Jn 8:48 - Meta’

⁴⁸ Bə̂d mbe nyaʼa biirɨ əmbɨ Yeso ni, “Tɨ̀ rɨ wa kùʼ a nɨ gha ni àwɔ̀ yɨ rɨ ə Sàmàriyà fɔrɨ ni əzwî rɨbɔ̀ŋ ə zɨ ɨŋga nè ə?”

Ikan feg

⁴⁸ Mə̀Ju ya biri abə Yeso gha, “Àkə chəyi tì koʼi ni ghà gha àghò ya wə̀d a Sàmarìyà, bə̀ ghà gha azwighi tibɔ̀ŋ ze inga ine?”

Jn 8:48 Marejeleo ya Msalaba

Matìyò 10:25

Zɨə kùʼ əmbɨ ə̀mə̀ə̀nɨ̀-ɨnû ni wɨ̀ yeʼ ɨghabɨ wə̀d we nɨə chwi ɨnû ɨ bɔ, bə̀ kùʼ ni wan ə̀fàʼì bə yeʼ ɨghabɨ i mbǎʼ ə̀fàʼì. Mbɨ mɨ fə tɔŋ mbǎʼ əkwɨ ənɨ ə Belzebùl, njɨ mbɨ bɨrɨ tɔŋ bə̂d rɨŋga nəb məd ənɨ rɨkum nɨ bə̌ chè.

Matìyò 10:5

Yeso nyaʼa tom bə̂d mbɔ̂ wum chɔ̀b rɨ̀be ghà əmbɨ mɨ̀mə̌d ni, “Tɨ mbə̀ wo əwən əkaʼ bə̂d mbe nɨ kaʼi mɨ̀Jû, kɨ̀ bè wò nyɨ ɨŋga əsɨ ə mɔʼɔ ə Sàmàriyà.

Matìyò 11:18

Jɔ̌n nyaʼa yeʼe, chəi wɨ̀ nyaʼə jɨgə kɨ̀ beə nɔə mɨnoʼ, əne mbɨ nyaʼa ghà ni, 'Əzwî rɨbɔ̀ŋ ə zɨ ɨŋga məd.'

Matìyò 12:24

Ənɨ mɨ̀Farisiî nyaʼa zu ənû ze, mbɨ nyaʼa ghà ni, “Mbaŋə̀ zɔ̂ zɨə chɨ̀ ɨzwî rɨbɔ̀ŋ ənɨ ɨka nɨ Belzebùl nɨ yeʼ ɨfɔ̂n ɨzwî rɨbɔ̀ŋ naʼ ɨ bɔ.”

Matìyò 12:31

Əne mə ghà ɨ nən ni Ŋwìə̀ bɨrɨ waʼ ɨnû rɨbɔ̀ŋ jìm bə̀ waʼ mɨzɔ̂m mbe nɨ mbɨə zɔ̀m ə Ŋwiə̀ əŋgu, àyɨə ka wɨ̀ bɨrɨ waʼ i ɨnû rɨbɔ̀ŋ bə̂d mbe nɨə zɔ̀m Əzwî ə Zeŋɨ.

Matìyò 15:7

Mbə̀ yɨ ɨbekɨ bə̂d! Wə̀d ɨ̀kə̀n Ŋwìə̀ Aizayà nyaʼa ghà ɨnû nɨ kuʼnɨ ɨmbə̀ʼ əwən ənɨ wɨ̀ nyaʼa ghǎ ni,

Jn 1:19

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa chà bə̂d mbàn Ŋwìə̀ mbɨ ə bə̂d mɔʼɔ rɨŋga ɨnəbɨ Levì nɨ nyaʼa rɨ ə Jèrusalèm ni mbɨ biirɨ əmbɨ Jɔ̌n ni, “Àwɔ̀ kɨə we ə?”

Jn 10:20

Mɨ̀mə̌d mɨ̀nɔnɔʼ nyaʼa ghà ni, “Əzwî rɨbɔ̀ŋ ə zɨ ɨŋga məd! Ɨ wɨə beə! Mbə kɨə zwetɨ ənû ze nɨ wɨə ghà ɨmbə̀ʼ ə yè ə?”

Jn 13:13

Mbə mbɨə tɔŋ əmɨ ni 'Əchwiə̀-ɨnû' bə̀ tɔŋə ni 'Ə̀nùŋɨ̀sɨg.' Ənû nɨ mbə̀ gha ə kùʼ, ɨmbə̀ʼ ɨghəm nɨ à yɨə kaŋə wə̀d we nɨ mə yeʼ wɨwən.

Jn 4:9

Əyi məSàmàriyà we nyaʼa ghà ɨ bɔ ni, “Àwɔ̀ yɨə Jû, mɔ̌ yɨ əyi Sàmàriyà. À kɨə ghàə̀ ni mə̀ naʼ mɨnib ɨ ne ɨmbə̀ʼ ə yè ə?” (Wɨ̀ nyaʼa ghà əne ɨmbə̀ʼ ɨghəm nɨ chəi mɨ̀Jû nyaʼə fɔtɨ ɨghɨ mbɨ məSàmàriyà.)

Jn 7:20

Ɨnɔ̂n bə̂d we nyaʼa wììrɨ̀ ni, “Əzwî rɨbɔ̀ŋ ə zɨ ɨŋga ne! À kɨə we ə kə̀b zwiirɨ əwe ə?”

Jn 8:22

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa ghà ni, “Wɨ̀ wa bɨrɨ zwiirɨ i ɨnyod ɨchî nɨ wɨ̀ gha ni, 'Chəi ənɨ tɨ̀ mbə yeʼe əsɨ ze nɨ mɨə wò əŋgu ə'?”

Jn 8:52

Bə̂d mbe nyaʼa ghà ɨ bɔ ni, “Tɨ̀ fə kàŋ kyerɨ tɨ̀nîn ni əzwî rɨbɔ̀ŋ ə zɨ ɨŋga ne. Abràham nyaʼa kwɨ, bə̂d ɨ̀kə̀n Ŋwiə̀ nyaʼa bə̀ kwɨ, àyɨə à wɨə ghàə̀ ni, ka wə̀d we nɨə ghɨ̀ ɨnû mbe nɨ àwɔ̀ ə ghàə̀ bɨrɨ nɔ kwɨ i.

Rm 15:3

Chəi Kristo nyaʼa ghɨ̀ ni àmei i fîŋ bɔŋ ə. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mɨzɔ̂m bə̂d mbe nɨ zɔm əwe fə feŋ ɨgwɨ num.”

Mə̀Hibrù 13:13

Əne tɨ̀ wo əsɨ məd ənjìm əsɨ ze nɨ mbɨ chubɨ, bə̀ nɨŋ tɨ̀nìd ətu we nɨ mbɨ nyaʼa zɨ ɨgwɨ məd.

Jems 2:19

À ben ni Ŋwiə̀ mei we mɔʼ. Zɨə bɔŋ! Ka àbei ɨzwî rɨbɔ̀ŋ, mbɨ bə̀ ben əne, àyɨə ɨ mbɨə benə bə̀ bindɨə.