rɨ ə Ijìpt, nɨ chəi wɨ̀ nyaʼa bɔ ni ɨfɔ̂n we rɨ ə Ijìpt bɨrɨ sə ɨtəm. Wɨ̀ nyaʼa ton nɨ beŋ rəbɔʼɔ, ɨmbə̀ʼ ɨghəm nɨ wɨ̀ nyaʼa zə əməd we nɨ chəi bə̂d ə zəə.

Ɨnû 3:14

Ə̀nùŋɨ̀sɨg nyaʼa bə̀ ghà ɨ num ni, “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Laodisià ni, 'Wɔ̂ yɨ ɨŋgam rɨ əmbɨ À yɨ əne. Məd wɨə ghà rəsìʼ. Ɨ wɨə bə̀ ghɨ̀ ɨnû mbe nɨ wɨ̀ ghǎ. Ŋwìə̀ nyaʼa chè ənjìm məd tekɨ ɨghɨjìm.