Jn 8:19 - Meta’

¹⁹ Ənɨ wɨ̀ nyaʼa gha əne, mbɨ nyaʼa biirɨ ɨ bɔ ni, “E mbǎʼ kɨ ə yi ə?” Yeso nyaʼa wììrɨ̀ ni, “Chəi mbə̀ kyerɨ əmɨ kɨ̀ mɨ Mbǎʼ. Mbə mɨ kə̀ʼ kyerɨ əmɨ, njɨ mbə bə̀ kə̀ʼ kyerɨ mɨ Mbǎʼ.”

Ikan feg

¹⁹ Anyumə̀ ne wi ya gha ane, mbi ya biri ibo gha, “Ìwe Mbaʼ kə aya?” Yeso ya ywìtì gha, “Chəyi mbə̀ kyeri amə. Chəyi mbə̀ bə kyeri ìmə Mbaʼ. Àkə aghi ne mbə̀ kə kyèri amə, nji mbə biri bə kyeri ìmə Mbaʼ.”

Jn 8:19 Marejeleo ya Msalaba

Matìyò 11:25

À nyaʼa ənɨ ə nyùmə̀ we, Yeso nyaʼa ghà ni, “Mɨ Mbǎʼ, Ə̀nùŋɨ̀sɨg ɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ-ɨnû, sɨ chwiə yeʼ əmbɨ ə bɔn bɔd.

Jn 1:10

Ɨŋgam we wɨə nyaʼa i ɨŋga ɨsɨg, əne Ŋwìə̀ nyaʼa chè ənjìm məd tekɨ ɨsɨg, àyɨə chəi bə̂d rɨŋga ɨsɨg nyaʼa kyerɨ wə̀d we nɨ məd nyaʼa wɨwən.

Jn 1:18

Chəi wə̀d mɔʼɔ kweʼ zə ə Ŋwiə̀. Àmei Wan we mɔʼ, nɨ yeʼ ɨban ə fîŋ Ŋwìə̀, nɨ fə ghɨ̌ ni bə̂d kyerɨ əməd.

Jn 15:21

Bə̂d rɨŋga ɨsɨg bɨrɨ ghɨ ɨnû mbɔ̂ jìm ənɨ ə nən ɨmbə̀ʼ ɨghəm nɨ mbə̀ yeʼ mbɨ bə̂d, ɨmbə̀ʼ ɨghəm nɨ chəi mbɨ kyerɨ məd we nɨ nyaʼa tom əmɨ.

Jn 16:3

Mbɨ bɨrɨ ghɨ ɨnû mbɔ̂ ənɨ ə nən ɨmbə̀ʼ ɨghəm nɨ chəi mbɨ kyerɨ ə Mbǎʼ kɨ bè kyerɨ əmɨ.

Jn 17:3

Ɨ̀tènɨ̀ rɨ mì yɨ ni bə̂d kyerɨ əwe, àwɔ̀ we nɨ yeʼ mei we mɔʼ nɨ yeʼ Ŋwìə̀ rəsìʼ. Ɨ̀tènɨ̀ rɨ mì yɨə bə ni bə̂d kyerɨ ə Yeso Kristo we nɨ à nyaʼa tomɨ.

Jn 7:28

Ənɨ Yeso nyaʼə chwi ɨnû ɨŋga mbàn Ŋwìə̀, wɨ̀ nyaʼa gham rɨ̀kǎ ghà ni, “Mbə kàŋ kyerɨ əmɨ bə̀ kyerɨ əsɨ ze nɨ mə̀ nɔʼ rəŋgu. Chəi mə nyaʼa yeʼe ɨŋga ɨsɨg wɔ̂ ənɨ mɨ ɨghəm. Àyɨə wə̀d we nɨ nyaʼa tom əmɨ wɨə ghàə̀ rəsìʼ. Chəi mbə̀ kyerɨ əməd,

1 Kɔrèn 15:34

Mbə̀ wɨrɨ kɔndɨ mbə ɨtu kwàʼ ɨchî chɔ̀m. Tɨ mbə̀ wɨrɨ ghɨ ə ɨnû rɨbɔ̀ŋ. Chəi bə̂d mɔʼɔ rəbɔʼ nən kyerɨ ə Ŋwiə̀. Mə wɨə ghà ənû zɔ̂ ɨmbə̀ʼ naʼ tɨ̀nìd ɨtu ɨ nən.

