Jn 20:15 - Meta’

¹⁵ Yeso nyaʼa biirɨ ɨ bɔ ni, “Əyî, à kɨə zə̀ʼ ə ye ə? À kɨə bə̀ kə̀bə̀ we ə?” Mèri nyaʼa kɔndɨ əzi ni à yɨə wə̀d we nɨ berɨ mbeŋ ze, əne wɨ̀ nyaʼa ghà ɨ bɔ ni, “Masà, à mɨ yeʼ nɨ à yɨ àwɔ̀ beʼ əməd wò, gha əsɨ ze nɨ à nuŋ əməd əŋgu ɨmbə̀ʼ mə wò nɨŋ əməd.”

Ikan feg

¹⁵ Yeso ya biri ibo gha, “Àyi gho̰, àghò kə dèghè aghə. Àghò kə kə̀bə̀ we?” Mèri ya kɔndi àzi gha à ya wə̀d we ne beri mben ze. Ane, wì ya ghà ibo gha, “Masà, àmə yaʼ aghi ne, à ya àghò bèʼi awu məd chì, gha asiŋi ne àghò bèʼi ghò nɔ̀ŋì angu, mə̀ gho niŋ.”

Jn 20:15 Marejeleo ya Msalaba

Matìyò 12:34

Mbə yɨə jɔ tɨ rɨbɔ̀ŋ! Mbə̀ kɨə wo gha ənû ə chɔ̀m rɨ yè nɨ mbə yeʼ bə̂d nɨə ghɨ̀ ɨnû rɨbɔ̀ŋ ə? Ɨchû wɨə ghàə̀ yeʼ ɨnû mbe nɨ yeʼ ɨŋga fîŋ.

Matìyò 28:5

Àyɨə aŋgɨrə̀ we nyaʼa ghà əmbɨ məyi mbe ni, “Tɨ mbə̀ bɔ ə. Mə kyerɨ ni mbə mbɨə kə̀b ə Yeso we nɨ mbɨ nyaʼa kombɨ əzed ə baʼnɨ.

Mk 16:6

Əjɔŋ ze ə nyaʼa ghà əmbɨ mɨ̀mə̌d ni, “Tɨ mbə̀ yiirɨ əwən ənû zɔ̂. Mbə mbɨə kə̀b ə Yeso we rɨ ə Nazàret, nɨ mbɨ nyaʼa kombɨ əzed ə baʼnɨ. Chəi məd əgha! Wɨ̀ fə zwemə! Mbə̀ zə əsɨ ze nɨ mbɨ nyaʼa boŋ əməd əŋgu.

Lk 2:44

Mbɨ nyaʼa kɔndɨ əzən ni ɨ wɨə nyaʼa əbɔʼ ɨnɔ̂n bə̂d we nɨ nyaʼə yènə̀ wòə̀. Ənɨ mbɨ nyaʼa zi yèn əni ə fibɨ̀, chəi mbɨ nyaʼa zə əməd, mbɨ nyaʼa kɔ kəb əməd əkaʼ ɨfurɨ bə̀ fɔrɨ əkaʼ bə̂d mbe nɨ mbɨ nyaʼa kyerɨ.

Lk 24:5

Ɨfeŋ nyaʼa yim məyi mbe, mbɨ bindɨ əne chəŋ mbə ɨtu ə si. Mbaŋə̀ te nyaʼa biirɨ əmbɨ mɨ̀mə̌d ni, “Mbə̀ kɨə kə̀bə̀ wə̀d we nɨ yeʼ ɨkǎ əkaʼ ɨvɨ bə̂d ɨmbə̀ʼ ə ye ə?

Jn 1:38

Yeso nyaʼa bèŋ zə ɨchî nɨ mbɨ nyaʼə beenɨ əbɔʼ ni, əne wɨ̀ nyaʼa biirɨ əmbɨ mɨ̀mə̌d ni, “Mbə kɨə kə̀bə̀ ye ə?” Mbɨ nyaʼa wììrɨ̀ ni, “Rabàì” (əne yɨ ni Əchwiə̀-ɨnû), “à kɨə chub ə yi ə?”

Jn 18:4

Yeso nyaʼa kyerɨ ɨnû jìm mbe nɨ bɨrɨ ghɨ̀ ənɨ ə ni, əne wɨ̀ nyaʼa wò ɨmbì pè biirɨ əmbɨ mɨ̀mə̌d ni, “Mbə kɨə kə̀b əwe ə?”

Jn 18:7

Yeso nyaʼa yi biirɨ əmbɨ mɨ̀mə̌d ni, “Mbə kɨə kə̀b əwe ə?” Mbɨ nyaʼa wììrɨ̀ ni, “Tɨ̀ wɨə kə̀b ə Yeso we rɨ ə Nazàret.”

Jn 20:13

Mbɨ nyaʼa biirɨ ɨ bɔ ni, “Əyî, à kɨə zə̀ʼ ə ye ə?” Wɨ̀ nyaʼa wììrɨ̀ əmbɨ mɨ̀mə̌d ni, “Mbɨ fə chɨ̀ mɨ Ə̀nùŋɨ̀sɨg, əne chəi mə kyerɨ əsɨ ze nɨ mbɨ nuŋ əməd əŋgu.”