Jn 19:11 - Meta’

¹¹ Yeso nyaʼa wììrɨ̀ ɨ bɔ ni, “À berɨ ɨka ɨgwɨ num àmei ɨmbə̀ʼ ɨghəm nɨ à yɨə Ŋwìə̀ naʼ ɨka we ɨ ne. Əne wə̀d we nɨ naʼ əmɨ ɨ ne fə ghɨ̀ ənû rɨbɔ̀ŋ ze nɨ bə̌ chè.”

Ikan feg

¹¹ Yeso ya ywìtì gha, “Chəyi tì àghò ghi aghi mɔ̀ʼɔ inum ane chəyi Ŋwiye kə̀ nàʼi ika ine. Ane, wə̀d we ne nàʼi amə ine fə ghì anug tibɔ̀ŋ ne bə̀ chè.”

Jn 19:11 Marejeleo ya Msalaba

Matìyò 26:65

Ənɨ wɨ̀ nyaʼa ghà əne, ətu ɨgwɨ ə bə̂d mbàn Ŋwìə̀ we nyaʼa yim ti ngywɨ̌ sèèrɨ̀ ghà ni, “Wɨ̀ fə zɔ̀m ə Ŋwiə̀! Tɨ̀ kɨə wɨrɨə kə̀b mɨ̀zərɨmbin ɨmbə̀ʼ ə yè ə? Mbə fə zu ɨchî nɨ wɨ̀ zɔm ə Ŋwiə̀.

Matìyò 27:2

Mbɨ nyaʼa taŋ əne, kod əməd, nɨŋ wò nàʼ əmbɨ Pailèt nɨ nyaʼə gɔmnà.

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

Mk 14:44

Wə̀d we nɨ nyaʼa fen ə Yeso nyaʼa fə nàʼ ənweenɨ əmbɨ mɨ̀mə̌d ni, “Mbaŋə̀ ze nɨ mə sɔɔrɨ ndə̀ʼ məd yɨ we nɨ mbɨə kə̀bə̀. Mbə̀ gywɨ əməd nɨŋ wò jeŋgɨ nəŋgɨ.”

Lk 22:53

Mə wɨə nyaʼa mbɨ nən ɨni jìm ɨŋga mbàn Ŋwìə̀. Chəi mbə nyaʼa gywɨ əmɨ. Àyɨə ə nyùmə̀ fə kuʼi, nɨ wə̀d we nɨə tùmbɨ̀ ɨsɨ firɨ fə naʼ ɨka ɨ nən.”

Jn 18:13

Mbɨ nyaʼa bè nɨŋ əməd wò əsɨ Anas. Anas yɨə nyaʼə ɨchɨ Kaifàs nɨ nyaʼə ətu ɨgwɨ ə bə̂d mbàn Ŋwìə̀ əghəm əwù ze.

Jn 18:3

Judàs nyaʼa kyerɨ əne, wò əŋgu mbɨ ɨnɔ̂n mɨ̀sɔgyɨ̀ fɔrɨ mbɨ ə bə̂d mbe nɨ nyaʼə nəŋgɨə mbàn Ŋwìə̀. À yɨə bə̂d kyeŋ mbe rɨ ə mbàn Ŋwìə̀ mbɨ mɨ̀Farisiî nyaʼa tom mɨ̀mə̌d. Mbɨ nyaʼa wò əŋgu mbɨ ɨnam, mbɨ əkaʼi fɔrɨ mbɨ ɨghɨ bid.

Jn 19:10

Əne Pailèt nyaʼa biirɨ ɨ bɔ ni, “Kaʼ à bɨrɨ gham əwe ɨ num ə? Chəi à kyerɨ ni mə berɨ ɨka nɨ chɨ əwe saŋɨ bə̀ berɨ ɨka nɨ kombɨ əwe əzed ə baʼnɨ ə?”

Jn 3:27

Jɔ̌n nyaʼa wììrɨ̀ ni, “Chəi ənɨ tɨ̀ wə̀d berɨ əghɨ ə mɔʼɔ kɨrɨ ni à yɨə Ŋwìə̀ naʼ ɨ bɔ.

