Jn 2:19 - Meta’

¹⁹ Yeso nyaʼa wììrɨ̀ əmbɨ mɨ̀mə̌d ni, “Mbə mɨ sàʼ mbàn Ŋwìə̀ zɔ̂, mə bɨrɨ nɨŋ ɨni tad wɨrɨ kod.”

Ikan feg

¹⁹ Yeso ya ywìtì inɔb gha, “Mbə saʼa mbàn Ŋwiye ìzo̰ aseg, mə biri ywiri kɔd ane ineg itad.”

Jn 2:19 Marejeleo ya Msalaba

Matìyò 12:40

Ɨchî nɨ Jonà nyaʼa chub ɨŋga ɨbum ɨgwi kyeŋ ɨzi ɨtad mbɨ əzimɨ ətad, yɨə bə̀ ɨchî nɨ Wan Wə̀d bɨrɨ chub ɨzi ɨtad mbɨ əzimɨ ətad ɨŋga si.

Matìyò 16:21

Ɨ kɔ rɨ ənɨ ə nyùmə̀ we, Yeso nyaʼa kɔ ghǎ əmbɨ mbi mə̀mə̀ə̀nɨ̀-ɨnû ni tə berɨ wò ə Jèrusalèm pè jeŋgɨ zə ŋgəʼ ɨŋga rɨkyerɨ-ɨbɔ bə̂d kyeŋ mbe rɨŋga əbeŋ, ɨŋga rɨkyerɨ-ɨbɔ bə̂d kyeŋ mbe rɨ ə mbàn Ŋwìə̀ bə̀ fɔrɨ ɨŋga rɨkyerɨ-ɨbɔ məchwiə̀ rɨ̀kə̌. Mbɨ bɨrɨ zwiirɨ əməd. À sɨ ɨgwɨ ɨni tad, Ŋwìə̀ zwemnɨ əməd.

Matìyò 27:40

ghàə̀ ni, “Àwɔ̀ we nɨ bɨrɨ saʼ mbàn Ŋwìə̀ wɨrɨ nɨŋ ɨni tad kod, kaŋ jwɨ̀ e rəŋgəʼ! Àwɔ̀ mɨ kàŋ yeʼ Wan Ŋwìə̀, swiʼ e tɨ əzed ə baʼnɨ ze.”

Matìyò 27:63

Mbɨ nyaʼa pè ghà ɨ bɔ ni, “Masà, tɨ̀ fə wɨrɨ kɔndɨ ənû ze nɨ wə̀d mɨ̀ghab we nyaʼa ghǎ ənɨ wɨ̀ nyaʼa kɨrɨ i ɨkǎ. Wɨ̀ nyaʼa ghà ni, 'Ɨni mɨ chè ɨtad, mə bɨrɨ wɨrɨ zwemə.'

Mk 14:58

“Tɨ̀ nyaʼa zu wɨ̀ ghà ni, 'Mə bɨrɨ saʼ mbàn Ŋwìə̀ zɔ̂ nɨ mbɨ bɔm ənɨ ɨbɔ, wɨrɨ nɨŋ ɨni tad vɨ̀ zɨ cherə nɨ chəi mbɨ bɔm ənɨ ɨbɔ.'”

Mk 15:29

Bə̂d mbe nɨ nyaʼə chè ɨban əsɨ ze mbɨə nyaʼə baʼrɨ əməd, bə̀ mə̀ʼə̀ mbə ɨtu ghàə̀ ni, “Zweʼe! Àwɔ̀ we nɨ bɨrɨ saʼ mbàn Ŋwìə̀ wɨrɨ nɨŋ ɨni tad kod,

Mk 8:31

Yeso nyaʼa kɔ chwi ɨnû əmbɨ mbi mə̀mə̀ə̀nɨ̀-ɨnû ni Wan Wə̀d berɨ jeŋgɨ zə ŋgəʼ, bə̂d kyeŋ mbe rɨŋga əbeŋ mbɨ ə bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ bɨrɨ ton əməd. Mbɨ bɨrɨ zwiirɨ əməd. Ɨni nɨə che tad wɨ̀ wɨrɨ zwemə.

Jn 11:25

Yeso nyaʼa ghà ɨ bɔ ni, “Mɔ̌ yɨə wə̀d we nɨə zwemnɨə bə̂d bə̀ yeʼ we nɨə nàʼ ɨ̀tènɨ̀. Wə̀d we nɨ ben əmɨ bɨrɨ wɨrɨ chub ɨkǎ, ka wɨ̀ bè kwɨ i.

