Jn 8:9 - Meta’

⁹ Ənɨ mbɨ nyaʼa zu ənû zɔ̂, mbɨ nyaʼa kɔ wo əwən ɨ mɔʼ mɔʼ, kɔ rɨ ənɨ mbɨ kyeŋ wò nwì ənɨ mbɨ kwa. Mbɨ nyaʼa sàŋ ə Yeso tə̀zìʼ wi mbɨ əyi we nɨ nyaʼa kɨrɨ təm ɨfě məd.

Ikan feg

⁹ Bəd ne ya zughi anug ne wì ya gha, ya ko gu tìyè anjìm nìme imɔʼ imɔʼ, ni ko igun bəd kyen ghò pè igun ngwàʼ bɔd. Yeso ya si tèn məyi tì àyi we igun asiŋi ze itəmi.

Jn 8:9 Marejeleo ya Msalaba

Lk 13:17

Ənɨ wɨ̀ nyaʼa wiirɨ əne, ətu ə nyaʼa nìd bə̂d pə̀n məd mɨjìm. Əne bə̂d mbe mɨjìm nyaʼa ghaʼ ɨmbə̀ʼ ɨnû yiirɨ jìm mbe nɨ wɨ̀ nyaʼa ghɨ̌.

Jn 8:10

Yeso nyaʼa nɔ̀ʼ təm rətiə ghà əmbɨ əyi we ni, “Əyî, mbaŋə̀ te ti ə? Chəi wɨ mɔʼɔ buʼu nɨ zɨ ɨsaʼi ɨgwɨ ne ə?”

Jn 8:12

Yeso nyaʼa yì ghà əmbɨ mɨ̀Farisiî ni, “Mɔ̌ yɨ ɨzeŋɨ zeŋɨ əmbɨ ɨsɨg. Mə bɨrɨ naʼ ɨzeŋɨ zeŋɨ we nɨə nàʼ ɨ̀tènɨ̀ əmbɨ wə̀d mɔʼɔ we nɨ beenɨ əbɔʼ num, əne ka məd bɨrɨ nɔ yen i ɨŋga ɨsɨ firɨ.”

Jn 8:2

À nyaʼa ɨsɔsɔ əni ze nɨ beenɨ, wɨ̀ nyaʼa wɨrɨ bə̀ndɨ̀ wò ɨŋga mbàn Ŋwìə̀. Bə̂d mɨjìm nyaʼa wò əsɨ məd, əne wɨ̀ nyaʼa chub ə si kɔ chwi ɨnû əmbɨ mɨ̀mə̌d.

Jn 8:3

Məchwiə̀ rɨ̀kə̌ mbɨ mɨ̀Farisiî nyaʼa gywɨ̀ əyi mɔʼɔ ənɨ wɨ̀ nyaʼə niə mbaŋə̀. Mbɨ nyaʼa nɨŋ əməd pè nùŋ ni wɨ̀ təm ɨfě mɨ̀mə̌d mɨjìm.

Jn 8:8

Ənɨ wɨ̀ nyaʼa ghà əne, wɨ̀ nyaʼa yì gundɨ ŋwàʼnɨ̀ əghɨ ə mɔʼɔ ə si ənɨ fi fi-əbɔ.

Rm 2:15

Ɨ mbɨə chwiə ni mbɨ fə ŋwàʼnɨ̀ ɨnû ze nɨ yeʼ ɨŋga rɨ̀kə̌ ɨŋga fîŋ tɨ mɨ̀mə̌d. Fîŋ ze nɨə saʼə mɨ̀mə̌d ə bə̀ chwiə ni à yɨ rəsìʼ. Tɨkɔndɨ tɨ mɨ̀mə̌d bɨrɨ sɨə saʼə mɨ̀mə̌d ɨmbə̀ʼ ɨnû nɨ kuʼnɨ fɔrɨ ɨmbə̀ʼ mbe nɨ chəi mbɨ kuʼnɨ.

Rm 2:22

Àwɔ̀ we nɨə ghàə̀ ni tɨ wə̀d ni i ɨwi kɨ̀ ɨnom wə̀d cherə, à wɨə wa bə̀ ni ɨwi kɨ̀ ɨnom wə̀d cherə ə? Àwɔ̀ we nɨə bànə̀ mbɨ̀anèŋ, à wɨə wa jɨ rɨŋga mbàn tɨ mɨ̀ŋwìə̀ ə?

1 Jɔn 3:20

ənɨ mɨ̀nyùmə̀ jìm mbe nɨ ta fîŋ ə saʼ əwa. Tɨ̀ ə kyerɨ ni Ŋwìə̀ ə chè ta fîŋ. Tɨ̀ bə̀ kyerɨ ni məd ə kyerɨ ɨnû jìm.