Jn 18:11 - Meta’

¹¹ Yeso nyaʼa ghà əmbɨ Pità ni, “Wɨrɨ zɨ̀ e ɨbi ə baʼ. Kaʼ à wa kɨ i əzum rɨmbin nɨ nɔ rɨŋga toʼ ze nɨ mɨ Mbǎʼ naʼ ɨ num ə?”

Ikan feg

¹¹ Yeso ya kyen Pità gha, “Àghò zìye ìwe ibeg inga mbaʼ. Àghò kə kɔ̀ndɔ gha chəyi mə̀ biri zə̰ ngəʼ ze ne ìmə Mbaʼ fə gha gha mə biri zə̰?”

Jn 18:11 Marejeleo ya Msalaba

Matìyò 20:22

Yeso nyaʼa wììrɨ̀ ni, “Chəi mbə̀ kyerɨ ənû ze nɨ mbə̀ə biirɨə!” Ənɨ wɨ̀ nyaʼa wiirɨ əne, wɨ̀ nyaʼa biirɨ əmbɨ mɨ̀mə̌d ni, “Tɨ̀ mbə zə ɨkwɨ ŋgəʼ ze nɨ mə bɨrɨ zə ə?” Mbɨ nyaʼa wììrɨ̀ ni, “Tɨ̀ we tɨ̀ rɨ̀ ghɨ̀ əne.”

Matìyò 26:39

Ənɨ wɨ̀ nyaʼa ghà əne, wɨ̀ nyaʼa yèndɨ̀ wò ɨmbì rɨpiî, pè kub ɨfě ə si, kɔ̀ŋgɨ̀ ə Ŋwiə̀ ghà ni, “Mɨ Mbǎʼ, ɨchî mɨ chwiə, à ghɨ̀ ŋgəʼ zɔ̂ chè rɨ ɨgwɨ num. Àyɨə ghɨ yeʼ ənû ze nɨ à kə̀bɨ, kaʼi əze nɨ mə̀ kəbɨ.”

Matìyò 26:42

Ənɨ Yeso nyaʼa ghà əne, wɨ̀ nyaʼa yì wò kɔ̀ŋgɨ̀ ə Ŋwiə̀ ənɨ ɨghəm nɨ pe be ghà ni, “Mɨ Mbǎʼ, à mɨ yeʼ ni chəi ɨchî cherə nɨ tɨ̀ à ghɨ̀ ni ŋgəʼ zɔ̂ chè rɨ ɨgwɨ num, njɨ ghɨ ɨchî nɨ à kə̀bɨ.”

Lk 12:30

À yɨ ɨbeŋ mbe rɨŋga ɨsɨg nɨ chəi mbɨ kyerɨ ə Ŋwiə̀ mbe ə kə̀b ɨghɨ mbɔ̂. Ə Mbǎʼ ə kyerɨ ni mbə kə̀b ɨghɨ mbɔ̂.

Lk 22:42

“Mɨ Mbǎʼ, à mɨ ghaʼ, tɨrə̀ ben e ni mə̀ zə ŋgəʼ zɔ̂, àyɨə ghɨ yeʼ ənû ze nɨ à kə̀bɨ, kà i əze nɨ mə̀ kəbɨ.” [

Jn 15:10

Mbə mɨ nùŋ tum rɨkə, mə bɨrɨ ghaʼ əwən, ɨchî nɨ mə̀ fə bə nùŋ tɨkə tɨ mɨ Mbǎʼ, əne məd ə bə̀ ghaʼ əmɨ.

Jn 17:24

“Mɨ Mbǎʼ, mə kə̀b ni mɨ̀mə̌d mbe nɨ à nyaʼa naʼ ɨ num yeʼ mbɨ num əsɨ ze nɨ mə yeʼ əŋgu, ɨmbə̀ʼ mbɨ zə ɨchî nɨ à nyaʼə wumnɨ əmɨ, ɨmbə̀ʼ ɨghəm nɨ à nyaʼa ghaʼ əmɨ bɔŋ à nyaʼə sɨə tekɨ ɨsɨg.

Jn 18:36

Yeso nyaʼa wììrɨ̀ ni, “Kaʼ mɨ ənû ɨfɔ̀n yɨ i rɨŋga ɨsɨg wɔ̂. À kɨ nɨ mɨ ənû ɨfɔ̀n yɨə kəʼ rɨŋga ɨsɨg wɔ̂, njɨ bə̂d mbe nɨə beenɨ əbɔʼ num bɨrɨ zɔ̀ŋ ɨmbə̀ʼ tɨ mɨ̀Jû gywɨ ə əmɨ. Àyɨə ka mɨ ənû ɨfɔ̀n yɨ i rɨŋga ɨsɨg wɔ̂.”

Jn 20:17

Yeso nyaʼa ghà ɨ bɔ ni, “Tɨrə̀ yim e əmɨ, ɨmbə̀ʼ ɨghəm nɨ chəi mə kɨrɨ wò ɨkaŋ əsɨ mɨ Mbǎʼ. Àyɨə ndə̀ əsɨ mbɨ bɔŋgɔb pè ghà əmbɨ mɨ̀mə̌d ni mə yɨ əni wò ɨkaŋ əsɨ mɨ Mbǎʼ nɨ bə yeʼ ə Mbǎʼ, bə̀ wò əsɨ mɨ Ŋwiə̀ nɨ bə yeʼ ə Ŋwiə̀.”

2 Kɔrèn 10:4

Ka ɨghɨ bid mbe nɨ tɨə zɔ̀ŋə̀ mbɨ rɨwən yɨ i ɨghɨ bid bə̂d mɨ̀sɔŋɨchù. Mbɨ yɨ ɨghɨ bid Ŋwiə̀ nɨ berɨ ɨka nɨ chəkɨ ɨsɨ mbe nɨ bə̂d pə̀n məd ka əŋgu.

2 Kɔrèn 6:7

Tɨ̀ wɨə ghà ɨŋgam rəsìʼ. Tɨ̀ wɨə ghɨ̀ ɨnû ənɨ ɨka we nɨ Ŋwìə̀ naʼ ɨ na. Mba ɨnû mbe nɨ təm kùʼnɨ̀ yɨ ɨghɨ bid nɨ tɨ̀ yim əbɔ ə jɨgɨ, ɨ zɔ̀ŋ, bə̀ yim əbɔ ə tweŋ, ɨ kən ɨnyod.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.