Jn 8:44 - Meta’

⁴⁴ Mbə yɨə bɔn Debɨ̀rə̀ we nɨ yeʼ ə mbǎʼ. Mbə mbɨə kə̀b ghɨ àmei ɨnû mbe nɨ ə mbǎʼ kəbɨ. Məd yɨə nyaʼə ə̀zwììrɨ̀-bə̂d tɨ ənɨ ɨsɨg nyaʼa kɔ. Chəi wɨ̀ berɨ ənû ə mɔʼɔ nɨ ghɨ̀ mbɨ rəsìʼ, ɨmbə̀ʼ ɨghəm nɨ chəi məd ə ghà rəsìʼ. Ənɨ wɨ̀ gha mɨghab, ɨ wɨə ghɨ̀ àmei ənû ze nɨ yeʼ ɨŋga fîŋ məd, ɨmbə̀ʼ ɨghəm nɨ məd yɨə wə̀d mɨghab fɔrɨ mbǎʼ mɨghab.

Ikan feg

⁴⁴ Mbə̰ ya bɔn Debrə̀ we ne yaʼi ìwən mbaʼ. Mbə̰ ya kə̀bə̀ ya ni ghì məyi inug mbe ne ìwən mbaʼ kə̀bi. Məd yaya zwète bəd kwàʼ ane isəg ya ko. Chəyi wì kweʼì bḛ tesiʼ imbə̀ʼ icheg ne chəyi tesiʼ yaʼi inga məd. Anyumə̀ ne we ghà inug ako, wì ya fàʼà yaʼ àzi atog àfàʼì imbə̀ʼ icheg ne məd ya wə̀d inug ako. Məd ya bə̀ wə̀d ne inug ako ijìm nɔʼi ibo.

Jn 8:44 Marejeleo ya Msalaba

Matìyò 12:34

Mbə yɨə jɔ tɨ rɨbɔ̀ŋ! Mbə̀ kɨə wo gha ənû ə chɔ̀m rɨ yè nɨ mbə yeʼ bə̂d nɨə ghɨ̀ ɨnû rɨbɔ̀ŋ ə? Ɨchû wɨə ghàə̀ yeʼ ɨnû mbe nɨ yeʼ ɨŋga fîŋ.

Matìyò 13:15

ɨmbə̀ʼ ɨghəm nɨ fîŋ tɨ bə̂d mbɔ̂ fə tu, mbɨ fə zìndɨ̀ mbə ɨ̀tǒŋ bə̀ kubrɨ ə əghə. Njɨ mbɨ bɨrɨ zə ənɨ ə əghə, kɨ̀ ɨ̀tǒŋ mɨ̀mə̌d zu ənû, kɨ̀ fîŋ tɨ mɨ̀mə̌d kyerɨ ənû, mbɨ wɨrɨ bə̀ndɨ̀ yeʼe əsɨ num, mə vɨ̀ mɨ̀mə̌d.'

Matìyò 13:38

Əbən ze yɨ ɨsɨg. Kywɨ̀ chɔ̀m ze yɨə bə̂d mbe nɨ yeʼ ɨŋga ənû ɨfɔ̀n rɨkaŋ. Ɨfu we yɨə bə̂d wə̀d rɨ̀bɔ̀ŋ.

Jn 6:70

Yeso nyaʼa wììrɨ̀ əmbɨ mɨ̀mə̌d ni, “Ɨmbə̀ʼ mə nyaʼa chɔʼ əwən mbə̀n mbɔ̂ wum chɔ̀b rɨ̀be ə? Àyɨə wɨ fibɨ̀ rəbɔʼ nən yɨə debɨ̀rə̀.”

Jn 7:17

Wə̀d mɔʼɔ mɨ kə̀b ghɨ ɨnû mbe nɨ Ŋwìə̀ kəbɨ, wɨ̀ bɨrɨ kyerɨ ni ɨnû mbe nɨ mɨə chwiə yɨ rɨ əmbɨ ə Ŋwiə̀, kɨ̀ ni mə wɨə ghàə̀ yeʼ ənɨ mɨ ɨka.

Jn 8:38

Mə wɨə ghà ɨnû mbe nɨ mə nyaʼa zə ənɨ mə nyaʼa mbɨ mɨ Mbǎʼ, àyɨə mbə̀ mbɨə ghɨ̀ə̀ yeʼ mbe nɨ mbə̀ nyaʼa zu rɨ əmbɨ mbə mɨ̀mbǎʼ.”

Jn 8:41

Mbə mbɨə ghɨ̀ àmei ɨnû mbe nɨ ə mbǎʼ ə ghɨ̀ə̀.” Mbɨ nyaʼa wììrɨ̀ ni, “Kaʼ tɨ̀ yɨ a bɔn nɨ mbɨ gywɨ əba ə nəb. A mbǎʼ yɨə Ŋwìə̀ ziə.”

