Jn 9:16 - Meta’

¹⁶ Mɨ̀Farisiî mɔʼɔ nyaʼa ghà ni, “Kaʼi Ŋwìə̀ tom mbaŋə̀ ze nɨ ghɨ ənû zɔ̂, ɨmbə̀ʼ ɨghəm nɨ chəi məd ə nùŋ əni əkwɨ.” Àyɨə mbɨ mɔʼɔ nyaʼa ghà ni, “Tɨ̀ mbaŋə̀ ze nɨə ghɨ̀ ɨnû rɨbɔ̀ŋ ghɨ̀ ɨnû yiirɨ ɨghabɨ mbɔ̂ ə?” Ənɨ mbɨ nyaʼa ghà əne, ə̀ghàbrɨ̀ ə nyaʼa jwɨ̀ əkaʼ mɨ̀mə̌d.

Ikan feg

¹⁶ Mə̀Farìsi mɔ̀ʼɔ ya gha, “Wə̀d we ne ghu wə̀d gho̰, kayi Ŋwiye cha imbə̀ʼ icheg ne, chəyi wì ya nɔ̀ŋɔ̀ aneg Àzwètì.” Si ya gha, mə̀mbin ya biri gha, “Wə̀d inug tibɔ̀ŋ kə ghìyə̀ iyeti inug icheg mbo̰ iye? Àghàpì ya nyi inga inɔb icheg ne mbi yaya tàŋà inug ane.”

Jn 9:16 Marejeleo ya Msalaba

Matìyò 12:10

Mbaŋə̀ mɔʼɔ nyaʼa əŋgu nɨ əbɔ əməd ə nyaʼa nə̀ŋɨ. Əne mɨ̀Farisiî nyaʼa biirɨ ɨ bɔ ni, “Tɨkə ə wa chwi ni mbɨ vɨ wə̀d əwɔn əni əkwɨ ə?” Mbɨ nyaʼa biirɨ əne ɨmbə̀ʼ ɨghəm nɨ mbɨ nyaʼa kəb zɨ ɨsaʼi ɨgwɨ məd.

Matìyò 12:2

Ənɨ mɨ̀Farisiî nyaʼa zə ənû ze, mbɨ nyaʼa ghà əmbɨ Yeso ni, “Zə, mbe mə̀mə̀ə̀nɨ̀-ɨnû mbɨə ghɨ̀ ənû nɨ chəi ta rɨkə chwi ni mbɨ ghɨ əne əni əkwɨ!”

Lk 13:14

Mbaŋə̀ ze nɨ nyaʼə chà nəb ə̀kàtɨ̀ ze nyaʼa sə ɨtəm ɨmbə̀ʼ ɨghəm nɨ Yeso nyaʼa vɨ̌ wə̀d əni əkwɨ. Əne wɨ̀ nyaʼa ghà əmbɨ ə bə̂d mbe ni, “Ɨni mbɨ əŋgu rɨ̀fuə nɨ tɨ̀ mbə fàʼ. Mbə̀ yeʼe ɨgwɨ ɨni mbe mbɨ vɨ əwən, kaʼ i ɨgwɨ əni ɨkwɨ.”

Jn 10:19

Ə̀ghàbrɨ̀ ə nyaʼa yi jwɨ̀ əkaʼ mɨ̀Jû mbe ɨmbə̀ʼ ɨnû mbɔ̂ nɨ Yeso nyaʼa ghǎ.

Jn 14:11

Mbə̀ ben ni mə̀ wɨ ənɨ ənû ə mɔʼ mbɨ Mbǎʼ mbɨ ni Mbǎʼ wɨ ənɨ ənû ə mɔʼ mbɨ num. Mbə̀ mɨ ton ben ə, njɨ mbə ben yeʼ ɨmbə̀ʼ ɨchî nɨ mbə̀ zə ɨnû mbe ənɨ mɨə ghɨ̀ə̀.

Jn 15:24

À kɨ nɨ chəi mə̀ nyaʼa ghɨ ɨnû əkaʼ mɨ̀mə̌d nɨ chəi wə̀d cherə kweʼ ghɨ̀, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn mbɨ fə zə ɨnû mbe nɨ mə nyaʼa ghɨ̌, əne ɨ mbɨə bàn əmɨ bə̀ bànə̀ mɨ Mbǎʼ.

