Jn 18:1 - Meta’

¹ Ənɨ Yeso nyaʼa fə kɔŋgɨ ə Ŋwiə̀ màànɨ̀, wɨ̀ nyaʼa nɔ̀ʼ mbɨ mbi mə̀mə̀ə̀nɨ̀-ɨnû mbɨ wò baanɨ ɨmeʼ we nɨ mbɨ nyaʼə tɔŋ ənɨ ə Kidròn wo ɨnjin. Mbeŋ mɨ̀olìf mɔʼɔ nyaʼa əsɨ ze. Mbɨ nyaʼa wò nyɨ ɨŋga mbeŋ ze.

Ikan feg

¹ Anyumə̀ ne Yeso ya fə màni ni chàʼra Ŋwiye, məd tì mə̀mə̀nənùg məd ya nɔ̀ʼ chè inga ikye mben we ne mbe kàrà ane Kidròn ghò injḭ iywin. Mben mə̀Olìf mɔ̀ʼɔ ya yaʼ asiŋi ze. Ane, mbi ya nyi ghò inga mben ze.

Jn 18:1 Marejeleo ya Msalaba

Matìyò 26:30

Ənɨ mbɨ nyaʼa fə kwerɨ ɨkyî, mbɨ nyaʼa jwɨ̀ wò ɨkaŋ Ɨwum mɨ̀Olìf.

Matìyò 26:36

Yeso mbɨ mbi mə̀mə̀ə̀nɨ̀-ɨnû nyaʼa nɔ̀ʼ wò əsɨ ə mɔʼɔ ze nɨ mbɨ nyaʼə tɔŋ ənɨ Gètsemanì. Ənɨ mbɨ nyaʼa pè əŋgu, wɨ̀ nyaʼa ghà əmbɨ mɨ̀mə̌d ni, “Mbə̀ chub əgha, mə̀ tindɨ wò ɨmbì kɔ̀ŋgɨ̀ ə Ŋwiə̀.”

Mk 14:26

Ənɨ mbɨ nyaʼa fə kwerɨ ɨkyî, mbɨ nyaʼa jwɨ̀ wò ɨkaŋ Ɨwum mɨ̀Olìf.

Mk 14:32

Yeso mbɨ mbi mə̀mə̀ə̀nɨ̀-ɨnû nyaʼa wò əsɨ ə mɔʼɔ ze nɨ mbɨ nyaʼə tɔŋ ənɨ ə Gètsemanì. Ənɨ mbɨ nyaʼa pè əŋgu, wɨ̀ nyaʼa ghà əmbɨ mbi mə̀mə̀ə̀nɨ̀-ɨnû ni, “Mbə̀ chub əgha, mə̀ wo kɔŋgɨ ə Ŋwiə̀.”

Mk 14:42

Mbə̀ nɔʼ tɨ̀ kɔ wo. Mbə̀ zə, wə̀d we nɨ fen əmɨ fə sɨ i əgha.”

Jn 14:31

àyɨə mə wɨə ghɨ̀ àmei ɨchî nɨ Mbǎʼ gha ɨ num, ɨmbə̀ʼ ɨsɨg kyerɨ ni mə ghaʼ ə Mbǎʼ. Mbə̀ nɔʼ tɨ̀ kɔ wo a.”

Jn 18:26

Wə̀d ə̀fàʼì ətu ɨgwɨ ə bə̂d mbàn Ŋwìə̀ mɔʼɔ, nɨ nyaʼə əfurɨ ə mbaŋə̀ ze nɨ Pità kəʼ sob ə̀tǒŋ ə məd, nyaʼa biirɨ ni, “Ɨmbə̀ʼ mə kəʼ zə əwe mbɨ məd ɨŋga mbeŋ mɨ̀olìf ə?”

Ɨ̀fàʼì 21:11

Wɨ̀ nyaʼa yeʼe əsɨ na, pè nɨŋ ɨ̀kɔ̀bɨ̀ Pɔ̂l kod mbi ɨwu bə̀ kod mbi ɨbɔ ghà ni, “Əzwî ə Zeŋɨ ə ghà ni, 'À yɨ ɨchî nɨ mɨ̀Jû mbe rɨ ə Jèrusalèm bɨrɨ kod mbaŋə̀ ze nɨ berɨ ɨ̀kɔ̀bɨ̀ wɔ̂, əne zɨ̀ əməd ɨŋga tɨkyerɨ-ɨbɔ bə̂d nɨ kaʼi mɨ̀Jû.'”