Jn 19:9 - Meta’

⁹ Əne wɨ̀ nyaʼa wɨrɨ wò nyɨ ɨŋga tɔʼ mbɨ Yeso, pè biirɨ ɨ bɔ ni, “À kɨ rɨ ə yi?” Chəi Yeso nyaʼa wiirɨ.

Ikan feg

⁹ Wì ya ywìrì nyi ghò inga ìtɔʼ, bìri abə Yeso gha, “Àghò kə nɔ̀ʼi aya?” Si ya gha, chəyi Yeso ya ywìtì anug mɔ̀ʼɔ.

Jn 19:9 Marejeleo ya Msalaba

Matìyò 26:63

Yeso nyaʼa kəm i rəziə. Əne ətu ɨgwɨ ə bə̂d mbàn Ŋwìə̀ we nyaʼa ghà ɨ bɔ ni, “Gha we rəsìʼ ənɨ ɨkum Ŋwiə̀ we nɨ yeʼ ɨkǎ ni àwɔ̀ yɨə Wə̀d we nɨ Ŋwìə̀ zɔʼɔ, nɨ yeʼ Wan Ŋwìə̀.”

Matìyò 27:27

Mɨ̀sɔgyɨ̀ Pailèt nɨ nyaʼə gɔmnà nyaʼa nɨŋ ə Yeso mbɨ wò ɨŋga tɔʼ gɔmnà. Mbɨ nyaʼa pè fetɨ mɨ̀sɔgyɨ̀ jìm, mbɨ kad əməd.

Lk 23:9

Herɔ̀d nyaʼa biirɨ ɨnû nɔnɔʼ ɨ bɔ, àyɨə chəi wɨ̀ nyaʼa wiirɨ kaʼ àbei əzɨ ə mɔʼɔ.

Jn 18:28

Ɨtuʼ nyaʼa mɨ chɨg i chɨg ɨ, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa nɨŋ ə Yeso rɨ əkwɨ Kaifàs wò mbɨ məd ə tɔʼ gɔmnà. Chəi mbɨ nyaʼa nyɨ ɨŋga tɔʼ ze, ɨmbə̀ʼ ɨghəm nɨ mbɨ nyaʼa kəb chub ɨzeŋɨ zeŋɨ ɨmbə̀ʼ jɨg Əchwɨ̂ ə Che-ɨgun.

Jn 18:33

Pailèt nyaʼa wɨrɨ wò nyɨ ɨŋga tɔʼ, əne ghà ni mbɨ nɨŋ ə Yeso yeʼe nàʼ ɨ ni. Ənɨ mbɨ nyaʼa nɨŋ yeʼe, wɨ̀ nyaʼa biirɨ ɨ bɔ ni, “Àwɔ̀ kɨ ɨfɔ̂n mɨ̀Jû ə?”

Jn 18:34

Yeso nyaʼa wììrɨ̀ ni, “Ɨbiirɨ wɔ̂ kɨə kaŋ we, kɨ̀ à kɨə bə̂d cherə gha ɨnû ɨ ne ɨmbə̀ʼ əmɨ ə?”

Jn 18:37

Pailèt nyaʼa biirɨ ɨ bɔ ni, “Əne, àwɔ̀ yɨ ɨfɔ̂n ə?” Yeso nyaʼa wììrɨ̀ ni, “À fə ghà ni mɔ̌ yɨ ɨfɔ̂n. Mbɨ nyaʼa gywɨ əmɨ, mə yeʼe ɨŋga ɨsɨg ɨmbə̀ʼ ənû zɔ̂ ə mɔʼ. Ənû ze yɨ nɨ ghɨ ni bə̂d kyerɨ rəsìʼ. Wə̀d mɔʼɔ we nɨ ben rəsìʼ wɨə zu ənû ze nɨ mɨə ghàə̀.”

Jn 19:10

Əne Pailèt nyaʼa biirɨ ɨ bɔ ni, “Kaʼ à bɨrɨ gham əwe ɨ num ə? Chəi à kyerɨ ni mə berɨ ɨka nɨ chɨ əwe saŋɨ bə̀ berɨ ɨka nɨ kombɨ əwe əzed ə baʼnɨ ə?”

Jn 19:8

Ənɨ Pailèt nyaʼa zu ɨŋgam wɔ̂, wɨ̀ nyaʼa bɔ kwàʼ rɨŋgəʼ.

Jn 8:14

Yeso nyaʼa wììrɨ̀ ni, “Kaʼ mə bè yeʼə ghà əmɨ ɨmbə̀ʼ mɨ ɨnyod mɔ̌ mɔ̌, ənû ze nɨ mə̀ ghàə̀ yɨ ənû rəsìʼ, ɨmbə̀ʼ ɨghəm nɨ mə kyerɨ əsɨ ze nɨ mə nɔʼ rəŋgu bə̀ kyerɨ əze nɨ mɨə wò əŋgu, àyɨə chəi mbə̀ kyerɨ əsɨ ze nɨ mə̀ nɔʼ rəŋgu kɨ̀ əze nɨ mɨə wò əŋgu.

Fìlipì 1:28

Tɨ mbə̀ bɔ ə mbə bə̂d pə̀n. Əzɔ̂ ə bɨrɨ chwi əmbɨ mɨ̀mə̌d ni mbɨ bɨrɨ nim, àyɨə mbə bɨrɨ jwɨ rəŋgəʼ. Ŋwìə̀ fə ghà ni zɨə bɨrɨ yeʼ əne.