Jn 8:55

Chəi mbə̀ be kyerɨ əməd, àyɨə mə kyerɨ əməd. Mə mɨ ghà ni chəi mə̀ kyerɨ əməd əne mɔ̌ yɨə wə̀d mɨ̀ghab ɨghabɨ ə mbə̀nə. Mə kàŋ kyerɨ əməd, əne mə wɨə ghɨ̀ ɨnû mbe nɨ məd ə ghàə̀.

Ɨ̀fàʼì 13:10

“Àwɔ̀, wan Debɨ̀rə̀! À bàn ɨnû jìm mbe nɨ kùʼnɨ̀. À berɨ mɨnə̂njɨ̀ jìm nɨ tambɨ bə̂d. Ɨnû rɨbɔ̀ŋ bə̀ swi ɨŋga e fîŋ. Ka à wa bɨrɨ sob e nɨ beŋ ɨnû chɔ̀m mbe nɨ Ə̀nùŋɨ̀sɨg ə ghɨ̀ə̀ ə?

Ɨ̀fàʼì 24:9

Mɨ̀Jû mbe nyaʼa bə̀ fɔtɨ əbɔʼ Tètulùs zɨ̀ ɨsaʼi ɨgwɨ ə Pɔ̂l ghà ni ɨnû jìm mbe nɨ wɨ̀ ghǎ yɨ ɨnû rəsìʼ.

Ɨ̀fàʼì 5:3

Ənɨ wɨ̀ nyaʼa nùŋ əne, Pità nyaʼa biirɨ ɨ bɔ ni, “Ànàniàs, əton nɨ à saŋ ni Satàn nyɨ ɨŋga e fîŋ ghɨ̀ ni à ghà mɨghab əmbɨ Əzwî ə Zeŋɨ, əne nùŋ əba rɨ ənɨ ɨkab we nɨ à fen əsɨ ə si ze, kɨ ɨmbə̀ʼ ə yè ə?

2 Kɔrèn 11:3

Àyɨə mə wɨə bɔə ni ɨchî nɨ jɔ nyaʼa nɨŋ ɨwe tambɨ ə Efà, ɨ mbe tɨ mbɨ bə̀ fèbrɨ̀ tə rɨkɔndɨ tɨ ənɨ ɨchî nɨ mbə̀ə fàʼ əmbɨ Kristo ənɨ ə fîŋ jìm bə̀ fɔrɨ ənɨ ə fîŋ nɨ zeŋɨ.

1 Pità 5:8

Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

2 Pità 2:4

Wɨ̀ bɨrɨ ghɨ əne ɨmbə̀ʼ ɨghəm nɨ wɨ̀ nyaʼa bə̀ chə mbɨ̀aŋgɨrə̀ mbe nɨ nyaʼa ghɨ ɨnû rɨbɔ̀ŋ. Wɨ̀ nyaʼa màʼ mɨ̀mə̌d ɨŋga əsɨ ɨchə, nɨ yeʼ əsɨ nɨ wɨ̀ kod mɨ̀mə̌d ənɨ mɨ̀kàrə̀ ɨŋga ɨsɨ mbe nɨə finə kììm, ɨmbə̀ʼ mbɨ chub əŋgu pè əni ze nɨ wɨ̀ bɨrɨ saʼ ɨsɨg.

1 Jɔn 1:8

Tɨ̀ mɨ ghà ni chəi ənû rɨbɔ̀ŋ ə mɔʼɔ ɨŋga na, njɨ tɨ̀ wɨə tambɨ a ɨnyod, əne chəi rəsìʼ ɨŋga ɨnû mbe nɨ tɨə ghàə̀.

1 Jɔn 2:21

Chəi mɨə ŋwàʼnɨ̀ ɨ nən ɨmbə̀ʼ ɨghəm nɨ chəi mbə̀ kyerɨ rəsìʼ. Mə wɨə ŋwàʼnɨ̀ yeʼ ɨmbə̀ʼ ɨghəm nɨ mbə kyerɨ rəsìʼ bə̀ kyerɨ ni chəi mɨghab ə jwɨ̀ ənɨ rəsìʼ.

1 Jɔn 2:4

Wə̀d mɔʼɔ we nɨ ghà ni tə kyerɨ əməd, àyɨə chəi wɨə nùŋə̀ rɨkə məd, yɨə wə̀d mɨghab. Chəi rəsìʼ ɨŋga ɨnû mbe nɨ wɨə ghàə̀.

