Jn 17:9 - Meta’

⁹ “Mə wɨə kɔ̀ŋgɨ̀ əwe ɨmbə̀ʼ mɨ̀mə̌d. Chəi mɨə kɔ̀ŋgɨ̀ əwe ɨmbə̀ʼ ɨsɨg. Mə wɨə kɔ̀ŋgɨ̀ əwe yeʼ ɨmbə̀ʼ bə̂d mbe nɨ à nyaʼa naʼ ɨ num ɨmbə̀ʼ ɨghəm nɨ à yɨ mbe bə̂d.

Ikan feg

⁹ Mə ya dèghè inug mbo̰ ine anìŋ, imbə̀ʼ bəd mbe ne àghò nàʼi inum ne yaʼi ìmbe bəd. Kayi imbə̀ʼ bəd məjìm igun isəg.

Jn 17:9 Marejeleo ya Msalaba

Lk 22:32

Àyɨə mə fə kɔ̀ŋgɨ̀ ə Ŋwiə̀ ɨgwɨ ne ni tɨ e ɨbenɨ bɔd i. Ənɨ à wɨrɨ bèŋ e fîŋ ben əmɨ, à ghɨ̀ ni fîŋ tɨ mbe bɔŋgɔb wɨrɨ kàànɨ̀.”

Lk 23:34

Yeso nyaʼa ghà ni, “Mɨ Mbǎʼ, waʼ ɨnû rɨbɔ̀ŋ mɨ̀mə̌d, ɨmbə̀ʼ ɨghəm nɨ chəi mbɨ kyerɨ ənû ze nɨ mbɨə ghɨ̀ə̀.” Mɨ̀sɔgyɨ̀ mbe nyaʼa sɔ̀ŋ mbaŋ ɨmbə̀ʼ ghàpɨ̀ ngywɨ̌ rɨ məd.

Lk 8:34

Ənɨ bə̂d mbe nɨ nyaʼə nə̀ŋgɨ mɨ̀kuŋə mbe nyaʼa zə ənû ze nɨ nyaʼa ghɨ̌, mbɨ nyaʼa nòrə̀ wò ghà ənû ze ɨŋga əsɨ ze bə̀ ghà ɨŋga ɨsɨ mbe nɨ nyaʼa ɨban ɨban.

Jn 14:16

Mbə mɨ ghɨ̀ əne, mə bɨrɨ biirɨ əmbɨ Mbǎʼ, əne wɨ̀ bɨrɨ naʼ Ə̀wèèrɨ̀-bə̂d cherə ɨ nən nɨ bɨrɨ chubɨ mbɨ nən koŋ.

Jn 17:2

À fə nàʼ ɨka ɨ bɔ ni wɨ̀ tumbɨ bə̂d mɨjìm rɨŋga ɨsɨg, ɨmbə̀ʼ wɨ̀ naʼ ɨ̀tènɨ̀ rɨ mì əmbɨ ə bə̂d mbe nɨ à naʼ ɨ bɔ.

Jn 17:20

“Mə wɨə kɔ̀ŋgɨ̀ əwe kaʼ àmei ɨmbə̀ʼ mɨ̀mə̌d mbɔ̂. Mə wɨə bə̀ kɔ̀ŋgɨ̀ əwe ɨmbə̀ʼ bə̂d mbe nɨ ben əmɨ ənjìm ɨŋgam we nɨ mbɨ mə̀mə̀ə̀nɨ̀-ɨnû gha əmbɨ mɨ̀mə̌d.

Jn 17:6

“Mə fə ghɨ̀ ni bə̂d mbe nɨ à nyaʼa chɨ rɨŋga ɨsɨg nàʼ ɨ num kyerɨ əwe. À yɨə nyaʼa mbe bə̂d, əne à nyaʼa fə nàʼ mɨ̀mə̌d ɨ num. Mbɨ fə ghɨ̀ ənû ze nɨ à nyaʼa ghǎ əmbɨ mɨ̀mə̌d.

Jn 6:37

Bə̂d mɨjìm mbe nɨ mɨ Mbǎʼ naʼ ɨ num bɨrɨ yeʼe əsɨ num. Əne chəi mə̀ bɨrɨ nɔ fid wə̀d mɔʼɔ we nɨ yeʼe əsɨ num,

Jn 6:39

Ənû ze nɨ wə̀d we nɨ nyaʼa tom əmɨ kəbɨ yɨ ni tɨ mə̀ nimnɨ əmɨ wə̀d mɔʼɔ rəbɔʼ bə̂d mɨjìm mbe nɨ wɨ̀ naʼ ɨ num. Wɨ̀ kəb yeʼ ni mə̀ zwemnɨ mɨ̀mə̌d əni ze nɨ sɨ nwìə̀.

Mə̀Hibrù 7:25

Əne məd ə berɨ ɨka ənɨ mɨ̀nyùmə̀ jìm nɨ chɨ bə̂d mbe nɨ che ənjìm məd tindɨ ɨban ə Ŋwiə̀ rəŋgəʼ, ɨmbə̀ʼ ɨghəm nɨ məd wɨ i ɨkǎ koŋ ɨmbə̀ʼ kɔŋgɨ ə Ŋwiə̀ ɨgwɨ mɨ̀mə̌d.

Mə̀Hibrù 9:24

Chəi Kristo nyaʼa nyɨ ɨŋga əsɨ ɨwumnɨ ze nɨ mbɨ tekɨ ənɨ ɨbɔ, nɨ yeʼ əmɨg ənɨ əzɨ rəsìʼ. Wɨ̀ nyaʼa nyɨ ɨkaŋ, ɨmbə̀ʼ chub ɨfě Ŋwiə̀ ɨmbə̀ʼ əwa.

1 Jɔn 5:19

Tɨ̀ ə kyerɨ ni tɨ yɨə bə̂d Ŋwiə̀. Tɨ̀ bə̀ kyerɨ ni ɨsɨg jìm wɨ əton ə Satàn.

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.

Ɨnû 13:8

Bə̂d mɨ̀jìm mbe nɨə chub ɨgwɨ ə si bɨrɨ wumnɨ nyam kyeŋ ze. Əne yɨ mbe nɨ chəi mbɨ nyaʼa ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa fə ŋwàʼnɨ̀ rɨkum te bɔŋ wɨ̀ nyaʼa sɨə tekɨ ɨsɨg. Ə̀ŋwàʼnɨ̀ ze yɨ əzɨ ə Wan njɨ̀g we nɨ mbɨ nyaʼa kyemɨ.

Ɨnû 20:15

À mɨ yeʼ nɨ chəi mbɨ nyaʼa zə ɨkum wə̀d mɔʼɔ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, mbɨ nyaʼa màʼ əməd ɨŋga ɨwid kyeŋ we.