Jn 5:19

Yeso nyaʼa ghà əmbɨ ə bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni, “Mə ghà rəsìʼ ɨ nən ni, chəi ənɨ tɨ̀ Wan ghɨ̀ ənû ə mɔʼɔ ənɨ i ɨghəm. Məd wɨə ghɨ̀ àmei ɨnû mbe nɨ wɨ̀ zə ənɨ Mbǎʼ ə ghɨ̀ə̀. Ənû ze nɨ Mbǎʼ ə ghɨ̀ə̀, Wan bɨrɨ bɨ ghɨ̀.

Ɨ̀fàʼì 2:24

Àyɨə Ŋwìə̀ nyaʼa zwemnɨ əməd ɨchî nɨ wɨ̀ nyaʼa ghɨ ni tɨ ɨvɨ berɨ i ɨka ɨgwɨ məd, ɨmbə̀ʼ ɨghəm nɨ chəi ɨvɨ nyaʼa berɨ ɨka nɨ yim əməd.

Ɨ̀fàʼì 2:32

Ŋwìə̀ nyaʼa zwemnɨ ə Yeso wɔ̂. Mba mɨjìm yɨ mɨ̀zərɨmbin ənɨ ənû rəŋgu.

Ɨ̀fàʼì 3:15

Mbə nyaʼa zwiirɨ wə̀d we nɨə nàʼ ɨ̀tènɨ̀, àyɨə Ŋwiə̀ nyaʼa zwemnɨ əməd. Tɨ̀ yɨ mɨ̀zərɨmbin ənɨ ənû zɔ̂.

Ɨ̀fàʼì 3:26

Ŋwìə̀ nyaʼa chɔʼ i wə̀d ə̀fàʼì, bè chà əməd ɨ nən ni wɨ̀ zɨ əbɔrəbɔd ɨgwɨ nən ɨchî nɨ wɨə ghɨ ni wə̀d mɔʼ mɔʼ rəbɔʼ nən waʼ ɨnû ɨzɨg.”

Ɨ̀fàʼì 6:14

Tɨ̀ nyaʼa zu ənɨ wɨ̀ nyaʼa gha ni Yeso we rɨ ə Nazàret bɨrɨ saʼ mbàn Ŋwìə̀, bə̀ kwepɨ mɨchî əbeŋ mbe nɨ Mose nyaʼa naʼ ɨ na.”

Rm 4:24

Mbɨ nyaʼa bə̀ ŋwàʼnɨ̀ ɨmbə̀ʼ a ɨghəm. Ŋwìə̀ bɨrɨ ben ni tɨ̀ fə təm kùʼnɨ̀ ənjìm ɨchî nɨ tɨ̀ ben əməd we nɨ nyaʼa zwemnɨ ə Yeso a Ə̀nùŋɨ̀sɨg.

Rm 6:4

Əne tɨ̀ nyaʼa fə kwɨ mbɨ tweŋ əwa mbɨ məd ɨchî nɨ tɨ̀ nyaʼa nɨŋ mɨnib, ɨmbə̀ʼ ɨchî nɨ mbɨ nyaʼa zwemnɨ ə Kristo ənjìm ɨwumnɨ Mbǎʼ, əne bə̂ tɨ̀ bɨrɨ bɨ yen ɨŋga ɨ̀tènɨ̀ fi.

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

1 Kɔrèn 15:12

Mbɨ mɨ yeʼə ghàə̀ ni Ŋwìə̀ nyaʼa zwemnɨ ə Kristo, njɨ zɨə sɨ wɨrɨ chè rɨ yè nɨ bə̂d mɔʼɔ rəbɔʼ nən ə ghà ni chəi bə̂d bɨrɨ zwemə ə?

Kòlosè 2:12

Mbɨ nyaʼa fə tweŋ əwən mbɨ Kristo ənɨ ə nyùmə̀ we nɨ mbə̀ nyaʼa nɨŋ mɨnib. Ŋwìə̀ fə bə zwemnɨ əwən mbɨ məd ənjìm ɨchî nɨ mbə̀ ben ni məd ə berɨ ɨka nɨ ghɨ əne. À yɨə məd nyaʼa zwemnɨ ə Kristo.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.