Jn 7:30

Ənɨ wɨ̀ nyaʼa gha əne, mbɨ nyaʼa kə̀b gywɨ əməd, àyɨə chəi wə̀d mɔʼɔ nyaʼa yim əməd, ɨmbə̀ʼ ɨghəm nɨ chəi nyùmə̀ nɨ mbɨ nyaʼa berɨ gywɨ əməd nyaʼa kɨrɨ kuʼ.

Jn 9:41

Yeso nyaʼa wììrɨ̀ əmbɨ mɨ̀mə̌d ni, “À mɨ yeʼ nɨ mbə yɨ mɨfɨgɨ̀, njɨ chəi ɨgu-ənû ɨgwɨ nən. Àyɨə ɨchî nɨ mbə̀ gha ni mbə mbɨə zə ɨsɨ, ɨgu-ənû we kɨrɨ tən ɨgwɨ nən.”

Ɨ̀fàʼì 2:23

Ŋwìə̀ nyaʼa fə bè kyerɨ i, əne wɨ̀ nyaʼa nùŋ ni mbɨ bɨrɨ gywɨ ə Yeso wɔ̂ nàʼ ɨ nən, mbə ghɨ̀ ni bə̂d nɨə ghɨ̀ ɨnû rɨbɔ̀ŋ kòmbɨ̀ əməd əzed ə baʼnɨ, zwiirɨ.

Ɨ̀fàʼì 3:13

Ŋwìə̀ Abràham, Ŋwìə̀ Aizìk mbɨ Ŋwìə̀ Jakɔ̂b, Ŋwìə̀ mba mɨ̀mbǎʼ rəŋwe nyaʼa wumnɨ i wə̀d ə̀fàʼì Yeso we nɨ mbə̀ nyaʼa yimɨ nàʼ ni mbɨ zwiirɨ. Mbə nyaʼa bə̀ ton əməd ɨfě Pailèt ənɨ wɨ̀ nyaʼa fə nuŋ ɨŋga i fîŋ ni tə bɨrɨ saŋ əməd wɨ̀ wò i.

Ɨ̀fàʼì 4:28

ɨmbə̀ʼ ghɨ ɨnû jìm mbe nɨ à nyaʼa nuŋ ənɨ e ɨka bə̀ fɔrɨ ənɨ e ɨkɔndɨ ni mbɨ bɨrɨ ghɨ̀.

Rm 11:36

À yɨə məd nyaʼa tekɨ ɨghɨjìm, ɨghɨjìm mbɨ əŋgu ənjìm məd, ɨghɨjìm yɨə bə mbɨ məd. Tɨ̀ wumnɨ əməd koŋ. À yɨ əne.

Rm 13:1

Wə̀d jìm zuunɨ bə̂d mbe nɨə tùmbɨ̀ əbeŋ, ɨmbə̀ʼ ɨghəm nɨ chəi mbɨ berɨ ɨka nɨ tumbɨ bə̂d kɨrɨ ənɨ à yɨə Ŋwìə̀ naʼ ɨka we əmbɨ mɨ̀mə̌d. À yɨə Ŋwìə̀ nuŋ bə̂d mbe nɨə tùmbɨ̀ ɨbeŋ.

Jems 1:17

Ɨghɨ chɔ̀m jìm mbɨ ɨneʼe jìm we nɨ bɔŋɨ màànɨ̀ yɨ rɨkaŋ. Mbɨ yɨ rɨ əmbɨ ə Mbǎʼ we nɨ nyaʼa tekɨ ɨghɨjìm mbe nɨ yeʼ ɨkaŋ, nɨ à yɨə məd ə nàʼ ɨzeŋɨ zeŋɨ. Kaʼ məd wɨə kwepɨ i. Kaʼ ɨchî nɨ wɨə beŋ ɨnyod wɨə ghɨ̀ i ni ɨsɨ fin.

Jems 4:17

Əne wə̀d we nɨ kyerɨ ənû nɨ kuʼnɨ nɨ tɨ̀ wɨ̀ ghɨ̀, àyɨə chəi wɨ̀ ghɨ̌, fə ghɨ̀ gù ənû.