1 Jɔn 3:12

Tɨ rɨ̀ yeʼ a ɨghabɨ ə Kaìn nɨ nyaʼə wan wə̀d rɨ̀bɔ̀ŋ. Wɨ̀ nyaʼa zwiirɨ wi aŋgɔb Abèl. Wɨ̀ nyaʼa zwiirɨ əməd ɨmbə̀ʼ ə yè ə? Wɨ̀ nyaʼa zwiirɨ əməd ɨmbə̀ʼ ɨghəm nɨ tɨ̀gurɨ-ɨnû məd nyaʼa bə, àyɨə mbɨ aŋgɔb məd nyaʼa bɔ̀ŋ.

1 Jɔn 3:15

Wə̀d we nɨə bàn wi aŋgɔb yɨ ə̀zwììrɨ̀-bə̂d. Mbə fə bə̀ kyerɨ ə ni chəi ə̀zwììrɨ̀-bə̂d bɨrɨ jɨg ɨ̀tènɨ̀ rɨ mì.

Jûd 1:6

Mə wɨə bə̀ nɔ̀ɔ̀rɨ̀ mbə ɨtu ɨmbə̀ʼ mbɨ̀aŋgɨrə̀ mbe nɨ chəi mbɨ nyaʼa yim ɨsɨ mbe nɨ Ŋwìə̀ nyaʼa naʼ əmbɨ mɨ̀mə̌d. Mbɨ nyaʼa sàŋ əsɨ ze nɨ mbɨ nyaʼə chub əŋgu. Ŋwìə̀ fə kod mɨ̀mə̌d ənɨ mɨ̀kàrə̀ koŋ əne nùŋ ɨŋga ɨsɨ mbe rɨ əton nɨə finə kììm. Mbɨ bɨrɨ chub əŋgu sɨə wòm Əni ə kyeŋ ze nɨ Ŋwìə̀ bɨrɨ saʼ ɨsɨg.

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.

Ɨnû 13:14

Mbɨ nyaʼa sàŋ ni zɨ̀ ghɨ ɨnû yiirɨ ɨfě nyam rɨtu ze ɨmbə̀ʼ tambɨ bə̂d mɨ̀jìm mbe nɨ yeʼ ɨgwɨ ə si. Ɨ zɨə nyaʼə ghàə̀ ni mbɨ bɔm anèŋ ɨmbə̀ʼ wumnɨ nyam kyeŋ rɨtu ze nɨ mbɨ nyaʼa wad ənɨ ɨbi bid, àyɨə ɨ zɨə kɨrɨ ɨkǎ.

Ɨnû 2:10

Tɨrə̀ bɔ e ənû ze nɨ à bɨrɨ zə ŋgəʼ ɨmbə̀ʼ əzɨ əwən. Zə, Debɨ̀rə̀ bɨrɨ zɨ mbən mɨmɔʼɔ ə ndəŋ, ɨmbə̀ʼ zweʼrɨ əwən. Mbɨ bɨrɨ nwendɨ tə rɨkyerɨ-ɨwu ɨni wum. Mbə̀ nuŋ fîŋ ɨgun ə Kristo wò pè ənɨ mbɨ zwiirɨ əwən. Mə bɨrɨ neʼ əwən mbɨ ɨ̀tènɨ̀.

Ɨnû 21:8

Àyɨə ɨkwèd, bə̂d nɨ chəi mbɨ wɨrɨ ben ə Kristo, mbe nɨə ghɨ̀ ɨnû rɨbɔ̀ŋ yiirɨ yiirɨ, mbe nɨə zwiirɨə mbɨ cherə, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə ghɨ̀ mɨ̀sà, mbe nɨə wumnɨ mbɨ̀anèŋ mbɨ ə bə̂d mɨghab mɨ̀jìm, bɨrɨ nwi ɨŋga əsɨ ze nɨ ɨwid kyeŋ we nɨ sɔlfò ə ghɨ̀ ni wɨ berɨə. Wɔ̂ yɨ ɨvɨ we nɨ pe ənɨ wɨ be.”

Ɨnû 22:15

Bə̂d mbe nɨ yeʼ ɨsɨg yɨə mbe nɨ chəi mɨnə̂njɨ̀ mɨ̀mə̌d kuʼnɨ. Mbɨ yɨ mbe nɨə ghɨ̀ mɨ̀sà, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə zwiirɨ mbɨ cherə, mbe nɨə wumnɨ mbɨ̀anèŋ mbɨ wə̀d jìm we nɨə ghaʼə mɨghab bə̀ ghɨ̀ ɨnû mɨghab mɨghab.

Ɨnû 9:11

Aŋgɨrə̀ we nɨ nyaʼə nəŋgɨ ɨbɨgɨ we nɨ chəi ɨnwǐ yɨ ɨfɔ̀n mɨ̀mə̌d. Ɨkum məd ənɨ ɨŋgam Hibrù yɨə Àbadòn. Ɨkum məd ənɨ ɨŋgam Grik yɨə Àpoliòn. (Əton ənɨ ɨkum we yɨə, “Wə̀d nɨə chəkɨ ɨghɨ.”)