Jn 2:11

Yeso nyaʼa ghɨ̀ ənû ə yiirɨ rɨtu zɔ̂ ə Kanà əbà əbeŋ ze rɨ ə Galiliî. Wɨ̀ nyaʼa chwi ɨwumnɨ we nɨ wɨ̀ berɨ, əne mə̀mə̀ə̀nɨ̀-ɨnû ɨməd nyaʼa ben əməd.

Jn 3:2

Mbaŋə̀ zɔ̂ nyaʼa wò əsɨ Yeso ɨzimɨ pè ghà ɨ bɔ ni, “Əchwiə̀-ɨnû, tɨ̀ ə kyerɨ ni àwɔ̀ yɨ əchwiə̀-ɨnû we nɨ Ŋwìə̀ tom. Chəi wə̀d mɔʼɔ əŋgu nɨ tɨ̀ wɨ̀ ghɨ̀ ɨnû yiirɨ mbɔ̂ nɨ àwɔ̀ ə ghɨ̀ə̀, kɨrɨ ənɨ Ŋwìə̀ wɨ mbɨ məd.”

Jn 5:10

Əne bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa biirɨ əmbɨ ə mbaŋə̀ ze nɨ Yeso nyaʼa vɨ əməd ni, “Tə̀chɔ̀ŋ yɨ əni əkwɨ, əne chəi ta rɨkə chwi ni à beʼ e matə̀ ɨgwɨ əni zɔ̂.”

Jn 5:36

Ɨnû mbɔ̂ nɨ mɨə ghàə̀ yɨ mɨ̀zərɨmbin ɨ num. Mbɨ chè mbe nɨ Jɔ̌n nyaʼə ghà ɨmbə̀ʼ əmɨ. Ɨnû mbe nɨ Mbǎʼ zɨ ɨŋga tum rɨkyerɨ-ɨbɔ ni mə maanə, əne yɨ mbe nɨ mɨə ghɨ̀ə̀, ɨ mbɨə chwiə ni à yɨə Mbǎʼ nyaʼa tom əmɨ.

Jn 6:52

Ənɨ mɨ̀Jû mbe nyaʼa zu ənû zɔ̂, mbɨ nyaʼa kɔ taŋ mbənə mbənə ghàə̀ ni, “Mbaŋə̀ zɔ̂ kɨə wo che rɨ ye nàʼ i nyamnyod ɨ na ni tɨ̀ kud ə?”

Jn 7:12

Bə̂d mɨ̀nɔnɔʼ rɨŋga ɨnɔ̂n bə̂d we wɨə nyaʼə chùmbɨ̀ ɨmbə̀ʼ ə Yeso. Mbɨ mɔʼɔ mbɨə nyaʼə ghàə̀ ni, “Məd yɨə wə̀d chɔ̀m,” àyɨə mbɨ cherə mbɨə nyaʼə ghàə̀ ni, “Chə̂, məd wɨə fèbrɨ̀ ə bə̂d.”

Jn 7:23

Mbə mɨ yeʼə nèə̀ mbə bɔn mbaŋə̀ əni əkwɨ, ɨmbə̀ʼ tɨ mbə̀ gu ə tɨkə rɨ Mose, njɨ mbə̀ kɨə sə ɨtəm mbɨ num ɨmbə̀ʼ ɨchî nɨ mə̀ ghɨ mbaŋə̀ mɔʼɔ bɔtɨ ɨchî chɔ̀m əni əkwɨ ɨmbə̀ʼ ə yè ə?

Jn 7:43

Əne ɨnɔ̂n bə̂d we nyaʼa ghàbrɨ̀ ɨmbə̀ʼ ə Yeso.

Jn 9:24

Mbɨ nyaʼa tɔŋ mbaŋə̀ ze nɨ mbɨ nyaʼa gywɨ əfɨgə ənɨ ɨghəm nɨ pe be ghà ɨ bɔ ni, “Gha we rəsìʼ ɨfě Ŋwiə̀! Tɨ̀ kyerɨ ni mbaŋə̀ zɔ̂ nɨ vɨ əwe yɨə wə̀d nɨə ghɨ̀ ɨnû rɨbɔ̀ŋ.”

Ɨ̀fàʼì 14:4

Bə̂d mbe rɨŋga əsɨ ze nyaʼa ghàbrə̀. Mbɨ mɔʼɔ nyaʼa ben ɨnû mbe nɨ mɨ̀Jû nyaʼə ghàə̀, mbɨ cherə nyaʼa ben mbe nɨ bə̂d tom mbe nyaʼə ghàə̀.