Gàlesìyà 4:9

Àyɨə rɨ̀nîn nɨ mbə fə kyerɨ ə Ŋwìə̀, kɨ̀ mə we tɨ̀ mə ghà ni nɨ Ŋwìə̀ fə kyerɨ əwən, mbə̀ kɨə kəb wɨrɨ beŋ əbɔʼ ɨzwî mbe nɨə tùmbɨ̀ ɨsɨg, nɨ bɔrɨ, nɨ chəi əghɨ əmbɨ mɨ̀mə̌d ɨmbə̀ʼ ə yè ə?

Efesùs 1:17

Mə wɨə kɔ̀ŋgɨ̀ ə Ŋwiə̀ nɨ yeʼ Mbǎʼ a Ə̀nùŋɨ̀sɨg Yeso Kristo, nɨ yeʼ Mbǎʼ nɨ ɨwumnɨ jìm yeʼ wɨ məd, ni wɨ̀ naʼ e Əzwî ɨ nən ɨmbə̀ʼ mbə̀ berɨ ɨwe. Mə wɨə bə̀ kɔ̀ŋgɨ̀ə̀ ni wɨ̀ chwi wi rəsìʼ ɨ nən ɨmbə̀ʼ mbə̀ jeŋgɨ kyerɨ əməd.

Kòlosè 1:10

Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

Kòlosè 1:15

Kristo we nɨ mbɨə zəə yɨ ɨghabɨ ə Ŋwiə̀ we nɨ chəi bə̂d ə zəə. Məd yɨə wan-fə̀d ɨgwɨ ɨghɨjìm mbe nɨ Ŋwìə̀ tekɨ.

Mə̀Hibrù 1:3

Wan we wɨə chwi ɨchî nɨ ɨzeŋɨ zeŋɨ Ŋwìə̀ ə teə. Ɨnû jìm ɨmbə̀ʼ əməd mbɨə chwi ɨchî nɨ Ŋwìə̀ ziə yeʼ ə. Ɨ wɨə ghɨ̀ə̀ ni ɨsɨg chub ɨchî nɨ wɨ yeʼ ə. Ɨ wɨə ghɨ̀ əne ənjìm ɨka we nɨ yeʼ ənɨ ɨŋgam məd. Ənɨ wɨ̀ nyaʼa fə ghɨ̌ Ŋwiə̀ waʼ ɨnû rɨbɔ̀ŋ bə̂d, wɨ̀ nyaʼa chub əbà əbɔ ə jɨg ə Məd we nɨ berɨ ɨka jìm.

1 Jɔn 2:23

Wə̀d we nɨ ton Wan fə bə̀ ton ə Mbǎʼ. We nɨ ben Wan fə bə̀ ben ə Mbǎʼ.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

2 Jɔn 1:9

Wə̀d we nɨ chəi wɨə ghɨ̀ ɨnû mbe nɨ Yeso nyaʼə chwi ɨ na, àyɨə ɨ wɨə wo ɨmbì ghɨ̀ə̀ yeʼ ɨnû mbe nɨ che mbe nɨ wɨ̀ chwiə, chəi məd ənɨ ənû ə mɔʼ mbɨ ə Ŋwiə̀. We nɨə ghɨ̀ ɨnû mbe nɨ Kristo nyaʼə chwiə wɨ ənɨ ənû ə mɔʼ mbɨ Mbǎʼ fɔrɨ mbɨ ə Wan.